ជំនួសឱ្យការផ្តល់ឱ្យកុមារនូវភ្នំមាសប្រាក់ ឪពុកម្តាយគួរតែទុកឱ្យកូនៗ នូវការណែនាំយ៉ាងល្អិតល្អន់ ហើយជួយពួកគេឱ្យដឹងដូចខាងក្រោម៖
ម៉ាក់/ប៉ាស្រឡាញ់កូន!
ឪពុកម្តាយទាំងឡាយសូមចងចាំថា កុមារត្រូវការ និងសមនឹងទទួលបានពាក្យស្រឡាញ់ពីឪពុកម្តាយជារៀងរាល់ថ្ងៃ ដូច្នេះឪពុកម្តាយមិនគួររក្សាទុកពាក្យស្រឡាញ់ជាមួយកូនឡើយ។ “ប៉ា/ម៉ាក់ស្រលាញ់កូន” គឺជាប្រយោគដែលកូនរបស់អ្នកចង់លឺជាងអ្វីទាំងអស់ ជាពិសេសសូមភ្ជាប់ជាមួយនូវការអោបកូនផង!
ក្រៅពីនេះ កូនរបស់អ្នកនឹងរៀនពីការបង្ហាញក្តីស្រឡាញ់នេះពីអ្នក។ ប្រសិនបើអ្នកធ្វើដូច្នេះរាល់ថ្ងៃ អ្នកក៏ទទួលបាន “ការសារភាព” ពីកូនអ្នកដែរ៖ “កូនស្រលាញ់ប៉ា/ម៉ាក់ខ្លាំងណាស់”។
ធ្វើដំណើរឱ្យឆ្ងាយ ដើម្បីបើកចិត្ត
កូនដឹងទេ បើកូនទៅឆ្ងាយកូននឹងមានបេះដូងធំជាងមុន លុះត្រាតែកូនមានបេះដូង និងព្រលឹងធំធេង ទើបអ្នកអាចសប្បាយចិត្តបាន។
មានកន្លែងស្ងាត់សម្រាប់កូន
កូនអ្នកប្រាកដជាត្រូវមានកន្លែងទំនេរមួយ ដែលជាកម្មសិទ្ធិរបស់គាត់។ វាអាចជួយឱ្យកុមារមានកន្លែងឈប់ មិនមែនដល់ចំនុចដែលត្រូវវង្វេងផ្លូវ ហើយជួបមនុស្សអាក្រក់។
អ្វីដែលសំខាន់ជាងនេះទៅទៀតនោះ គឺថានៅពេលដែលកុមារមានភាពតក់ស្លុតនោះ ក៏មានកន្លែងជួយឱ្យគាត់ស្ងប់ដែរ ដែលជាជ្រុងមួយជួយឱ្យគាត់មានអារម្មណ៍ថាមានសុវត្ថិភាព។
កុំត្អូញត្អែរ
ប្រាប់កូនអ្នកថា ទោះបីជួបព្យុះភ្លៀងយ៉ាងណាក៏ដោយ ចូរកុំយំ និងកុំត្អូញត្អែរ។ បើមិនដូច្នោះទេ អ្នកដែលស្រឡាញ់កូន នឹងព្រួបារម្ភ ហើយអ្នកដែលស្អប់កូន នឹងរីករាយ។
ការរស់នៅស្អាត
ប្រាប់កូនអ្នកថា ទោះបីជាកូនត្រូវញ៉ាំបាយលាយជាមួយទឹកស៊ីអ៊ីវក៏ដោយ កូនត្រូវតែរៀបចំតុអាហារអោយស្អាត ហើយញ៉ាំជាមួយឥរិយាបថឆើតឆាយ។ កូនត្រូវធ្វើឱ្យជីវិតសាមញ្ញ ឆើតឆាយ និងគួរសម។
ប្រាប់ប៉ា/ម៉ាក់មក, ប៉ា/ម៉ាក់កំពុងស្តាប់!
ជីវិតរវល់សព្វថ្ងៃហាក់ដូចជាធ្វើឱ្យឪពុកម្តាយលែងមានពេលស្តាប់កូន ៗ ទុកឱ្យពួកគេលេងដោយខ្លួនឯង។ កុមារនឹងមានអារម្មណ៍ឯកកោ ហើយធំឡើង គិតតែពីប្រយោជន៍ផ្ទាល់ខ្លួន ប្រសិនបើឪពុកម្តាយរបស់ពួកគេ “បោះបង់” ពួកគេនៅវ័យក្មេងបែបនេះ។ ឪពុកម្តាយទាំងឡាយសូមឈប់ ហើយស្តាប់កូនរបស់អ្នកនៅពេលពួកគេមានបញ្ហាត្រូវដោះស្រាយ។ កុមារនឹងមានអារម្មណ៍ថាមានការគោរព ហើយនឹងបង្កើនទំនុកចិត្តលើខ្លួនឯងនៅពេលពួកគេលឺឪពុកម្តាយនិយាយថា “និយាយមក ប៉ា/ម៉ាក់ស្តាប់!” ៕