Join with Health.com.kh on Telegram

​ក្នុងចំណោម​ត្រី មានពូជ​មួយ​ប្រភេទ​ដែលមាន​តម្លៃ​អាហារូបត្ថម្ភ​ច្រើនជាង​ប្រភេទ​ដទៃទៀត​។ ហើយ​វា​ជា​ប្រភេទ​ត្រី​ល្អ​សម្រាប់​សុខភាព​កុមារ ដែល​ម្តាយ​មិនអាច​ព្រងើយកន្តើយ​បាន​។

​ត្រី​ឆ្ពង់​

​ការទទួល​ទាន​ត្រី​ឆ្ពង់​សមុទ្រ ជួយ​ធ្វើឱ្យមាន​តុល្យភាព​បរិមាណ​អាស៊ីត​ខ្លាញ់​អូ​មេ​ហ្គា ៦ និង​អូ​មេ​ហ្គា ៣ នៅក្នុង​រាងកាយ​។ លើសពីនេះ ទម្លាប់​នេះ​អាចជួយ​យើង​រក្សា​តុល្យភាព​កូ​ឡេ​ស្តេ​រ៉ុល និង​ការពារ​ហានិភ័យ​នៃ​ជំងឺ​ក្រិន​សរសៃឈាម ជំងឺ​ធាត់​ក៏ដូចជា​ជំងឺ​សរសៃឈាម​បេះដូង​។ វា​ក៏​ជួយ​កាត់បន្ថយ​ភាព​តានតឹង​លើ​បេះដូង និង​សរសៃឈាម​។​

​ការទទួល​ទាន​ត្រី​នេះ ក៏​ជួយ​ឱ្យ​រាងកាយ​របស់​យើង​ស្រូបយក​នូវ​ប្រភព​ដ៏​ល្អ​នៃ​សេ​លេ​ញ៉ូ​ម​ម៉ាញេស្យូម​កាល់ស្យូម ស័ង្កសី និង​សារធាតុ​រ៉ែ ដទៃទៀត​ដែល​ការពារ​ជំងឺ​ពុក​ឆ្អឹង​។ ជាពិសេស នៅពេលដែល​រាងកាយ​ចាប់ផ្តើម​ចាស់​ទៅ​សារធាតុ​រ៉ែ​ទាំងនេះ នឹង​ជួយ​ការពារ​ហានិភ័យ​នៃ​ជំងឺ​រលាក​សន្លាក់ឆ្អឹង​។

​ត្រី​ប្រា​

​ត្រី​ប្រភេទ​នេះ​មាន​អាស៊ីដ​អា​មី​ណូ​ជាច្រើន និង​ខ្លាញ់​មិន​ឆ្អែត ដែលមាន​ប្រយោជន៍​សម្រាប់​ការលូតលាស់​ខួរក្បាល​របស់​ទារក​ក្នុង​ឆ្នាំ​ដំបូង​នៃ​ជីវិត​។ សាច់​ត្រី​ប្រា មាន​សភាព​ទន់ និង​មិន​បង្កឱ្យមាន​អារម្មណ៍​ធុញទ្រាន់ ដែល​នឹង​ជួយ​ឱ្យ​ទារក​ញ៉ាំ​កាន់តែ​ឆ្ងាញ់​។ ចំណាំ​៖ អ្នក​ម្តាយ​មិនគួរ​យក​ខ្លាញ់ត្រី​ប្រា​ចេញ​នៅពេល​ធ្វើ​អាហារ​ទារក​ឡើយ ព្រោះនេះ​ជា​កន្លែង​ដែល​ផ្ទុក​សារធាតុចិញ្ចឹម និង​អូ​មេ​ហ្គា ៣ ច្រើន​បំផុត​។

ត្រី​សាល​ម៉ុ​ន​

​ត្រី​សាល​ម៉ុ​ន​សម្បូរ​ទៅដោយ​អាស៊ីត​ខ្លាញ់​មិន​ឆ្អែត​ដែល​អាចជួយ​ជំរុញ​ការលូតលាស់​របស់​គភ៌​និង​កូន​។ វា​ក៏​សំបូរ​ទៅដោយ​វីតាមីន A, B, D, E និង​កាល់ស្យូម ដែក ស័ង្កសី ម៉ាញេស្យូម ផូស្វ័រ និង​សារធាតុ​រ៉ែ​ផ្សេងៗ​ទៀត​។ សាច់​ត្រី​សាល​ម៉ុ​ន​មាន​សភាព​ទន់​រលោង ក្រអូប និង​មាន​ពណ៌​ស្រស់​ឆើតឆាយ ដែល​ល្អ​សម្រាប់​ទារក​ក្នុងការ​ទទួលទាន​៕​