Join with Health.com.kh on Telegram

ទឹក​ផ្លែ​ប៉ោម​មិន​ត្រឹមតែ​ឆ្ងាញ់​ទេ ថែមទាំង​មាន​ជីវជាតិ​ទៀតផង​។ ការទទួល​ទាន​ទឹក​ផ្លែ​ប៉ោម ជួយ​បំពេញ​ថាមពល និង​អាច​ការពារ​ជំងឺ​មួយចំនួន​ចំពោះ​ម្តាយ​និង​ទារក​អំឡុងពេល​មាន​ផ្ទៃពោះ​។

១-​ឥទ្ធិពល​នៃ​ទឹក​ផ្លែ​ប៉ោម​ចំពោះ​សុខភាព​ស្ត្រី​មាន​ផ្ទៃពោះ​

ជួយ​កាត់បន្ថយ​ហានិភ័យ​នៃ​ជំងឺ​គភ៌​

​យោងតាម​ការស្រាវជ្រាវ​ជាច្រើន​បាន​បង្ហាញថា​អំឡុងពេល​មាន​ផ្ទៃពោះ​ការទទួល​ទាន​ទឹក​ផ្លែ​ប៉ោម​ជាប្រចាំ​នឹង​កាត់បន្ថយ​ហានិភ័យ​នៃ​ជំងឺហឺត​ចំពោះ​ទារក​ទើបនឹង​កើត​។​

​ការពារ​ជំងឺហឺត​

​ទឹក​ផ្លែ​ប៉ោម​មាន​ផ្ទុក​សារជាតិ flavonoids ដែល​អាចជួយ​ការពារ​ជំងឺហឺត​។ វា​ក៏​អាចជួយ​ធ្វើឱ្យ​សួត​របស់​អ្នកមាន​សុខ​ភាពល្អ​សម្រាប់​ការគ្រប់គ្រង​ជំងឺហឺត​បានល្អ​ប្រសើរ​។ យោងតាម​ការសិក្សា​បានបង្ហាញ​ថា​អ្នក​ដែល​ផឹកទឹក​ផ្លែ​ប៉ោម​ជា​រៀងរាល់ថ្ងៃ​មាន​ហានិភ័យ​នៃ​ជំងឺហឺត​ទាប​ជាង​អ្នក​ដែល​មិន​ផឹកទឹក​នេះ​។​

​បញ្ចុះ​កូ​ឡេ​ស្តេ​រ៉ុល​

​ប្រសិនបើ​អ្នក​ព្យាយាម​អស់ពី​សមត្ថភាព​ដើម្បី​បញ្ចុះ​កូ​ឡេ​ស្តេ​រ៉ុល​ក្នុង​ឈាម​កុំ​ភ្លេច​ផឹកទឹក​ផ្លែ​ប៉ោម​។ ទឹក​ផ្លែ​ប៉ោម​ពោរពេញ​ទៅដោយ​វីតាមីន សារធាតុ​រ៉ែ និង​សារធាតុ​ប្រឆាំង​អុកស៊ីតកម្ម ដែល​អាចជួយ​អ្នកគ្រប់គ្រង​កូ​ឡេ​ស្តេ​រ៉ុល​។

សម្អាត​ថ្លើម​

​ជាតិ​អាល់​កា​ឡាំង នៃ​ទឹក​ផ្លែ​ប៉ោម​ជួយ​សម្អាត​កាកសំណល់​ផលិតផល ដែល​បាន​បង្កើតឡើង​នៅក្នុង​ថ្លើម ហើយ​អាចជួយ​អ្នករក្សា pH ក្នុង​រាងកាយ​របស់​អ្នក​។ សារធាតុ Pectin ដែលមាន​នៅក្នុង​ទឹក​ផ្លែ​ប៉ោម ក៏​អាចជួយ​អ្នករក្សា​ប្រព័ន្ធ​រំលាយ​ឱ្យមាន​សុខ​ភាពល្អ​ផងដែរ​។​

​បង្កើន​ភាពស៊ាំ​

​ស្ត្រី​មាន​ផ្ទៃពោះ​អាច​ងាយ​ឆ្លង​មេរោគ និង​អា​ឡែ​រ​ហ្សី​ដោយសារ​ភាពស៊ាំ​ចុះខ្សោយ​។ ការទទួល​ទាន​ទឹក​ផ្លែ​ប៉ោម គឺជា​វិធី​សាមញ្ញ​បំផុត ដើម្បី​បង្កើន​ភាពស៊ាំ​របស់​អ្នក និង​ការពារ​ជំងឺ​ផ្សេងៗ​។​

ល្អ​សម្រាប់​សរសៃឈាម​បេះដូង​

​ក្នុង​កែវ​ទឹក​ផ្លែ​ប៉ោម​មួយ​កែវ ក៏​សម្បូរ​ទៅដោយ​សារធាតុ​ប្រឆាំង​អុកស៊ីតកម្ម​ដែរ​។ ទាំងនេះ​រួមមាន​ប៉ូ​លី​ហ្វេ​ណុល និង​សារជាតិ flavonoids ដែលមាន​អត្ថប្រយោជន៍​យ៉ាងខ្លាំង​សម្រាប់​ប្រព័ន្ធ​សរសៃឈាម​បេះដូង​របស់​អ្នក​។ លើសពីនេះ ទឹក​ផ្លែ​ប៉ោម​ក៏​សម្បូរ​ប៉ូ​តា​ស្យូ​ម ដែលជា​សារធាតុ​រ៉ែ​មួយ​ប្រភេទ​ដើរតួនាទី​យ៉ាងសំខាន់​ចំពោះ​សុខភាព​បេះដូង​។ ដូច្នេះ ការទទួល​ទាន​ទឹក​ផ្លែ​ប៉ោម​ជា​រៀងរាល់ថ្ងៃ អាចជួយ​ស្ត្រី​មាន​ផ្ទៃពោះ​បង្កើន​មុខងារ​សរសៃឈាម​បេះដូង​។

២-​ការណែនាំ​អំពី​វិធី​ធ្វើ​ទឹក​ផ្លែ​ប៉ោម​ដែល​ឆ្ងាញ់ និង​មាន​ជីវជាតិ​សម្រាប់​ស្ត្រី​មាន​ផ្ទៃពោះ​

​គ្រឿងផ្សំ​:

-​ផ្លែ​ប៉ោម ១ ផ្លែ​
-​ក្រូចឆ្មា​ស្រស់​កន្លះ​ផ្លែ​។​
-​ខ្ញី ១ ដុំ​តូច​
-​ស្ករស ៥០ ក្រាម​
-​ទឹកកក​តូចៗ / កំទេច​ទឹកកក

​វិធី​ធ្វើ​៖

-​ជំហាន​ទី ១៖ ផ្លែ​ប៉ោម​ត្រូវ​លាង​ឱ្យ​ស្អាត​, ចិត្ត​សំបក​និង​យក​គ្រាប់​ចេញ​, ហាន់​ជា​បន្ទះ​ស្តើងៗ​។​
-​ជំហាន​ទី ២៖ លាង​សម្អាត​ខ្ញី រួច​កោ​សម្បក​ចេញ​។​
-​ជំហាន​ទី ៣៖ ក្រូចឆ្មា​ឆ្កឹះ​គ្រាប់​ចេញ រួច​ច្របាច់​យក​ទឹក​។​
-​ជំហាន​ទី ៤៖ ដាក់​គ្រឿងផ្សំ​ទាំងអស់ (​ទឹកក្រូច​ឆ្មា ខ្ញី ប៉ោម ស្ករ​) ចូលក្នុង​ម៉ាស៊ីន​ក្រឡុក​អោយ​សព្វ ដើម្បី​បង្កើតជា​ល្បាយ​ផ្លែ​ប៉ោម​។​
-​ជំហាន​ទី ៥៖ បន្ទាប់មក​អ្នក​ត្រង​ច្រោះ​យកតែ​ទឹក​មកវិញ​។​
-​ជំហាន​ទី ៦៖ អ្នក​ចាក់ទឹក​នោះ​ចូលក្នុង​កែវ ហើយ​បន្ថែម​ទឹកកក ហើយ​រីករាយ​ភ្លាមៗ​។​

​ជាមួយនឹង​ព័ត៌មាន​ដែល​ប្រមូលបាន​ខាងលើ​សង្ឃឹមថា​ស្ត្រី​មាន​ផ្ទៃពោះ​នឹងមាន​ចំណេះដឹង​បន្ថែម​អំពី​ទឹក​ផ្លែ​ប៉ោម​ហើយ​ប្រើ​វា​ដោយ​សម​ហេតុផល​៕​