Join with Health.com.kh on Telegram

អ្នកជំនាញ​បាន​និយាយ​ថា ការ​ប្រើប្រាស់​ថ្នាំ​ប៉ា​រ៉ា​សេ​តា​ម៉ុ​ល និង ប្រភេទ​ថ្នាំ​បំបាត់​ការ​ឈឺចាប់​ផ្សេង​ៗ ទៀត ក្នុងអំឡុងពេល​នៃ​ការ​មាន​ផ្ទៃពោះ គឺ​អាច​មាន​ផ្តល់​នូវ​ភាព​គ្រោះថ្នាក់​ចំពោះ​ទារក​ដែល​មាន​ភេទ ប្រុស ពីព្រោះ​វា​អាច​មានការ​ប្រឈម​ទៅ​នឹង ពងស្វាស​ដែល​កំពុង​មានការ​លូតលាស់​។

 ស្ថានភាព​នេះ អាច​មាន​ទំនាក់ទំនង​ជាមួយនឹង ជំងឺមហារីក នៅ​ក្នុង​រយៈពេល​ក្រោយ​នៃ​ជីវិត​របស់​ពួក​គេ និង អាច​ធ្វើ​អោយ​ពួក​គេ​មិន​អាច​មានកូន​បាន ផង​ដែរ​។ ស្ត្រី​មាន​ផ្ទៃពោះ​ភាគច្រើន គឺ​ត្រូវ​បាន​គេ ធ្វើការ​ណែនាំ​រួច​មក​ហើយ​ថា ពួក​គេ​ត្រូវ​ធ្វើការ​ជៀសវាង​នូវ​ការ​ប្រើប្រាស់​ថ្នាំ​បំបាត់​ការ​ឈឺចាប់ ដើម្បី​ការ ពារ​ទារក​ដែល​មិន​ទាន់​កើត​របស់​ពួក​គេ បើ​ទោះបីជា​មានការ​និយាយ​ថា ការ​លេបថ្នាំ​បំបាត់​ការ​ឈឺចាប់ យូរ​ៗ​ម្តង សម្រាប់​អាកា​រៈ​ឈឺក្បាល គឺ​នឹង​មិន​បណ្តាល​អោយ​មាន​ផល​ប៉ះពាល់​អ្វី​នោះ​ទេ​។

 ក្រុម​អ្នក​សិក្សា​ស្រាវជ្រាវ ដែល​មក​ពី​ប្រទេស​ដា​ណឺ​ម៉ាក​, ហ្វាំ​ង​ឡង់ និង ប្រទេស​បារាំង បាន​ធ្វើការ តាមដាន​ទៅ​លើ​ស្ត្រី​មាន​ផ្ទៃពោះ​ចំនួន ២០០០​នាក់ និង ទារក​របស់​ពួក​គេ ហើយ​បាន​រក​ឃើញ​ថា  ស្ត្រី​ដែល បាន​ប្រើ​ថ្នាំ​បំបាត់​ការ​ឈឺចាប់​ច្រើន​ជាង​មួយ​ប្រភេទ ក្នុង​ពេល​តែ​មួយ​នោះ មាន​ដូច​ជា ថ្នាំ ប៉ា​រ៉ា​សេ​តា​ម៉ុ​ល និង អ៊ី​ប៊ុ​យ​ប្រូ​ហ្វែ​ន គឺ​មានឱកាស ៧​ដង ប្រឈម​នឹង​គ្រោះថ្នាក់ នៃ​ការ​ផ្តល់​កំណើត​អោយ ទារក​ភេទ​ប្រុស ដែល​មាន​ពងស្វាស មិន​បាន​ធ្វើការ​លូតលាស់​បាន​ល្អ ឬ cryptorchidism នេះ​បើ​ធ្វើការ ប្រៀបធៀប​ជាមួយនឹង​ស្ត្រី​ដែល មិន​បាន​លេប​នូវ​ថ្នាំ​ទាំងនេះ ។ ក្រុម​អ្នក​សិក្សា​ស្រាវជ្រាវ បាន​គិត​ថា ពពួក​ថ្នាំ​បំបាត់​ការ​ឈឺចាប់​ទាំងនេះ គឺ​បាន​រំខាន​ដល់ តុល្យភាព​ជា​ប្រក្រតី​របស់​អរ​ម៉ូ​ន​បុរស ដែល​មាន​ពី ធម្មជាតិ ចំពោះ​ទារក​ភេទ​ប្រុស​ដែល​មិន​ទាន់​កើត ។

  នៅ​ក្នុង​ត្រីមាស​ទី​ពីរ ដែល​ស្ថិត​នៅ​ចន្លោះ​ស​ប្តា​ហ៍​ទី ១៤ និង​២៧​នៃ​ការ​មានគភ៌ គឺ​ហាក់ជា ដំណាក់ កាលដែល​មាន​គ្រោះថ្នាក់​បំផុត ពីព្រោះ​ការ​ប្រើប្រាស់​ថ្នាំ​បំបាត់​ការ​ឈឺចាប់ ក្នុង​ដំណាក់កាល​នេះ គឺ អាច​មាន​ទំនាក់ទំនង ទៅ​នឹង​គ្រោះថ្នាក់​ច្រើន​ជាង​ទ្វេ​ដង នៃ​ការ​កើត​មាននូវ​ពងស្វាស ដែល​មិន​បាន​លូត លាស់​ល្អ​។

ការ​ប្រើប្រាស់​ថ្នាំ​ប៉ា​រ៉ា​សេ​តា​មុ​ល និង អ៊ី​ប៊ុ​យ​ប្រូ​ហ្វែ​ន​រួម​គ្នា ក្នុង​ពេល​តែ​មួយ គឺ​រឹតតែ​បង្កើន​គ្រោះថ្នាក់​ជា​ខ្លាំង នៅ​ក្នុង​ត្រីមាស​ទី​ពីរ​នៃ​ការ​មានគភ៌

   ស្ថិតិ​ដែល​គួរ​អោយ​រន្ធត់ ដែល​មាននៅ​ក្នុង​វេ​ប​សាយ​ស្តី​ពី​សុខភាព​ទារក គឺ​បាន​បង្ហាញ​ថា ការ​ប្រើ ប្រាស់​ថ្នាំ​បំបាត់​ការ​ឈឺចាប់​ច្រើន​ជាង​មួយ​ប្រភេទ ក្នុង​ពេល​ដំណាលគ្នា រួម​មាន​ទាំង ប៉ា​រ៉ា​សេ​តា​ម៉ុ​ល នៅ​ក្នុង​អំឡុង​នៃ​ត្រីមាស​ទី​ពីរ គឺ​បាន​បង្កើន​គ្រោះថ្នាក់​ដល់​ទៅ ១៦​ដង​។ ការ​ប្រើប្រាស់​ថ្នាំ​បំបាត់​ការ​ឈឺ ចាប់ ក្នុង​រយៈពេល​យូរ​ជាង ២​ស​ប្តា​ហ៍ នៅ​ក្នុងអំឡុងពេល​នៃ​ការ​មាន​ផ្ទៃពោះ ក៏​អាច​បង្កើន​គ្រោះថ្នាក់ បាន​ដ៏​គួរ​អោយ​កត់សម្គាល់​ផង​ដែរ ។

ស្ត្រី​មាន​ផ្ទៃពោះ​ទាំងឡាយ អាច​នឹង​មានការ​ព្រួយបារម្ភ​ជាមួយនឹង​ការ​សិក្សា​ស្រាវជ្រាវ​ថ្មី​នេះ ប៉ុន្តែ​ពួក​គេ ត្រូវ​ដឹង​ថា វា​អាច​មាន​ឥទ្ធិពល​បាន តែ​ក្នុង​ពេល​ដែល​ពួក​វា​ត្រូវ​បាន​ប្រើ ក្នុង​រយៈពេល​ដ៏​យូរ ប៉ុណ្ណោះ ហើយ​ស្ត្រី​ភាគច្រើន ដែល​ស្ថិត​នៅ​ក្នុង​ករណី​សិក្សា​នេះ ដែល​ធ្លាប់​បាន​ប្រើ ប៉ា​រ៉ា​សេ​តា​ម៉ុ​ល​នេះ គឺ មិន​បាន​បង្កើត​ទារក​ប្រុស ដែល​មាន​ពងស្វាស​មិន​បាន​លូតលាស់​បាន​ល្អ​នោះ​ទេ​។ ក្រុម​អ្នក​សិក្សា​ស្រាវជ្រាវ បាន​ជឿ​ថា ដំបូន្មាន​ដែល​បាន​ផ្តល់​ទៅ​កាន់ ស្ត្រី​មាន​ផ្ទៃពោះ​ស្តី​ពី​ការ ប្រើប្រាស់ ថ្នាំ​បំបាត់​ការ​ឈឺចាប់ គួរ​ត្រូវ​បាន​ធ្វើការ​ពិចារណា​ឡើង​វិញ​។

 វេជ្ជបណ្ឌិត Allan Pacey ដែល​ជា សាស្ត្រាចារ្យ​ជាន់ខ្ពស់ ផ្នែក​មនុស្ស​សាស្ត្រ នៅ​សកល​វិទ្យាល័យ Sheffield បាន​និយាយ​ថា អ្នក​វិទ្យាសាស្ត្រ​បាន​មានការ​ព្រួយបារម្ភ នា​ពេល​ខ្លះ អំពី សារធាតុ​គីមី ដែល ម្តាយ​អាច​នឹង​ប្រឈម នៅ​ក្នុងអំឡុងពេល​នៃ​ការ​មាន​ផ្ទៃពោះ គឺ​វា​អាច​នឹង​មាន​សក្តានុពល ដែល​នឹង ធ្វើ អោយ​ទារក​ភេទ​ប្រុស អាច​នឹង​មាន​បញ្ហា​ចំពោះ​ប្រព័ន្ធ​បន្ត​ពូជ​។