ពាក្យដែលឪពុកនិយាយទៅកាន់កូនប្រុសរបស់គាត់ នឹងជះឥទ្ធិពលយ៉ាងខ្លាំងដល់ការគិត និងទិសដៅរបស់គាត់នាពេលអនាគត។ ដូច្នេះ សូមយកចិត្តទុកដាក់ចំពោះចំណុចខាងក្រោមនេះដែលឪពុកគួរនិយាយទៅកាន់កូនប្រុសរបស់គាត់៖
ប៉ាមានមោទនភាពចំពោះកូន
ការខកចិត្តដ៏ធំបំផុតមួយរបស់កូនប្រុសនៅពេលដែលគេធំធាត់ឡើង ចំពោះទំនាក់ទំនងឪពុកនិងកូនប្រុស គឺថា ពួកគេតែងតែចង់ លឺឪពុកនិយាយថាគាត់មានមោទនភាពចំពោះពួកគេ ប៉ុន្តែមនុស្សជាច្រើនមិនដែលធ្វើទេ។
ប៉ា គួរប្រាប់កូនប្រុសរបស់អ្នកឱ្យបានញឹកញាប់ថា អ្នកមានមោទនភាពចំពោះគាត់។ វានឹងជះឥទ្ធិពលយ៉ាងខ្លាំងទៅលើការជឿជាក់លើខ្លួនឯង និងទំនុកចិត្តរបស់កូនអ្នក។
ប៉ានៅក្បែរកូនជានិច្ច
គ្មានអ្វីបង្ហាញពីសេចក្តីស្រឡាញ់របស់អ្នកចំពោះកូនជាងវត្តមានរបស់អ្នក, ឆន្ទៈចង់ចំណាយពេលរបស់អ្នក និងឆន្ទៈក្នុងការស្តាប់កូនរបស់អ្នកឡើយ។
ក្មេងប្រុសប្រហែលជាមិនចូលចិត្តនិយាយច្រើនដូចក្មេងស្រីទេ ប៉ុន្តែត្រូវតែដឹងថានៅពេលដែលកូនប្រុសត្រូវការនរណាម្នាក់និយាយជាមួយ គេតែងរំពឹងថាប៉ានឹងនៅទីនោះជានិច្ច។
កុំទុកឱ្យកូនអ្នកមានមន្ទិលថាតើអ្នកនឹងនៅជាមួយគាត់គ្រប់កាលៈទេសៈឫទេ។ ហើយនៅពេលដែលពួកគេត្រូវការអ្នកសូមរក្សាការសន្យារបស់អ្នក ។
កូនធ្វើបានល្អណាស់
ពាក្យពេចន៍ដ៏សាមញ្ញនេះនឹងលើកទឹកចិត្តកូនរបស់អ្នកឱ្យឆ្ពោះទៅមុខ។ ដូច្នេះ ឪពុកគួរប្រាប់ដល់កូនប្រុសឱ្យបានញឹកញាប់នូវអ្វីដែលគាត់ធ្វើបានល្អ ជាជាងផ្តោតលើអ្វីដែលគាត់ធ្វើខុស៕