ឪពុកម្តាយជាច្រើនមានការព្រួយបារម្ភថា ការឱ្យកូនដើរដោយជើងទទេរនឹងធ្វើឱ្យកខ្វក់ជើង ឬធ្វើឱ្យពួកគេរបួស។ ទោះយ៉ាងណាក៏ដោយនៅកន្លែងដែលមានសុវត្ថិភាពមានអត្ថប្រយោជន៍ជាច្រើនដែលអនុញ្ញាតឱ្យកូនរបស់អ្នកដើរដោយជើងទទេរ។
ជួយឱ្យជើងលូតលាស់តាមធម្មជាតិ
ក្មេងៗដែលតែងតែពាក់ស្បែកជើងមិនត្រូវនឹងជើង ធ្វើឱ្យជើងរបស់ពួកគេបត់ចូលដោយម្រាមជើងរបស់ពួកគេកៀប។ សូមកត់សំគាល់ពីរបៀបដែលជើងរបស់កុមារតូចចង្អៀតនៅកែងជើង និងធំទូលាយនៅចុងម្រាមជើង។
ជើងរបស់កុមារត្រូវបានបង្កើតឡើងដោយឆ្អឹងខ្ចី ដែលជាឆ្អឹងដែលវិវឌ្ឍក្នុងងរយៈពេលជាច្រើនឆ្នាំ។ មុនពេលទារកលូតលាស់ឆ្អឹងយ៉ាងពេញលេញឪពុកម្តាយជាច្រើន ឱ្យកូនពាក់ស្បែកជើងដែលតឹង។ យូរៗ ទៅសាច់ដុំនៅជើងខាងក្រោយនឹងចុះខ្សោយដែលធ្វើឱ្យកុមារពិបាកដើរ។ ដូច្នេះឪពុកម្តាយគួរតែអនុញ្ញាតឱ្យកូនរបស់ពួកគេដើរដោយជើងទទេរពេញមួយថ្ងៃ។ នៅពេលអ្នកត្រូវការចេញទៅក្រៅសូមឱ្យកូនអ្នកពាក់ស្បែកជើងហើយគួរតែជ្រើសរើសស្បែកជើងដែលត្រឹមត្រូវសម្រាប់ពួកគេ។
ជំរុញការអភិវឌ្ឍខួរក្បាល
ជើងគឺជាសរីរាង្គម៉ូទ័រដែលប្រមូលផ្តុំដោយខ្សែវណ្ឌចំនួន ៦៦ ដែលជាកន្លែងចាក់ម្ជុលវិទ្យាសាស្ត្រ និងជាកន្លែងដែលសរសៃប្រសាទជាច្រើនត្រូវបានប្រមូលផ្តុំ។
នៅពេលក្មេងៗដើរដោយជើងទទេរនៅលើដី ឬដើរលើក្រួសគ្រួស អាចមានឥទ្ធិពលម៉ាស្សាជួយរំញោចសរសៃប្រសាទ។ លើសពីនេះ ទំនាក់ទំនងការផ្លាស់ប្តូរសីតុណ្ហភាព និងរូបរាងផ្ទៃអាចនាំមកនូវអារម្មណ៍ផ្សេងៗដល់កុមារជួយជំរុញការអភិវឌ្ឍ ខួរក្បាលឱ្យបានទូលំទូលាយ។
រៀនដើរនិងលេងឱ្យបានពេញលេញ
នៅពេលដើរដោយជើងទទេរក្មេងៗចូលចិត្តដើរបែបស្រាលៗ។ ប៉ុន្តែនៅពេលពាក់ស្បែកជើងដែលមានទ្រនាប់ជាប់នឹងជើង ក្មេងៗតែងតែរអិលជើងរបស់ពួកគេចូលទៅក្នុងដី។ ស្បែកជើងភាគច្រើនលើកកែងជើងរបស់កុមារចេញពីដីដែលអាចផ្លាស់ប្តូរការវិវត្តនៃសាច់ដុំដែលមានសារៈសំខាន់សម្រាប់ការដើរ និងការរត់។
ជារឿយៗក្មេងៗពាក់ស្បែកជើងនឹងកាត់បន្ថយកម្លាំងនៅម្រាមជើង សរសៃចងនឹងត្រូវបានកាត់បន្ថយ។
ធ្វើឱ្យការចងចាំប្រសើរឡើង
ការសាកល្បងមួយនៅសាកលវិទ្យាល័យ North Florida សហរដ្ឋអាមេរិក បានអនុវត្តទៅលើក្រុមអ្នកស្ម័គ្រចិត្តចំនួន ៧២ នាក់ ដែលមានអាយុពី ១៨-៤៤ ឆ្នាំ ចែកចេញជាពីរក្រុមដោយមួយក្រុមរត់ដោយស្បែកជើងក្រុមមួយទៀតរត់ដោយជើងទទេរ។ ១៦ នាទីក្រោយមកក្រុមទាំងពីរបានចូលប្រលង។ លទ្ធផលបានបង្ហាញថា ការចងចាំរបស់ក្រុមរត់ដោយជើងទទេរត្រូវបានពង្រឹងយ៉ាងខ្លាំង។
នៅពេលដើរដោយជើងទទេរ ខួរក្បាលរបស់មនុស្សនឹងត្រូវបានធ្វើឱ្យសកម្ម ហើយខិតខំបន្ថែមទៀតដើម្បីចៀសវាងឧបសគ្គដើម្បីការពារជើងពីរបួស។ នេះរំញោចតំបន់ចងចាំរបស់ខួរក្បាលដើម្បីជួយបង្កើនការចងចាំ៕