ផ្លែស្រកានាគគឺជាផ្លែឈើមួយប្រភេទដែលមានរស់នជាតិឆ្ងាញ់ ព្រមទាំងមានប្រយោជន៍ដ៏ខ្លាំងជាងគេនោះគឺគ្មានកូឡេស្តេរ៉ុលដែលធ្វើអោយប៉ះពាល់ដល់សុខភាពមនុស្ស។ តាមរយៈការបន្ថយចំនួនកូឡេស្តេរ៉ុលក្នុងឈាម ឱកាសនៃការកើតជាកំណកក្នុងសរសៃឈាមអាក់ទែ និងវ៉ែន ក៏មានតិចតួចដែរ។ ដូច្នេះហើយទើបវាជួយកាត់បន្ថយជំងឺក្រិនរឹងសរសៃឈាម, គាំងបេះដូង និងដាច់សរសៃឈាមខួរក្បាលបាន។
តាមរយៈការប្រើប្រាស់ផ្លែស្រកានាគជាប្រភពជីវជាតិដ៏ច្រើននោះ អ្នកក៏បន្ថយឥទ្ធិពលអវិជ្ជមានណាមួយកើតឡើងក្នុងរាងកាយដែរ ដូច្នេះកេរ្តិ៍ឈ្មោះរបស់ផ្លែឈើមួយប្រភេទនេះអាចចាត់ទុកថាជាអាហារដ៏អស្ចារ្យបានហើយ។ ជាតិខ្លាញ់មួយចំនួនគ៏មានប្រយោជន៍ដែរ ហើយគ្រាប់របស់ផ្លែស្រកានាគក៏មានជាតិខ្លាញ់មួយប្រភេទដែលល្អចំពោះមនុស្សដែរ ដែលជាហេតុនាំអោយកម្រិតកូឡេស្តេរ៉ុលល្អ (HDL) កើនឡើង។ កូឡេស្តេរ៉ុល HDL ទៅបន្ថយចំនួនកូឡេស្តេរ៉ុលអាក្រក់ LDL តាមរយៈការទប់ស្កាត់កន្លែងទទួលដែលវាតោងភ្ជាប់នឹងជញ្ជាំងសរសៃឈាមអាក់ទែ៕
