ខ្ទឹមស គឺជាគ្រឿងផ្សំអាហារដ៏សាមញ្ញមួយប្រភេទដែលអាចភ្ញោចដល់ប្រព័ន្ធភាពស៊ាំមនុស្សយើងបាន។ ចុះមានអ្វីកើតឡើងទៅបើសិនជាអ្នកញ៉ាំខ្ទឹមសមួយកំពឹសក្នុងមួយថ្ងៃដោយគ្មានអ្វីក្នុងពោះ? ខ្ទឹមសក៏ត្រូវបានគេចាត់ទុកជាថ្នាំផ្សះដ៏អស្ចារ្យមួយដែរ។ មនុស្សយើងភាគច្រើនប្រើប្រាស់ខ្ទឹមសជារបស់សង្គ្រោះបឋម ឬសម្រាប់បង្ការជំងឺផ្តាសាយ។ ខ្ទឹមត្រូវបានគេប្រើប្រាស់ជាគ្រឿងផ្សំរបស់ម្ហូបអាហារដ៏សំខាន់ ប៉ុន្តែលក្ខណៈរបស់វាវិញគឺអស្ចារ្យខ្លាំងណាស់ក្នុងការសម្លាប់បាក់តេរីជាច្រើនប្រភេទខុសៗគ្នា និងជំងឺផងដែរ។ ខ្ទឹមសត្រូវបានគេប្រើប្រាស់អស់រយៈពេលច្រើនជាង ៥ពាន់ឆ្នាំទៅហើយ។
ការញ៉ាំខ្ទឹមសដោយពោះទទេពិតជាមានប្រសិទ្ធភាពបំផុតសម្រាប់រាងកាយ។ អ្នកវិទ្យាសាស្ត្រជាច្រើនបានរកឃើញថា បើសិនជាញ៉ាំដោយពោះទទេរមែននោះ វានឹងជំរុញដល់ថាមពលរបស់វាក្នុងការដើរតួជាថ្នាំផ្សះដ៏ខ្លាំងក្លា។
ខ្ទឹមសមានសារធាតុដ៏អស្ចារ្យជាច្រើនដូចជា ស៊ីលីខន ប៉ូតាស្យូម អាស៊ីតផូស្វរិក វីតាមីន B, C, D សូដ្យូម កាលស្យូម សេឡេញ៉ូម ស្ពាន់ធ័រ ម៉ាញ៉េស្យូម ប្រេងសំខាន់ៗ សារធាតុ ALicin និងផ្សេងៗទៀត។ ខ្ទឹមសជួយរាងកាយប្រឆាំងនឹងការបង្ករោគបានលឿនជាងគេ។ វាក៏ត្រូវបានគេប្រើប្រាស់សម្រាប់សម្លាបក់មេរោគផ្សិត ដែលជាហេតុនាំឱ្យវាមានថាមពលកាន់តែខ្លាំងជាងថ្នាំផ្សះផ្សេងៗទៀត។
ខ្ទឹមសមានសមាសធាតុព្យាបាលដោយសារតែមានជាត់រ៉ែខុសៗគ្នាច្រើនជាង ៤០០ប្រភេទ ព្រមទាំងអង់ទីអុកស៊ីដង់ដែរ។ ខាងក្រោមនេះគឺជាអ្វីដែលអ្នកអាចទទួលបានពីការញ៉ាំខ្ទឹមសពេលពោះទទេ៖
- អាចសម្លាប់បាក់តេរីបានច្រើនប្រេភទ
- បន្ថយសម្ពាធឈាម និងមានសមាសធាតុប្រឆាំងនឹងការរលាក
- បង្ការកុំឱ្យសរសៃឈាមអាក់ទែមានកំណកឈាម និងឆាប់ចាស់
- សម្លាប់កោសិការជាដុំសាច់មហារីកខួរក្បាល
- កាត់បន្ថយលទ្ធភាពដែលអាចកើតជំងឺគាំងបេះដូង និងដាច់សរសៃឈាមខួរក្បាលដោយវាដើរតួនាទីជាភ្នាក់ងារបង្ការការកកឈាម។
- ជាថ្នាំផ្សះធម្មជាតិដែលអាចបង្ការជំងឺផ្តាសាយបាន
- បង្កាជំងឺក្រិនរឹងសរសៃឈាមតាមរយៈការកាត់បន្ថយជាតិខ្លាញ់ Triglycerides ក្នុងថ្លើម
- កាត់បន្ថយកូឡេស្តេរ៉ុលអាក្រក់
- ពង្រឹងដល់ប្រព័ន្ធភាពស៊ាំដើម្បីកាន់តែងាយស្រួលក្នុងការទប់ស្កាត់ភាពគ្រោះថ្នាក់ដែលមានក្នុងមជ្ឈដ្ឋានជុំវិញខ្លួន។
- ថែរក្សាប្រព័ន្ធសរសៃប្រសាទ៕
