ប្រសិនបើ ស្វាមីរបស់អ្នកខ្ជិលធ្វើការងារផ្ទះសូមសាកល្បងអនុវត្តល្បិចទាំងនេះ!
តែងតែធ្វើឱ្យស្វាមីរបស់អ្នកមានអារម្មណ៍ថាសំខាន់
ប្រសិនបើអ្នកចង់ឱ្យគាត់ធ្វើអ្វីមួយសម្រាប់អ្នក ផ្តល់ឱ្យស្វាមីរបស់អ្នកនូវងារជា “វីរៈបុរស” ហើយធ្វើដូចជាមានតែគាត់ប៉ុណ្ណោះ ដែលអាចធ្វើវាបានល្អ ហើយអ្នកផ្សេងទៀតមិនអាចធ្វើបាន។
វាគឺជាអាកប្បកិរិយានៃការគោរព ហើយចាត់ទុកគាត់ជាវីរបុរសរបស់អ្នក ដែលនឹងជួយជំរុញស្ទីលក៏ដូចជាសភាវគតិការពារបុរស។ ប្រាកដណាស់គាត់នឹងស្តាប់តាមអ្វីដែលអ្នកនិយាយ។
តែងតែសរសើរ និងឱ្យតម្លៃស្វាមីរបស់អ្នក
នៅក្នុងការងារផ្ទះបុរសៗ តែងតែខ្ជិលច្រអូស បើស្វាមីរបស់អ្នកមានការស្ទាក់ស្ទើរក្នុងការបំពេញការងារ សូមសរសើរជំនាញរបស់គាត់ ហើយកោតសរសើរចំពោះការខិតខំរបស់គាត់។ មនុស្សគ្រប់គ្នាចូលចិត្តឱ្យគេកោតសរសើរ ហើយស្វាមីរបស់អ្នកប្រាកដជាសប្បាយចិត្តដែលបាន លឺការសរសើរវិជ្ជមាន។
ប្រកាន់ខ្ជាប់នូវអ្វីដែលអ្នកនិយាយ
នៅពេលដែលអ្នកចង់ឱ្យប្តីអ្នកធ្វើកិច្ចការផ្ទះ កុំស្រែកថ្ងូរ វានឹងធ្វើឱ្យប្តីអ្នកមិនព្រមធ្វើការងាររបស់គាត់តែប៉ុណ្ណោះ។ ផ្ទុយទៅវិញត្រូវរៀននិយាយ ឲ្យ បានម៉ឺងម៉ាត់ ម៉ត់ចត់ ដូច្នេះស្វាមីរបស់អ្នកដឹងថាគាត់គ្មានជម្រើសក្រៅពីធ្វើការទេ។
ភាពបត់បែនក្នុងការធ្វើកិច្ចការផ្ទះ
នៅពេលអ្នកចង់ឱ្យប្តីអ្នកជួយធ្វើកិច្ចការផ្ទះ អ្នកគួរតែចងចាំថា គាត់នឹងមិនធ្វើអ្វីតាមវិធីរបស់អ្នកទេ។ គាត់អាចព្យាយាមធ្វើកិច្ចការផ្ទះតាមរបៀបច្នៃប្រឌិតបន្ថែម ដើម្បីសម្រេចបានលឿន និងប្រសើរជាងមុន។ ដូច្នេះ កុំបង្ខំ ឬព្យាយាមគ្រប់គ្រងគាត់ឱ្យធ្វើតាមវិធីរបស់អ្នក។ ផ្ទុយទៅវិញ ចូររៀន និងទទួលយករបៀបធ្វើរបស់គាត់បើវាពិតជាមានប្រសិទ្ធភាព។
ស្វែងរកការធ្វើដំណើរឆ្ងាយពីផ្ទះ
ប្រសិនបើអ្នកចង់ឱ្យប្តីអ្នកធ្វើកិច្ចការផ្ទះ បន្ទាប់មកទុកឱ្យប្តីអ្នកគ្រប់គ្រង និងធ្វើកិច្ចការផ្ទះទាំងអស់ពេលអ្នកមិននៅផ្ទះ។ ទោះបីជាអ្នកមានការព្រួយបារម្ភក៏ដោយ សូមចងចាំថាស្វាមីរបស់អ្នកក៏ជាមនុស្សពេញវ័យដែរ គាត់ត្រូវតែដឹងពីរបៀបគ្រប់គ្រងការងារទាំងនៅកន្លែងធ្វើការ ក៏ដូចជាថែរក្សាគ្រួសារ។ ហេតុនេះ អ្នកគួរតែជូនដំណឹងដល់ស្វាមីរបស់អ្នក ហើយរៀបចំអីវ៉ាន់សម្រាប់ដំណើរកម្សាន្តរយៈពេលខ្លីជាមួយមិត្តភក្តិជិតស្និទ្ធ ឬដំណើរកម្សាន្តទៅលេងគ្រួសារ៕