ការធ្វើលំហាត់ប្រាណអាចជារឿងចុងក្រោយដែលអ្នកចង់គិតនៅពេលដែលអ្នកមានការឈឺ ចង្កេះ ប៉ុន្តែអ្នកជំនាញបាននិយាយថាការធ្វើលំហាត់ប្រាណគឺជារឿងល្អបំផុតសម្រាប់ការឈឺ ចង្កេះរ៉ាំរ៉ៃ។ “សម្រាប់មនុស្សដែលទទួលរងការឈឺចង្កេះជារៀងរាល់ថ្ងៃជាពិសេសប្រសិនបើ ការឈឺចាប់មានការប្រែប្រួលពេញមួយថ្ងៃ ការធ្វើលំហាត់ប្រាណអាចនឹងមានប្រយោជន៍”។ ប្រសិនបើអ្នកស្ថិតនៅក្រោមការ ថែទាំរបស់វេជ្ជបណ្ឌិតចំពោះការឈឺចង្កេះ អ្នកត្រូវប្រាកដថាវាមិនអីនោះទេមុនពេលអ្នកចាប់ ផ្តើម។ នៅទីនេះជាលំហាត់ប្រាណដែលគ្រូពេទ្យបានផ្ដល់អនុសាសន៍មួយចំនួន៖
- “គេងផ្កាប់នៅលើកម្រាល។ រក្សាអោយឆ្អឹងអាងត្រគាកទៅទល់នឹងឥដ្ឋ និងងើបឡើង ដោយច្រត់ដៃរបស់អ្នកចំកោងខ្នងអោយដូចជាស្មាបានងើបឡើង” លោកវេជ្ជបណ្ឌិត Minkowបាននិយាយបែបនេះ។ នេះអាចជួយបន្តឹងសាច់ដុំចង្កេះរបស់អ្នក។លោកវេជ្ជបណ្ឌិតបានផ្តល់យោបល់ថា ធ្វើបែបនេះម្តងនៅពេលព្រឹក នឹងម្តងទៀតនៅពេលរសៀល។
- ខណៈពេលដែលអ្នកស្ថិតនៅជាន់នឹងកម្រាលត្រឡប់មកគេងផ្ងាវិញ “ គេងរាបដោយ ដាក់បាត់ជើងទាំងពីរនៅជាន់កម្រាល ហើយជង្គង់បត់ឡើង។ អោបដៃ និងសម្រាកដៃ នៅលើស្មា។ ងើបក្បាល និងស្មាអោយផុតពីកម្រាលដូចដែលអ្នកអាចធ្វើបានខណៈ ពេលដែលរក្សាចង្កេះរបស់អ្នកនៅជាន់នឹងកម្រាល។ ទប់វា១វិនាទីហើយបន្ទាប់មក ធ្វើឡើងវិញ។
- ហែលទឹកនៅលើគោក គេងផ្កាប់ ហើយលើកដៃឆ្វេង និងជើងស្តាំ។ ទប់មួយវិនាទី ហើយបន្ទាប់មកលើកជើងឆ្វេង និងដៃស្តាំម្តងដូចដែលអ្នកហែលទឹក។ នេះនឹងពង្រីក និងបន្តឹងសាច់ដុំចង្កេះរបស់អ្នក លោកវេជ្ជបណ្ឌិតMinkowបាននិយាយបែបនេះ។
- ការហែលទឹកគឺជាការធ្វើលំហាត់ប្រាណដ៏អស្ចារ្យមួយសម្រាប់ចង្កេះ។ ការធ្វើលំហាត់ ប្រាណដ៏ល្អមួយសម្រាប់ការឈឺចាប់ចង្កេះស្រួចស្រាវគឺហែលនៅក្នុងអាងទឹកក្តៅ៕
