Join with Health.com.kh on Telegram

​តាម​ការសិក្សា​ជាច្រើន​បាន​លើកឡើងថា ការ​គេង​តិចពេក​បណ្តាលឱ្យ​កុមារ​ធាត់​លើស​ទម្ងន់ គិត​ចាប់ផ្តើម​ពី​វ័យ​ជា​ទារក​។ ជាក់ស្តែង​ការសិក្សា​មួយ​ពី​មន្ទីរពេទ្យ​កុមារ​នៅ​សហរដ្ឋអាមេរិក​បានបង្ហាញ​ថា នៅពេល​ឪពុកម្តាយ​ដឹង​ពី​របៀប​ធ្វើឱ្យ​កូន​គេង​លក់​ស្រួល និង ផ្តល់​ពេលវេលា​គ្រប់គ្រាន់​ឱ្យ​កូន​គេង​បាន​ត្រឹមត្រូវ គេ​ឃើញថា​កូនៗ​ទាំងនោះ​មិន​ងាយ​ប្រឈម​នឹង​ជម្ងឺ​ធាត់​លើស​ទម្ងន់​នោះទេ​។​

​ការសិក្សា​នេះ ត្រូវបាន​ធ្វើឡើង​នៅលើ​ទារក​នៅ​អាយុ​២​សប្តាហ៍ ហើយ​តាមដាន​ទារក​ទាំងនោះ​រហូតដល់​ទៅ​១​ឆ្នាំ​ពេញ​។ គេ​ឃើញថា ទារក​ទាំងនោះ​មាន​រាងកាយ​មាំមួន និង មិនមាន​ការ​ធាត់​លើស​ទម្ងន់​នោះទេ​។​

​នៅពេលដែល​រាងកាយ​ទទួលបាន​អាហារ​គ្រប់គ្រាន់ កោសិកា​ខ្លាញ់​បាន​បង្កើត​អរ​ម៉ូ​ន​ម្យ៉ាង​ហៅថា Leptin ដែល​ជួយ​ប្រាប់​ខួរក្បាល​ថា​មិន​ចង់​ទទួល​ទៀត​នោះទេ​។ ការ​គេង​មិន​គ្រប់​ធ្វើឱ្យ​អរ​ម៉ូ​ន​នេះ​មិន​ចេញមក​ទេ​។ ជា​លទ្ធផល កុមារ​នឹង​ឃ្លាន​មិន​ឈប់​។ ហេតុនេះហើយ ក្មេង​ដែល​គេង​មិនបាន​គ្រប់គ្រាន់​ទំនងជា​ងាយ​នឹង​ធាត់ ដោយសារតែ​ការ​ញ៉ាំ​អាហារ​ទៅតាម​ការ​ឃ្លាន​របស់គាត់​៕​