កាល់ស្យូមដើរតួនាទីយ៉ាងសំខាន់ក្នុងការលូតលាស់កុមារតូច។ ប្រសិនបើអ្នកឃើញកូនរបស់អ្នកបង្ហាញរោគសញ្ញាទាំងនេះ អ្នកគួរតែផ្តល់ឱ្យពួកគេនូវកាល់ស្យូមឱ្យបានឆាប់តាមដែលអាច។
ធុញនឹងអាហារ
ការខ្វះជាតិកាល់ស្យូមនៅក្នុងរាងកាយនឹងនាំឱ្យមានការគេងមិនលក់, ចំណង់អាហារមិនល្អ។ បើទុកយូរពេកវានឹងប៉ះពាល់ទាំងរាងកាយនិងចិត្តរបស់កុមារ។
បែកញើស
ប្រសិនបើកុមារបែកញើសពេលយប់ ហើយមានរយៈពេលលើសពីបីថ្ងៃនោះទំនងជាកុមារខ្វះជាតិកាល់ស្យូម។ អ្នកម្តាយគួរពិនិត្យមើលសម្លៀកបំពាក់ និងកត្តាដែលប៉ះពាល់ដល់សីតុណ្ហភាពរាងកាយកូន។ ប្រសិនបើវាមិនមែនដោយសារកត្តាទាំងនេះដែលបណ្តាលឱ្យកុមារបែកញើស ម្តាយគួរតែនាំកូនទៅមន្ទីរពេទ្យ ដើម្បីពិនិត្យ និងផ្តល់ថ្នាំគ្រាប់កាល់ស្យូមដល់កុមារ។
ពិបាកគេង, គេងមិនលក់ស្រួល
សញ្ញាធម្មតាមួយចំពោះកុមារដែលខ្វះជាតិកាល់ស្យូម គឺពិបាកគេង ឫគេងមិនលក់។ អ្នកជំនាញជឿជាក់ថា៖ កាល់ស្យូមមានមុខងារគ្រប់គ្រងតុល្យភាពរវាងស្ថានភាពរំញោច និងរារាំងខួរក្បាល។ នៅពេលរាងកាយខ្វះជាតិកាល់ស្យូម វានឹងប៉ះពាល់ដល់ការរំលាយអាហាររបស់ប្រព័ន្ធសរសៃប្រសាទកណ្តាល។ ជាលទ្ធផល ផ្នែកខួរក្បាលតែងតែស្ថិតក្នុងស្ថានភាពរំញោច និងធ្វើឱ្យកុមារពិបាកគេងលក់ ហើយគេងលក់មិនស្រួល។
សក់នៅខាងក្រោយក្បាលតិចពេក
ចំពោះកុមារដែលខ្វះជាតិកាល់ស្យូម កម្រិតសក់ច្រើនតែស្ងួត មិនភ្លឺរលោងទេ ន្តែមានពណ៌លឿងស្លេក។ កុមារដែលខ្វះជាតិកាល់ស្យូមធ្ងន់ធ្ងរជារឿយៗមានសក់តិច។ ប្រសិនបើអ្នកឃើញថាកូនរបស់អ្នកមានសក់តិចពេកនៅខាងក្រោយក្បាល និងមានអាការៈដូចខាងលើនេះកុមារអាចខ្វះជាតិកាល់ស្យូម ហេតុនេះម្តាយគួរតែតាមដាន និងផ្តល់ថ្នាំបំប៉នដល់កូនឱ្យបានទាន់ពេលវេលា។
ក្មេងដើរយឺត ឆ្អឹង និងសន្លាក់ខូចទ្រង់ទ្រាយ
ក្មេងដើរយឺត ឬខូចទ្រង់ទ្រាយឆ្អឹង ក៏ជាសញ្ញាមួយដែលបង្ហាញថាកុមារខ្វះជាតិកាល់ស្យូមដែរ។ កុមារភាគច្រើនដែលមានកង្វះសារធាតុរ៉ែនេះ ច្រើនតែមានរោគសញ្ញានៅតំបន់ជើង។ ក្មេងៗអាចលូនឈរ និងដើរយឺតជាងមិត្តភក្តិរបស់ពួកគេ ព្រោះជើងរបស់ពួកគេពត់រាងរាងអក្សរ X ឬសាច់ដុំរបស់ពួកគេខ្សោយ និងរលុង។
ធ្មេញពុក, ដុះធ្មេញយឺត
នេះក៏ជាសញ្ញាមួយក្នុងចំណោមរោគសញ្ញាទូទៅដែរ។ មូលហេតុ គឺដោយសារកាល់ស្យូមដើរតួក្នុងការបង្កើតធ្មេញ និងឆ្អឹង។ បើគ្មានជាតិកាល់ស្យូមទេ ធ្មេញរបស់កុមារនឹងលូតលាស់យឺត ហើយងាយនឹងមានបញ្ហាធ្មេញផ្សេងទៀត។ ឧទាហរណ៍ធ្មេញត្រូវបានរង្គោះរង្គើ ដុះមិនត្រឹមត្រូវតាមចន្លោះធ្មេញ។ លើសពីនេះទៀតធ្មេញនឹងទន់ខ្សោយ ងាយបាក់ រលុង។ ដូច្នេះប្រសិនបើអ្នកឃើញរោគសញ្ញាទាំងនេះ នងជាកុមារខ្វះជាតិកាល់ស្យូមហើយត្រូវការវីតាមីន D បន្ថែមក្នុងពេលឆាប់ៗនេះ៕
