ក្នុងអំឡុងពេលមានផ្ទៃពោះ ការហើមអវយវៈ គឺជាបាតុភូតទូទៅមួយ។ ការហើម គឺច្រើនឬតិច យូរឫឆាប់ និងធ្ងន់ធ្ងរឬស្រាល អាស្រ័យលើទំហំរបស់ទារក ទីតាំងរបស់ទារក និងស្ថានភាពរបស់ម្តាយ ។ ដូច្នេះ ដើម្បីចៀសវាងស្ថានភាពនេះ ម្តាយគួរតែមានរបបអាហារសមហេតុផលសម្រាប់ខ្លួនគេ។
តើការហើមជើងរបស់ស្ត្រីមានផ្ទៃពោះគឺជាអ្វី?
ភាពជាម្តាយ គឺជាកាតព្វកិច្ចរបស់ស្ត្រីគ្រប់រូប។ ក្នុងអំឡុងពេលមានផ្ទៃពោះ ក្រៅពីសុភមង្គល ក្នុងនាមជាម្តាយមានការព្រួយបារម្ភអំពីសុខភាពទាំងម្តាយ និងទារក។ ក្នុងអំឡុងពេលមានផ្ទៃពោះ ស្ត្រីម្នាក់ឆ្លងកាត់ពេលវេលាច្របូកច្របល់សម្រាប់រាងកាយទាំងមូល និងប្រព័ន្ធសរសៃឈាមវ៉ែន។ ជាពិសេសការហើមអវយវៈក្នុងពេលមានផ្ទៃពោះ គឺជាបាតុភូតទូទៅមួយ។
ជម្ងឺហើមជើង គឺជាបាតុភូតសរីរវិទ្យាធម្មតា ចំពោះស្ត្រីមានផ្ទៃពោះ ដែលអាចលេចឡើងគ្រប់ពេលក្នុងពេលមានផ្ទៃពោះ អាស្រ័យលើស្ថានភាពរបស់ស្ត្រីមានផ្ទៃពោះម្នាក់ៗ ប៉ុន្តែការហើមជើងនៅខែចុងក្រោយនៃការមានផ្ទៃពោះនឹងកើតមានជាញឹកញាប់អំឡុងពេលមានផ្ទៃពោះដោយសារទម្ងន់ទារកកើនឡើង បានកាន់កាប់បរិមាណដ៏ច្រើននៅក្នុងប្រហោងពោះរបស់ម្តាយ បង្កើតសម្ពាធយ៉ាងខ្លាំងទៅលើសរសៃឈាមវ៉ែនទាប ធ្វើឱ្យឈាមពិបាកចរាចរ ទើបបណ្តាលឱ្យហើម។
ជើងហើមអំឡុងពេលមានផ្ទៃពោះ គឺបង្ហាញយ៉ាងច្បាស់ពីចាប់ពីកជើងចុះមកប្រអប់ជើង ហើមមិនឈឺចាប់ ប៉ុន្តែមានអារម្មណ៍មិនស្រួល និងពិបាកចំពោះសកម្មភាពប្រចាំថ្ងៃ។
តើត្រូវធ្វើដូចម្តេចដើម្បីកាត់បន្ថយការហើមជើងរបស់ស្ត្រីមានផ្ទៃពោះ?
ស្ត្រីមានផ្ទៃពោះគួរតែមានបញ្ជីអាហារបំប៉នសមហេតុផល និងរបបអាហារមានតុល្យភាព និងវិទ្យាសាស្ត្រ។ ដំបូងត្រូវញ៉ាំអាហារប្រភេទផ្សេងៗដែលមានជាតិប្រូតេអ៊ីនខ្ពស់ ដូចជាសណ្តែក ងផលិតផលទឹកដោះគោ។ បរិភោគបន្លែបៃតងច្រើន ដូចជាស្ពៃក្តោប សណ្តែក ស្ពៃខ្មៅ។ បរិភោគអាហារដែលសំបូរទៅដោយវីតាមីនអ៊ី ដូចជាស្ពៃខ្មៅ ប្រេង អាល់ម៉ុន ដំឡូងជ្វា គ្រាប់ផ្កាឈូករ័ត្ន។ ល។
លើសពីនេះទៀត អ្នកម្តាយគួរតែបន្ថែមផ្លែឈើដូចជាផ្លែប៉ោម ផ្លែល្ហុងទុំ និងផ្លែត្របែក អាហារដែលផ្ទុកនូវវីតាមីន កាល់ស្យូម និងស័ង្កសីជាច្រើន។ ទទួលទានទឹកដោះគោជូរឱ្យបានច្រើន ដើម្បីឱ្យអង់ស៊ីមរំលាយអាហារបំពេញបន្ថែមសារធាតុរ៉ែល្អសម្រាប់រាងកាយ។
ក្រៅពីអាហារបំប៉ន ស្ត្រីមានផ្ទៃពោះក៏ត្រូវការផ្សំជាមួយលំហាត់ប្រាណទៀងទាត់ ដកដង្ហើម ដើរហាត់ប្រាណ ឬហែលទឹក ធ្វើចលនា ម៉ាស្សាពីកំភួនជើងដល់ប្រអប់ជើង។ ការធ្វើលំហាត់ប្រាណរួមផ្សំ នឹងម៉ាស្សាមិនត្រឹមតែជួយឱ្យស្ត្រីមានផ្ទៃពោះពុះពារនឹងការហើមជើងបាន ប៉ុណ្ណោះទេ ថែមទាំងជួយឱ្យស្ត្រីមានផ្ទៃពោះងាយសម្រាលកូនទៀតផង៕