ទោះបីស្ត្រីជាច្រើនពីមុន បានចាប់ផ្តើមឲ្យកូនរបស់ពួកគេ ញ៉ាំអាហារលឿនពេកក៏ដោយ ប៉ុន្តែ ឥលូវ ក្រុមគ្រូពេទ្យកុមារអាមេរិច បានណែនាំឲ្យរង់ចាំ រហូតដល់កូនរបស់អ្នកមានអាយុ ៦ ខែ មុននឹងឲ្យគេ ញ៉ាំនូវអាហារទាំងនោះ។ ហេតុអ្វី? ពីព្រោះការឲ្យអាហារលឿនពេក អាចបង្កើនហានិភ័យ ក្នុងការវិវត្តទៅជាជំងឺអាលែកស៊ីនឹងអាហារ។
ទឹកដោះម្តាយ ផ្តល់សារជាតិចិញ្ចឹមគ្រប់យ៉ាង ដែលកូនត្រូវការ រហូតដល់ពួកគេ ចាប់ផ្តើមញ៉ាំអាហារបាន។ សូមមើលពីរោគសញ្ញាមួយចំនួន នៅពេលដែលផ្តល់អាហារដល់កូនរបស់អ្នក ដូចជាការមានច្រាំងអណ្តាត និងថាតើ កូនរបស់អ្នក មានការគ្រប់គ្រងក្បាលល្អ ឬយ៉ាងណា។
ចាប់ផ្តើមដោយការបញ្ចុកកូនរបស់អ្នក នូវអាហារទន់ៗដោយស្លាបព្រា មុននឹងអោយផ្លែឈើ និងបន្លែ។ សូមកុំដាក់អាហារ ដែលជាគ្រាប់ធញ្ញជាតិ នៅក្នុងដបរបស់កូនអ្នកអោយសោះ ប្រសិនបើគ្រូពេទ្យ មិនបានណែនាំនោះទេ។ ការដាក់វាទៅក្នុងដប អាចអោយកូនពិបាកលេប និងធ្វើអោយពួកគេឡើងទម្ងន់។
ទឹកផ្លែឈើ មិនគួរត្រូវបានផ្តល់ ដល់កូនរបស់អ្នកនោះទេ។
វាមិនមានប្រយោជន៍ ក្នុងការឲ្យទឹកផ្លែឈើនោះទេ ទោះបីជាកុមារធំក៏ដោយ។ ទឹកផ្លែឈើ អាចជម្រុញឲ្យធាត់ រាគ និងឲ្យកូនមានហានិភ័យ នៃបញ្ហាដង្កូវស៊ីធ្មេញ នៅពេលដែលធ្មេញចាប់ផ្តើមដុស។
សូមចាំថា កុំឲ្យកូនរបស់អ្នកបៅ ដបទឹកដោះគោ នៅពេលគេងឲ្យសោះ៕
