ផ្លែទទឹមអាចជួយកាត់បន្ថយជំងឺបានច្រើនប្រភេទដូចជាជំងឺក្រិនរឹងសសៃឈាម និងជំងឺរលាកឆ្អឹងខ្ចីក្នុងសន្លាក់ជាដើម។ ការខូចខាតអាចបង្កឡើងដោយភាពរឹង និងក្រាស់របស់ជញ្ជាំងសរសៃឈាមអាក់ទែ ហើយក្នុងឆ្អឹងខ្ចី និងសន្លាក់វិញក៏អាចព្យាបាលបានតាមរយៈការទទួលទានផ្លែឈើមួយប្រភេទនេះដែរ។ ជាមួយគ្នានេះដែរ ផ្លែទទឹមក៏មានសមត្ថភាពក្នុងការបង្ការកុំអោយបង្កើតជាអង់ស៊ីមដែលធ្វើអោយខូចខាតដល់ជាលិការតភ្ជាប់ក្នុងរាងកាយ។
លំហូរឈាមអាចរក្សាបានយ៉ាងល្អក្នុងរាងកាយបានតាមរយៈការទទួលទានផ្លែទទឹម ព្រោះវានឹងផ្តល់ជាជាតិដែកដល់គ្រាប់ឈាម ដូច្នេះវាល្អណាស់ក្នុងការកាត់បន្ថយរោគសញ្ញានៃជំងឺកង្វះគ្រាប់ឈាមដែលមានដូចជា អស់កម្លាំង, វិលមុខ, ខ្សោយ និងស្តាប់មិនលឺ៕
