ស្រមោចដែលមានក្លិនស្អុយច្បាស់ជារំខានមនុស្សជាច្រើន ប៉ុន្តែស្រមោចពួកនេះមិនបានបង្កគ្រោះថ្នាក់ ឬបង្កភាពខូចខាតដល់ផ្ទះ តែសម្រាប់អ្នកខ្លះអាចមានអារម្មណ៍ថាមិនចូលចិត្ត ដូច្នេះយើងមានវិធីកម្ចាត់ស្រមោចដែលមានក្លិនស្អុយដូចខាងក្រោម
១. លាយទឹកជាមួយសាប៊ូ លាយសាប៊ូជាមួយទឹកហើយដាក់វានៅក្នុងដបបាញ់ហើយបាញ់វាតាមផ្លូវដែលស្រមោចវៀជាប្រចាំ ព្រោះសាប៊ូអាចបំផ្លាញការចងចាំរបស់ស្រមោច។
២. លាយទឹកជាមួយទឹកខ្មេះ ក្លិនទឹកខ្មេះឈួលខ្លាំង ដូច្នេះឲ្យយកទឹកលាយជាមួយទឹកខ្មះហើយបាញ់វាលើកន្លែងដែលស្រមោចវៀ វិធីនេះនឹងកាត់បន្ថយក្លិនដែលពួកវាប្រើក្នុងការដើរតាមគ្នា។
៣. លាយទឹកជាមួយទឹកក្រូចឆ្មា អាស៊ីតនៅក្នុងក្រូចឆ្មាគឺជាអ្វីដែលស្រមោចមិនចូលចិត្ត ដូច្នេះយកទឹកលាយជាមួយទឹកក្រូចឆ្មាហើយបាញ់វាទៅលើកន្លែងដែលស្រមោចវៀ ឬសំបុកស្រមោច។
៤. ម្សៅទារក ដូចដែលយើងដឹងហើយថាម្សៅអាចកម្ចាត់ស្រមោចបាន ដោយសារតែម្សៅមានលក្ខណៈសម្បត្តិបំបាត់ក្លិនរបស់ពួកវា ដូច្នេះយកម្សៅទារកទៅរោយនៅកន្លែងដែលមានស្រមោចទៅបានហើយ។