ការណែនាំ និងបង្ហាញកូនរបស់អ្នកទៅកាន់ពិភពហិរញ្ញវត្ថុ និងការចំណាយរបស់មនុស្សពេញវ័យ អាចជួយពួកគេឱ្យមានអារម្មណ៍ស្រួល និងមានទំនុកចិត្តក្នុងការគ្រប់គ្រងហិរញ្ញវត្ថុផ្ទាល់ខ្លួន។ នេះ គឺជាគន្លឹះមានប្រយោជន៍សម្រាប់ឪពុកម្តាយដើម្បីបង្រៀនកូនៗ របស់ពួកគេនូវជំនាញគ្រប់គ្រងប្រាក់។
បើកគណនីសន្សំសម្រាប់កូនរបស់អ្នក
ឪពុកម្តាយជាច្រើនបើកគណនីសន្សំមួយនៅពេលកូនរបស់ពួកគេកើតមក ប៉ុន្តែកូនមិនទាន់បានប្រើប្រាស់អត្ថប្រយោជន៍នៃគណនីនេះនៅឡើយទេ។ យកល្អគួរតែបើកគណនីមួយបន្ទាប់ពីកុមារអាចយល់ពីគំនិតនៃប្រាក់ ហើយដើរតួយ៉ាងសកម្មនៅក្នុងនោះ។
ក្មេងៗតែងតែទទួលបានប្រាក់ក្នុងឱកាសពិសេសដូចជាថ្ងៃកំណើត ឬថ្ងៃឈប់សម្រាក ហើយវាពិតជាសប្បាយនៅពេលដែលពួកគេមានអារម្មណ៍ថា “ធំឡើង” បើប្រៀបធៀបទៅនឹងក្មេងដទៃទៀតនៅពេលពួកគេយកលុយនោះទៅធនាគារដើម្បីដាក់ប្រាក់។ ទាំងនេះ គឺជាជំនាញសន្សំដែលមិនសាបសូន្យក្នុងជីវិតកុមារ។
ស្វែងយល់ពីការពិន័យហិរញ្ញវត្ថុ
ជីវិតពិតគឺពោរពេញទៅដោយការផាកពិន័យផ្នែកហិរញ្ញវត្ថុ ដូចជាការរំលោភបំពានច្បាប់ចរាចរណ៍ ការទទួលទានច្រើនពេកនៅភោជនីយដ្ឋានប៊ូហ្វេ និងការផាកពិន័យផ្សេងទៀត។ កុមារត្រូវរៀនពីដំបូង ។ ពួកគេគឺជាក្មេងតូចដែលរប៉ិលរប៉ូច ហើយនៅពេលដែលក្មេងៗចេតនាមិនសន្សំប្រាក់ ឪពុកម្តាយកុំគ្របដណ្តប់ពួកគេ។
ផ្ទុយទៅវិញសូមផ្តល់ការស្តីបន្ទោសដូចជាការដកផ្នែកខ្លះនៃគណនីសន្សំរបស់កូនអ្នក ហើយពន្យល់យ៉ាងច្បាស់ពីមូលហេតុដែលអាកប្បកិរិយារបស់ពួកគេនាំឱ្យមានការដាក់ទណ្ឌកម្ម។ នេះនឹងបង្រៀនពួកគេឱ្យទទួលខុសត្រូវចំពោះសកម្មភាពផ្ទាល់ខ្លួនរបស់ពួកគេ។
លើកទឹកចិត្តកូនរបស់អ្នកឱ្យស្វែងរកការងារសមរម្យ
ការងារក្រៅម៉ោងអាចជួយក្មេងៗស្រមៃអំពីការរកប្រាក់ចំណូល និងគ្រប់គ្រងប្រាក់ចំណូលរបស់ពួកគេនៅពេលក្រោយ។ ការងារជួយឱ្យពួកគេយល់ពីការទទួលខុសត្រូវ ការគ្រប់គ្រងពេលវេលា វិន័យ និងតម្លៃនៃការងារ។ ឧទាហរណ៍ថា កុមារីម្នាក់ទទួលបានការងារក្រៅម៉ោងនៅអាយុ ១៦ ឆ្នាំហើយនៅពេលដែលនាងដឹងថាប្រាក់ខែរបស់នាងមិនច្រើនបន្ទាប់ពីកាត់ពន្ធរួច នាងយល់ថានាងត្រូវធ្វើការថែមមួយម៉ោងដើម្បីរកប្រាក់ចំណេញ។
សូម្បីតែការងារក្រៅម៉ោងទាំងនេះក៏អាចជួយកុមារស្វែងយល់ពីចំណាប់អារម្មណ៍ ចំណុចខ្លាំង និងចំណុចខ្សោយរបស់ពួកគេនៅដំណាក់កាលដំបូង និងមានទិសដៅល្អប្រសើរសម្រាប់ផ្លូវអាជីពនាពេលអនាគតរបស់ពួកគេ។
ការវិនិយោគ
មនុស្សជាច្រើនមិនដឹងថា តើការវិនិយោគដំណើរការយ៉ាងដូចម្តេចទេ ប៉ុន្តែវាជាជំនាញដែលត្រូវការការអភិវឌ្ឍន៍មុន ហើយនឹងទទួលបានជោគជ័យក្នុងរយៈពេលវែង។ ប្រសិនបើអ្នកកំពុងវិនិយោគដោយខ្លួនឯង សូមនាំកូនរបស់អ្នកទៅឱ្យឈ្មួញកណ្តាល ហើយអនុញ្ញាតឱ្យពួកគេសង្កេតមើលដំណើរការ។ ការបង្រៀនកូនៗ របស់អ្នកនូវមូលដ្ឋាននៃរបៀបដែលការវិនិយោគធ្វើការនឹងជួយពួកគេបានច្រើននៅពេលក្រោយ មិនថាឧស្សាហកម្មអ្វីក៏ដោយ។
ការរួមបញ្ចូលចំណុចនេះ ជាមួយនឹងមូលដ្ឋានគ្រឹះនៃការគ្រប់គ្រងគណនីធនាគារ ការទទួលបានការងារ និងការមានយុទ្ធសាស្ត្រសន្សំនឹងអនុញ្ញាតឱ្យកូនរបស់អ្នកមានអារម្មណ៍ជឿជាក់ក្នុងការដោះស្រាយ និងប្រើប្រាស់ប្រាក់នៅពេលពួកគេធំឡើង៕