ថ្នាំជាច្រើនដែលគ្រូពេទ្យឱ្យអ្នកជំងឺប្រើផ្សំឡើងពីធនធានធម្មជាតិ។ ថ្នាំ Warfarin (Coumadin) ដែលជាថ្នាំបញ្ចុះសម្ពាធឈាម បានរកឃើញពីឈាមសត្វគោដែលស៊ីរុក្ខជាតិម្យ៉ាងឈ្មោះថា yellow sweet clover។ ថ្នាំព្យាបាលជំងឺបេះដូង Digitalis ផ្សំឡើងពីរុក្ខជាតិម្យ៉ាងដុះក្បែរមាត់ទឹក ឈ្មោះថា foxglove។ ការសិក្សាថ្មីៗនេះបានបង្ហាញពីគុណភាពប្រឆាំងអុកស៊ីតកម្មដែលមានក្នុងស្រាទំពាំងបាយជូរក្រហម, ទឹកផ្លែទទឹម, និងសូកូឡាខ្មៅ។ ចុះចំណែកឯខ្ទឹមវិញ មានប្រយោជន៍អ្វីខ្លះ?
គេបានសិក្សាពីឥទ្ធិពលរបស់ខ្ទឹមទៅលើជំងឺលើសឈាម, បន្ទាបកម្រិតកូឡេស្តេរ៉ូល, បញ្ចុះសម្ពាធឈាម, និងការបង្ការជំងឺមហារីក។
សារប្រយោជន៍របស់វាគឺ៖
– អាចជួយកាត់បន្ថយកូលេស្តេរ៉ុលសរុប និងបង្កើនកូលេស្តេរ៉ុលល្អ (HDL)។
– ការពារប្រឆាំងនឹងរ៉ាឌីកាល់សេរី និងអុកស៊ីតកម្ម (ទោះជាខ្ទឹមឆៅជាសារធាតុបង្ករអុកស៊ីតកម្មក៏ដោយ ប៉ុន្តែការត្រាំក្នុងទឹកខ្មេះបានបញ្ច្រាស់សមត្ថភាពរបស់វាឱ្យទៅជាសារធាតុប្រឆាំងអុកស៊ីតកម្មយ៉ាងខ្លាំងខ្លាទៅវិញ)។
– ប្រឆាំងការដុះផ្សិតនិងបាក់តេរី, មានប្រសិទ្ធភាពចំពោះបញ្ហាសុខភាពជាច្រើនដូចជាផ្តាសាយនិងផ្តាសាយធំ។
– បង្កើនសកម្មភាពកោសិកាឈាមសដែលបំផ្លាញមេរោគមហារីកឬមេរោគឆ្លង របស់រាង្គកាយ និងទ្រង់ទ្រាយផ្សេងៗទៀតនៃប្រព័ន្ធភាពស៊ាំ។
– អាចបង្កើនល្បឿនក្នុងការបោសសម្អាតកោសិកាប្រភពផ្សិតក្នុងសរីរាង្គចេញពីរាង្គកាយ។
– សាកសមក្នុងការប្រើសម្រាប់ព្យាបាលបញ្ហារលាកច្រមុះ-ក, បញ្ហាផ្លូវដង្ហើម ឬបញ្ហាទងសួត។
