Join with Health.com.kh on Telegram

ក្មេង​នៅ​អា​មេ​រិ​ក​កំពុង​មានការ​ឆ្លង​មេរោគ​កូ​វី​ដ​១៩​ច្រើន​ណាស់ បន្ទាប់​ពី​មានការ​បើក​សាលារៀន​ឡើង​វិញ។

សារព័ត៌មាន​CNN អា​មេ​រិ​កបាន​រាយការណ៍​នៅ​ថ្ងៃ​អង្គារ​នេះ​ថា​ក្មេង​មាន​ចំនួន​រហូត ដល់​មួយ ភាគ​បួន​នៃ​ចំនួន​ឆ្លង​កូ​វី​ដ​១៩​ទាំងអស់​នៅ​អា​មេ​រិ​ក​ក្នុង​រយ​:​ពេល​មួ​យស​ប្តា​ហ៍​កន្លង​មក​។

សារព័ត៌មាន​CNN បាន​រាយការណ៍​ថា​ការ​ឆ្លង​កូ​វី​ដ​១៩​នៅ​ក្នុង​ចំណោម​កុមារ​អា​មេ​រិ​ក បាន​កើន ឡើង​គួរ​អោយ​ភ្ញាក់ផ្អើល​រហូត​ដល់ ២៤០​ភាគរយ ចាប់តាំងពី​ខែកក្កដា​កន្លង​មក​។ សារព័ត៌មាន​នេះ រាយការណ៍​ថា​ក្នុង​មួ​យស​ប្តា​ហ៍​កន្លង​មក​ក្មេង​ចំនួន​២៤៣ ៣៧៣ នាក់​បាន​ឆ្លង​កូ​វី​ដ​១៩ ដោយ​មាន ចំនួន​ជាង​មួយ​ភាគ​បួន​នៃ​ការ​ឆ្លង​កូ​វី​ដ​១៩​សរុប​ក្នុង​មួ​យស​ប្តា​ហ៍​ដែល​មាន​ចំនួន ៩៣៩ ៤៧០ នាក់ ។

ចំនួន​កើនឡើង​នេះ​កើត​មាន ខ​ណះ​ពេល​ដែល​សាលា​នៅ​អា​មេ​រិ​កបាន​បើកទ្វារ​អោយ​សិស្ស​រៀន​។

អ្នកជំនាញ​អា​មេ​រិ​ក​អោយ​យោបល់​ថា​ដើម្បី​ការពារ​ក្មេង​ៗ​ពី​គ្រោះថ្នាក់​ដោយសារ​កូ​វី​ដ​១៩ មនុស្ស​ទាំង អស់​ដែល​នៅ​ជិត​ក្មេង​ដូច​ជា​គ្រូ​និង​អ្នកធ្វើការ​តាម​សាលា​ជាដើម​ត្រូវ​ចាក់​វ៉ាក់សាំង​អោយ​បាន​ពេញលេញ​។

សាលារៀន​នៅ​ភ្នំពេញ​គ្រោង​នឹង​ចាប់ផ្តើម​បើក​វិញ​នៅ​ថ្ងៃ​១៥​ខែកញ្ញា​ស្អែក​នេះ​។ ការ​បើក​សាលារៀន ឡើង​វិញ​បាន​ទាំង​ការ​សាទរ​និង​ការ​បារម្ភ​ខ្លាចក្រែង​នឹង​នាំ​អោយ​មានការ​ឆ្លង​រាលដាល​មេរោគ​កូ​វី​ដ​១៩​ឡើង​វិញ​នៅ​តាម​សាលារៀន​។

វិធានការ​ជា​ច្រើន​ច្រើន​បាន​ត្រូវធ្វើ​ឡើង​មុន​ពេល​ការ​បើក​សាលារៀន​ឡើង​វិញ​ដូច​ជា​ការ​ចាក់​វ៉ាក់សាំង​ដល់​គ្រូបង្រៀន​និង​សិស្ស​ព្រមទាំង​ការ​ការ​ធ្វើតេស្ត​គ្រូបង្រៀន និង វិធានការ​សុខាភិបាល​ចាំបាច់​ជា​ច្រើន​ទៀត​៕