ប្រមាត់ ឬថង់ទឹកប្រមាត់មានទីតាំងស្ថិតនៅផ្នែកខាងលើ និងខាងស្តាំនៃពោះ ដែលវាមាននាទីជួួយដល់ការរំលាយជាតិខ្លាញ់ តាមរយៈការបញ្ចេញទឹកប្រមាត់ទៅក្នុងពោះវៀនតូច។ យ៉ាងណាមិញ ដំណើរការណ៍នៃការរំលាយជាតិខ្លាញ់មួយនេះអាចនឹងរាំងស្ទះដោយសារតែគ្រួសក្នុងថង់ទឹកប្រមាត់។ រាល់ការស្ទះក្នុងថង់ទឹកប្រមាត់ទាំងអស់ប្រហែលជានាំឲ្យឈឺចាប់ខ្លាំង ជាពិសេសក្រោយពីញ៉ាំអាហារមានជាតិខ្លាញ់រួច។ ពេលខ្លះ វាគឺជារឿងសំខាន់ដែលត្រូវការកាត់ថង់ទឹកប្រមាត់ទាំងមូលចោលតែម្តងដើម្បីបង្ការការឈឺចាប់ និងមិនមានផាសុកភាព។

វាគឺជារឿងសំខាន់ណាស់ដែលត្រូវពិនិត្យទៅលើរបបអាហារអ្នកក្រោយពីកាត់ថង់ទឹកប្រមាត់រួច។ អ្នកត្រូវតែគិតគួរអំពីរបបអាហារបន្តិចបន្តួចភ្លាមៗក្រោយពីវះកាត់រួច។ ចូរចាំថា យកល្អគួរតែធ្វើរឿងមួយចំនួនដើម្បីឲ្យមានទម្លាប់ញ៉ាំអាហារធម្មតាវិញ ដូច្នេះអ្នកត្រូវតែផ្តល់ពេលវេលាគ្រប់គ្រាន់សម្រាប់ឲ្យរាងកាយធ្វើការពេញលេញឡើងវិញដោយគ្មានថង់ទឹកប្រមាត់។ 

ត្រឡប់ទៅរករបបអាហារធម្មតាវិញបន្តិចម្តងៗ

មិនត្រូវចាប់ផ្តើមញ៉ាំអាហារសម្បូរជាតិខ្លាញ់ និងអាហារដែលពិបាករំលាយភ្លាមៗឡើយក្រោយពីវះកាត់រួច។ វាគឺជារឿងដ៏ល្អមួយដែលត្រូវញ៉ាំអាហារមានជាតិទឹកដែលថ្លា និងស៊ុបឆ្អឹងរយៈពេលពីរថ្ងៃក្រោយពីវះកាត់រួច។ ចូរប្រើពេលដើម្បីញ៉ាំអាហាររឹងបន្តិចម្តងៗ។ 

ជ្រើសរើសអាហារមានជាតិខ្លាញ់ទាប

ថង់ទឹកប្រមាត់មាននាទីជួយរំលាយអាហារមានជាតិខ្លាញ់ ដូច្នេះយកល្អគួរតែនៅឲ្យឆ្ងាយពីអាហារទាំងនោះមួយរយៈរហូតដល់រាងកាយស្រួលបួលពីការវះកាត់វិញ។ ចូរចៀសឲ្យឆ្ងាយពីអាហារគ្រប់ប្រភេទដែលមានជាតិខ្លាញ់ខ្ពស់ អាហារឆា ឬចៀន អាហារធ្វើឲ្យផោម និងអាហារដែលមានក្លិន។ ការញ៉ាំជាតិខ្លាញ់មិនត្រូវញ៉ាំច្រើនជាង ៣០ភាគរយឡើយ។ មានន័យថា បើសិនជាអ្នកកំពុងតែញ៉ាំ ១៨០០កាឡូរី អ្នកគួរតែកុំញ៉ាំខ្លាញ់ច្រើនជាង ៦០ក្រាមក្នុងមួយថ្ងៃ។ 

ពិនិត្យទៅលើអាហារដែលអ្នកញ៉ាំ

តើអ្នកអាចរស់ដោយមិនបាច់មានថង់ទឹកប្រមាត់ដែរទេ? ពិតណាស់ អ្នកអាចរស់បាន ប៉ុន្តែអ្នកប្រហែលជាត្រូវដោះស្រាយលើបញ្ហាមិនស្រួលខ្លួនខ្លះបើសិនជាបន្តញ៉ាំអាហារមិនផ្តល់ផលល្អ។ ឧទាហរណ៍ អ្នកគួរតែចៀសវាងសាច់មានជាតិខ្លាញ់ខ្ពស់ដូចជា សាច់ក្រក និងសាច់គោ។ អ្វីដែលគួរចៀសវាងទៀតគឺផលិតផលធ្វើពីទឹកដោះគោមានជាតិខ្លាញ់ខ្ពស់ដូចជា ការ៉េម ហ្រ្វូម៉ាត និងទឹកដោគោ។ 

ចូរប្រយ័ត្នចំពោះអាហារមានជាតិសរសៃខ្ពស់

រាងកាយអ្នកនឹងត្រូវការពេលវេលាមួយចំនួនដើម្បីផ្លាស់ប្តូរការងាររបស់ថង់ទឹកប្រមាត់ ហើយអ្នកគួរតែកាត់បន្ថយការញ៉ាំអាហារមានជាតិសរសៃនៅពេលកាត់ថង់ទឹកប្រមាត់ចេញបែបនេះ។ បើសិនជាអ្នកញ៉ាំអាហារសម្បូរជាតិសរសៃភ្លាមៗក្រោយពីកាត់ថង់ទឹកប្រមាត់រួច អ្នកនឹងមានបញ្ហាផោមច្រើន និងឈឺក្នុងពោះ។ អ្នកគួរតែញ៉ាំអាហារតិចៗដូចជា គ្រាប់ធញ្ញជាតិអីបាន ព្រោះវាមានជាតិសរសៃមិនខ្ពស់ ហើយអាចបង្ការការឈឺពោះបែបរមួល រាករូស និងហើមពោះបាន។