ជាតិខ្លាញ់ជាច្រើនប្រភេទដែលមាននៅក្នុងប្រេងអូលីវ ជាពពួកអាស៊ីតខ្លាញ់ MUFAs ដែលនាំអោយមានសុខភាពល្អ។ អាស៊ីតខ្លាញ់ MUFAs អាចជួយបន្ថយហានិភ័យនៃជំងឺបេះដូង។ MUFAs អាចជួយកាត់បន្ថយកូឡេស្តេរ៉ុលសរុប និងកម្រិតកូឡេស្តេរ៉ុលអាក្រក់ចេញពីរាងកាយ។ MUFAs ក៏អាចជួយធ្វើអោយឈាមកកបានធម្មតា។
ការស្រាវជ្រាវមួយចំនួនបានបង្ហាញថា MUFAs អាចផ្តល់ប្រយោជន៍ដល់កម្រិតអាំងស៊ុយលីន និងការត្រួតពិនិត្យជាតិស្ករក្នុងឈាម ចំពោះអ្នកមានជំងឺទឹកនោមផ្អែមប្រភេទទី ២។ ប៉ុន្តែ ខ្លាញ់ដែលនាំអោយមានសុខភាពល្អ ដូចជាប្រេងអូលីវ គឺមានកាឡូរីខ្ពស់ ដូច្នេះ ពួកវាប្រើបានតែនៅក្នុងកម្រិតមធ្យមតែប៉ុណ្ណោះ។ ហើយសូមចាំថា អ្នកមិនអាចធ្វើអោយអាហារដែលមិនល្អសម្រាប់សុខភាព ទៅជាល្អវិញ ដោយគ្រាន់តែបន្ថែមប្រេងអូលីវបាននោះទេ៕
