Join with Health.com.kh on Telegram

តើ​ការ​ដែល​មាន​កូនក្រៅស្បូន​គឺជា​អ្វី?
ការ​ដែល​មាន​ផ្ទៃពោះ​ធម្មតា​មាន​ន័យ​ថា ពង​កូន​រវាង​មេជី​វិត​ញី និង​មេជី​វិត​ឈ្មោល​ត្រូវ​បាន​កាច់​សំបុក​នៅ​ក្នុង​ស្បូន ។ ពាក្យ​ថា​កូនក្រៅស្បូន​មាន​ន័យ​ថា​ពង​កូន​រវាង​មេជី​វិត​ញី និង​មេជី​វិត​ឈ្មោល មិន​បាន​កាច់​សំបុក​នៅ​ក្នុង​ស្បូន​ទេ តែ​វា​អាច​ទៅ​នៅ​កន្លែង​ផ្សេង​ក្រៅពី​ស្បូន ។ ជំងឺ​កូនក្រៅស្បូន​ភាគច្រើន​គឺ​ពង​កូន​ជាប់​នៅ​ក្នុង​បំពង់​ដៃ​ស្បូន ដែល​បង្ក​លក្ខណៈ​មិន​អាច​មាន​ផ្ទៃពោះ​ដូច​មនុស្ស​ធម្មតា ។ វា​ក៏​អាច​កើត​នៅ​ក្នុង​ក្រពេញ​អូវែរ​( Ovary) មាត់ស្បូន ឬ​ក្នុង​ពោះ ។

វា​គឺជា​រឿង​សំខាន់​ណាស់​ក្នុង​ការ​រក​អោយ​ឃើញ​ថា​អ្នក​នោះ​មាន​ផ្ទៃពោះ​កូនក្រៅស្បូន​អោយ​បាន​លឿន​បំផុត ។ ការ​មាន​កូនក្រៅស្បូន​អាច​ធ្វើ​អោយរ​ហែក ឬ​ខូចខាត​សរីរាង្គ​ក្នុ​អាង​ត្រគៀក ដែល​វា​តាំងនៅ ។ បញ្ហា​នេះ​អាច​មាន​គ្រោះថ្នាក់​ធ្ងន់ធ្ងរ​ដល់​ម្តាយ ។
តើ​នរណា​ជា​អ្នក​ប្រឈម​មុខ​នឹង​ជំងឺ​កូនក្រៅស្បូន?
មនុស្ស​ដែល​អាច​មាន​ផ្ទៃពោះ​ទាំងអស់​សុទ្ធតែ​អាច​មាន​កូនក្រៅស្បូន ប៉ុន្តែ​អ្នក​អាច​នឹង​មាន​លទ្ធភាព​កាន់តែ​ច្រើន​ប្រសិនបើ​៖
• អាយុ​លើស​ពី ៣៥​ឆ្នាំ
• មាន​ជំងឺ​ក្នុង​អាង​ត្រគៀក​ដូច​ជា ជំងឺ​រលាក​ក្នុង​អា​ត្រគៀក ឬ​មាន​វះកាត់​ក្នុង​តំបន់​អាង​ត្រគៀក
• មាន​ជំងឺ​សាច់ដុំ​ស្បូន ( Endometriosis)
• ជក់បារី
• មាន​ប្រវត្តិ​រលា​កដៃ​ស្បូន ឬ​រូបរាង​ដៃ​ស្បូន​មិនធម្មតា
• មានការ​ពិបាក​ក្នុង​ការ​មាន​ផ្ទៃពោះ ឬ​ព្យាបាល​អោយ​មានកូន
• មាន​ជំងឺ​កូនក្រៅស្បូន​ពី​មុន​មក​ម្តង ឬ​ច្រើន​ដង
តើ​រោគ​សញ្ញា​នៃ​ជំងឺ​កូនក្រៅស្បូន​មាន​អ្វីខ្លះ?
រោគ​សញ្ញា​ភ្លាម​របស់​ជំងឺ​កូន​ក្រៅ​ស្បូ​គឺ​ដូច​ជា​មនុស្ស​មាន​ផ្ទៃពោះ​ធម្មតា​ដែរ ។ អ្នក​ប្រហែលជា​បាត់​រដូវ ឈឺ​ដោះ និង​ចង្អោរ (​ចាញ់កូន​) ។ ការ​ធ្វើតេស្ត​រក​មើល​មាន​ផ្ទៃពោះ​នៅផ្ទះ​ប្រហែលជា​វិជ្ជមាន ។
សញ្ញា​ធ្ងន់ធ្ងរ​នៃ​ជំងឺ​កូន​ក្រៅ​ស្បូ​គឺ​ឈឺ និង​ហូរ​ឈាម​តាម​ទ្វារមាស ។ អ្នក​ក៏​ប្រហែលជា​មាន​អារម្មណ៍​ថា មុត ឬ​ឈឺ​ពើត​ៗ​នៅ​ក្នុង​ក្រពះ ឬ​ឈឺ​ក្នុង​អាង​ត្រគៀក​តែ​ម្ខាង ។ អ្នក​ប្រហែលជា​មាន​អារម្មណ៍​ថា​វិលមុខ ឬ​ស្រវាំងភ្នែក ។ ប្រសិនបើ​អ្នក​ធ្លាប់​មាន​រោគ​សញ្ញា​ទាំងនេះ អ្នក​គួរតែ​ទៅ​ជួប​គ្រូពេទ្យ​អោយទាន់​ពេលវេលា ។
តើ​គ្រូពេទ្យ​ធ្វើ​ដូច​ម្តេច​ទើប​ដឹង ប្រសិនបើ​ខ្ញុំ​មាន​ជំងឺ​កូនក្រៅស្បូន?
គ្រូពេទ្យ​នឹង​ធ្វើតេស្ត​ទៅ​លើ​អាង​ត្រគៀក ដើម្បី​ពិនិត្យ​មើល​ទំហំ និង​រាង​របស់​ស្បូន ។ គាត់​ក៏​ប្រហែលជា​អោយធ្វើ​តេស្ត​ពិនិត្យ​ទឹកនោម និង​តេស្ត​ឈាម ដើម្បី​រក​មើល​កំរិត​អ័រម៉ូន Human Chorionic Gonadotropin (hCG) ។ អ័រម៉ូន hCG គឺជា​អ័រម៉ូន​ម្យ៉ាង​ដែល​ត្រូវ​បាន​ផលិត​ចេញ​មក​ពី​ទងសុក ។ ប្រសិនបើ​អ្នកមាន​ជំងឺ​កូនក្រៅស្បូន អ្នក​ប្រហែលជា​មាន​កំរិត hCG ទាប ។ គ្រូពេទ្យ​ប្រហែលជា​ចង់អោយ​អ្នក​ថត​អេកូ​បន្ថែម​ទៀត ។ ការ​ថត​អេកូ​គឺជា​ការ​ប្រើ​រលក​សំលេង​ដើម្បី​បង្កើត​បានជា​រូបភាព របស់​សរីរាង្គ​ណាមួយ​នៅ​ក្នុង​ខ្លួន ។ ការ​ធ្វើ​បែប​នេះ​នឹង​ធ្វើ​អោយ​គ្រូពេទ្យ​បានឃើញ​ថា​តើ​កូន​ដែល​នៅ​ក្រៅ​ស្បូន​វា​នៅ​កន្លែង​ណា ។
តើ​ជំងឺ​កូនក្រៅស្បូន​ព្យាបាល​យ៉ាងដូចម្តេច?
ប្រសិនបើ​កូន​នោះ​ជា​កូនក្រៅស្បូន ពង​កូន​មិន​អាច​លូតលាស់​បាន​ទេ ដូច្នេះ​ត្រូវ​តែ​យក​កំទេច​ពង​កូន​នេះ​ចេញ ។ ប្រសិនបើ​ពង​កូន​ដែល​នៅ​ក្រៅ​ស្បូន​នោះ​រក​មិនឃើញ​ទេ គ្រូពេទ្យ​អាច​នឹង​អោយ​អ្នក​ប្រើ​ថ្នាំ Methotrexate ។ ថ្នាំ​មួយ​ប្រភេទ​នេះ​មាន​ប្រសិទ្ធភាព​ក្នុង​ការ​រំលាយ​ពង​កូន​នោះ​បាន ហើយ​ខ្លួន​របស់​អ្នក​នឹង​ស្រូប​យក​កំទេចកំទី​ពង​កូន​នោះ​ទៅ​ក្នុង​ខ្លួន​វិញ​អោយ​ខ្លួនឯង ។
ជំងឺ​កូនក្រៅស្បូន​ដែល​មិន​ត្រូវ​បាន​រក​ឃើញ​ភ្លាម​ៗ​ទេ ឬ​ធ្វើ​អោយ​រហែក​សរីរាង្គ​ក្នុង​អាង​ត្រគៀក ត្រូវ​តែ​ទាមទា​ធ្វើការ​វះកាត់ ។
តើ​ខ្ញុំ​នឹង​មាន​កូនក្រៅស្បូន​ទៀត​ទេ ប្រសិនបើ​ខ្ញុំ​មានកូន​ម្តងទៀត?
ប្រសិនបើ​អ្នកមាន​ជំងឺ​កូនក្រៅស្បូន​ម្តង​ហើយ អ្នក​នឹង​អាច​ឱកាស​ច្រើន​ក្នុង​ការ​មាន​វា​ម្តងទៀត ។ អ្នក​ក៏​ប្រហែលជា​មានការ​ពិបាក​ក្នុង​ការ​មាន​ផ្ទៃពោះ​ម្តងទៀត​ដែរ ។ អ្នក​គួរតែ​ទុក​ឱកាស​អោយ​ខ្លួនឯង​ដើម្បី​អោយ​ជា​សះ​របួស​សិន មុន​ពេល​ព្យាយាម​យក​កូន​ម្តងទៀត​បន្ទាប់​ពី​មាន​កូនក្រៅស្បូន​ហើយ ។