ធ្លាប់ដឹងឬអត់? ចេកទុំនិងទឹកឃ្មុំ ជួយព្យាបាលទល់លាមក

ទោះបីជាស្គាល់ និងធ្លាប់ទទួលទាន ប៉ុន្តែភាគច្រើននៃពួកយើងប្រហែលជាមិនធ្លាប់ដឹងទេថា ការញ៊ាំផ្លែចេកក្នុងរបៀបណាអាចជួយព្យាបាលទល់លាមកបានឆាប់រហ័ស។ ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីគន្លឹះទទួលទានផ្លែចេកព្យាបាលទល់លាមក ៖

១. ចេកទុំ និងទឹកឃ្មុំ

អ្វីដែលអ្នកត្រូវធ្វើ គឺគ្រាន់តែចិតចេកទុំពី ១ ទៅ ២ផ្លែជាចំណិតតូចៗ បន្ទាប់មកចាក់ចូលក្នុងម៉ាស៊ីនកិនក្រឡុក។ បន្ថែមទឹកធម្មតា និងទឹកឃ្មុំ ពី ១ ទៅ ២ស្លាបព្រាកាហ្វេចូល រួចសឹមចាប់ផ្ដើមកិនក្រឡុកឱ្យសព្វមុនទទួលទានភេសជ្ជៈនេះ។ អ្នកក៏អាចគ្រាន់តែចិតផ្លែចេកទុំជាដុំតូចៗ រួចទទួលទានផ្ទាល់ជាមួយទឹកឃ្មុំតែម្ដង។ អនុវត្តឱ្យបានម្ដង ឬ ២ដងក្នុងមួយថ្ងៃ។

២. ល្ហុងទុំ និងផ្លែចេក

អ្វីដែលអ្នកត្រូវធ្វើ គឺគ្រាន់តែកិនក្រឡុកល្ហុងទុំដែលចិតជាដុំតូចៗ ១ពែងជាមួយចេកទុំ ១ផ្លែឱ្យសព្វចូលគ្នា រួចសឹមទទួលទានភេសជ្ជៈនេះ។ អ្នកអាចបន្ថែមទឹកធម្មតា ១ភាគ៤នៃពែងមុននឹងចាប់ផ្ដើមកិនក្រឡុកផ្លែឈើ ២មុខនេះចូលគ្នាក៏បាន។ ទទួលទានមិនឱ្យលើសពី ២ដងក្នុងមួយថ្ងៃរហូតដល់ជាធូរស្បើយជាការស្រេច៕

កំណត់សម្គាល់៖ នេះជាអត្ថបទស្រាវជ្រាវដែលមានបំណងផ្តល់ជូននូវព័ត៌មាន និងចែករំលែកចំណេះដឹង មិនមែនសម្រាប់ជំនួសឱ្យការព្យាបាលដោយគ្រូពេទ្យជំនាញតែម្ដងឡើយ។ វេបសាយសុខភាព Health.com.kh សូមមិនទទួលខុសត្រូវចំពោះការព្យាបាលដោយខ្លួនឯងតាមអត្ថបទខាងលើនោះទេ។ ក្នុងករណីមានបញ្ហាសុខភាព ឬការសង្ស័យពាក់ព័ន្ធណាមួយ សូមធ្វើការណាត់ជួបជាមួយគ្រូពេទ្យដើម្បីទទួលការពិនិត្យនិងព្យាបាលឱ្យបានត្រឹមត្រូវ៕