វិធីបង្ការការឈឺចង្កេះដ៏ល្អបំផុតនោះគឺធ្វើយ៉ាងណាឱ្យឆ្អឹងកងខ្នងអ្នកមានភាពរឹងមាំ និងអាចបត់បែនល្អ។ ដើម្បីធ្វើរឿងនេះបាន ចូរចាប់ផ្តើមជាមួយនឹងការហាត់ប្រាណដូចខាងក្រោមនេះ។
ហាត់ប្រាណជាមួយនឹងបាល់ធំ
មនុស្សម្នាក់ដែលធ្លាប់មានអាការៈឈឺចង្កេះប្រហែលជាអាចព្យាបាលដោយខ្លួនឯងបានតាមរយៈការហាត់ប្រាណរក្សាលំនឹងដោយការប្រើប្រាស់បាល់ធំហាត់ប្រាណ។ រឿងនេះត្រូវបានណែនាំចំពោះអ្នកដែលឧស្សាហ៍អង្គុយជាប់មួយកន្លែងក្នុងមួយថ្ងៃ ជាពិសេសអ្នកធ្វើការក្នុងការិយាល័យតែម្តង។
មានការហាត់ប្រាណផ្សេងៗទៀតច្រើនណាស់ដែលអាចធ្វើបានជាមួយនឹងបាល់ធំហាត់ប្រាណ។ ការហាត់ប្រាណប្រភេទនេះជាទូទៅគឺសក្តិសមសម្រាប់អ្នកឈឺចាប់នៅតំបន់ឆ្អឹងកងខ្នងណាស់។
ហាត់ប្រាណបែប Cardio
ការឡើងទម្ងន់ពេកគឺជាផ្នែកមួយដែលនាំឱ្យឈឺខ្នង។ ការហាត់ប្រាណបែប Cardio អាចជួយអ្នកស្រកទម្ងន់បាន។ ការស្រកទម្ងន់ក៏ប្រហែលជាអាចលុបបំបាត់អាការៈឈឺចង្កេះ និងមានឥទ្ធិពលទៅលើសាច់ដុំ និងសន្លាក់ទៀតផងដែរ។
ហាត់ក្បាច់យោហ្គា
ក្បាច់យោហ្គាត្រូវបានគេស្គាល់ថាអាចជួយកាត់បន្ថយការឈឺចង្កេះរ៉ាំរ៉ៃបាន។ អ្នកអាចព្យាយាមធ្វើបែបនេះតាមរយៈការដាក់ក្បាលពោះនៅហ្នឹងកម្រាល ហើយធ្វើការលើកខ្លួនទាំងអស់ឡើងទៅលើ។ ការធ្វើបែបនេះអាចជួយបំបាត់ភាពតឹងនៅចង្កេះបាន៕