វាពិតជាសំណួរមួយដែលពិបាកនឹងរកចម្លើយមែន។ មនុស្សយើងជឿថាការទទួលទានទឹកដោះគោធ្វើស្លេសកើនឡើង ហើយភាគច្រើននឹងមិនសប្បាយចិត្តនៅពេលដែលជំនឿរបស់គាត់ត្រូវបានបដិសេធដោយអ្នកវិទ្យាសាស្ត្រ។
ចម្លើយគឺ ទឹកដោះគោមិនបង្ករឱ្យមានការកើនឡើងនៃការផលិតរបស់ស្លេសនោះទេ។ ការសិក្សាមួយចំនួនបានអះអាងថា ទឹកដោះគោមិនមែនជាសារធាតុអាក្រក់ដែលអ្នកខ្លាចទឹកដោះគោឬផលិតផលផលិតពីទឹកដោះគោ (lactophobes) ជាច្រើន ប្រឌិតវាឡើងនោះទេ។ អ្វីដែលពួកគាត់ប្រហែលជាមានអារម្មណ៍នោះគឺទឹកដោះគោនឹងស្រោបជាស្រទាប់នៅក្នុងបំពង់ក ដែលបង្ករឱ្យមានអារម្មណ៍ដូចជាមានស្លេស។ ពេលដែលប្រៀបធៀបទឹកដោះគោជាមួយនឹងទឹក ចំនួននៃជាតិអន្ធិលមានប្រហាក់ប្រហែលគ្នា ដែលមិនមានភាពខុសគ្នានៃចំនួនស្លេសនោះទេ។ មិនថាអ្នកទាំងនោះមានអារម្មណ៍ថាជាអ្វីនោះទេ វានឹងបាត់ទៅវិញនៅពេលដែលស្រទាប់ស្រោបនោះរលាយបាត់អស់។
