Join with Health.com.kh on Telegram

ចង់បានសក់ស្អាតរឹងមាំមិនពិបាកឡើយ។ គួរធ្វើបែបណា? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះប្រើគ្រឿងផ្សំធម្មជាតិប៉ុន្មានមុខនេះ ៖

១. លាយស៊ុត ១គ្រាប់ជាមួយសាប៊ូកក់សក់បន្តិច

អ្វីដែលអ្នកត្រូវធ្វើ គឺគ្រាន់តែលាយស៊ុត ១គ្រាប់ជាមួយសាប៊ូកក់សក់បន្តិច រួចកូរឱ្យសព្វ សឹមលាបល្បាយនេះលើសក់។ រងចាំសម្រាប់រយៈពេលពី ៥ ទៅ ១០នាទី សឹមលាងសម្អាតចេញឱ្យជ្រះសព្វ។

២. ទឹកខ្មេះផ្លែប៉ោម

អ្វីដែលអ្នកត្រូវធ្វើ គឺគ្រាន់តែលាយទឹកខ្មេះផ្លែប៉ោមជាមួយទឹកក្ដៅឧណ្ហៗក្នុងបរិមាណស្មើគ្នា។ កូរឱ្យសព្វមុនលាបម៉ាស្សាល្បាយលើសក់ និងរងចាំសម្រាប់រយៈពេលប្រហែល ៥នាទី សឹមលាងសម្អាតចេញ។

៣. តែបៃតងនិងទឹកឃ្មុំ

អ្វីដែលអ្នកត្រូវធ្វើ គឺគ្រាន់តែឆុងតែបៃតងពី ២ ទៅ ៣កញ្ចប់តូចក្នុងទឹកក្ដៅ ២ពែង និងបន្ថែមទឹកឃ្មុំ ១ស្លាបព្រាកាហ្វេ រួចកូរឱ្យសព្វ។ នៅពេលទឹកតែចុះត្រជាក់ ចូរយកទៅចាក់ទុកក្នុងដបសិន។ បន្ទាប់មកចាប់ផ្ដើមកក់សម្អាតសក់ជាមួយសាប៊ូដូចពេលធម្មតា និងកុំភ្លេចប្រើប្រាស់ក្រែមបន្ទន់។ ជាបន្តត្រូវយកទឹកតែដែលបានទុកនោះមកចាក់លើសក់ ហើយធ្វើការឈ្លីម៉ាស្សាថ្នមៗឱ្យជ្រាបដល់ស្បែកក្បាលផង។ រងចាំសម្រាប់រយៈពេលពី ៥​ ទៅ ១៥នាទី សឹមលាងសម្អាតចេញជាមួយទឹកត្រជាក់។

៤. ចេកទុំ

អ្វីដែលអ្នកត្រូវធ្វើ គឺផ្លែបឺរទុំកិនម៉ដ្ឋ ១ ផ្លែ ចេកទុំកិនម៉ដ្ឋ ១ ផ្លែ និងប្រេងអូលីវ ១ ស្លាបព្រាបាយ។ អ្វីដែលអ្នកត្រូវធ្វើ គឺគ្រាន់តែលាយគ្រឿងផ្សំទាំងអស់ចូលគ្នា។ កូរឱ្យសព្វ សឹមលាបម៉ាស្សាលើស្បែកក្បាល។ ទុកចោលសម្រាប់រយៈពេល ៣០ នាទី សឹមលាងសម្អាតចេញនិងកក់សក់ដូចពេលធម្មតា។

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh សូមមិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបពិគ្រោះជាមួយគ្រូពេទ្យជំនាញដើម្បីទទួលការពិនិត្យនិងព្យាបាលឱ្យបានត្រឹមត្រូវទើបប្រសើរ៕