មនុស្សជាច្រើនដែលស្រឡាញ់កុមារ តែងតែចូលចិត្តថើបថ្ពាល់របស់ពួកគេ ឬប្រើដៃច្បិចថ្ពាល់កូនរបស់ពួកគេ។ ទោះយ៉ាងណាក៏ដោយ ទម្លាប់នេះធ្វើឱ្យជំងឺរីករាលដាលលឿន។
ទោះយ៉ាងណា វីរុស nCoV ងាយឆ្លងតាមរយៈការប៉ះពាល់ ជាពិសេសនៅពេលដៃមានទាំងមេរោគ និងបាក់តេរី។ ការយកដៃមកប៉ះមុខរបស់អ្នក ដោយចៃដន្យ ដើម្បីអេះរមាស់ កាន់វ៉ែនតាជាដើម អាចធ្វើឱ្យអ្នកប្រឈមនឹងការឆ្លងជំងឺកូវីដ១៩ ។
ដូចគ្នាដែរ ការថើបកុមារតូចៗ ដូចជាការប្រើដៃច្បិចថ្ពាល់ ឱប និងថើបកុមារតូចៗ … មានហានិភ័យខ្ពស់ ដែលបណ្តាលឱ្យកុមារឆ្លងជំងឺកូវីដ-១៩ ។ មូលហេតុ មកពីដៃមនុស្សពេញវ័យជារៀងរាល់ថ្ងៃទាក់ទងជាមួយប្រភពនៃការបង្ករោគជាច្រើន។
នេះជាមូលហេតុដែលអ្នកជំនាញណែនាំជាប្រចាំដល់ប្រជាពលរដ្ឋឱ្យប្រយ័ត្នប្រយែងជាមួយដៃ ពេលប៉ះរបស់របរ ត្រូវលាងដៃ និងសម្លាប់មេរោគជាប្រចាំ ជាមួយសាប៊ូ និងទឹកស្អាត ឬជែលលាងដៃ។
លើសពីនេះ ការពិតដែលអ្នកតែងតែថើបបបូរមាត់ និងថ្ពាល់កូនរបស់អ្នក ក៏មានហានិភ័យបង្កឱ្យមានជំងឺគ្រោះថ្នាក់មួយចំនួនដូចខាងក្រោម៖
ការថើបកុមារងាយនឹងឆ្លងមេរោគបង្កឱ្យមានជំងឺរលាកស្រោមខួរ
ការថើបថ្ពាល់ បបូរមាត់របស់កុមារ អាចបង្កឱ្យមានជំងឺរលាកខួរក្បាលដែលបណ្តាលមកពីវីរុស Herpes ។ មេរោគនេះនឹងចូលក្នុងខ្លួនរបស់កុមារតាមរយៈភ្នាសរំអិលផ្លូវដង្ហើម ឬតាមរយៈការប៉ះពាល់ផ្ទាល់ជាមួយស្បែក និងមាត់របស់កុមារ បន្ទាប់មកវានឹងទៅដល់ខួរក្បាល បង្កឱ្យមានជំងឺរលាកខួរក្បាលប៉ះពាល់ដល់ខួរក្បាលទាំងមូល។
កុមារឆ្លងមេរោគដែលបណ្តាលឱ្យផ្លូវដង្ហើមខ្សោយរលាកសួត
នៅពេលអ្នកថើបកូនតូចរបស់អ្នកញឹកញាប់ វាអាចបង្កើនហានិភ័យនៃមេរោគដែលនឹងមានឱកាសកាន់តែខ្លាំងឡើង ដែលមួយចំនួនអាចធ្វើឱ្យឆ្លងមេរោគផ្លូវដង្ហើម ផ្តាសាយ គ្រុនផ្តាសាយធំ និងក្អកចំពោះមនុស្សធំផងដែរ។
ចំពោះកុមារតូចៗដោយសារភាពធន់ខ្សោយ ការឆ្លងមេរោគទាំងនេះគឺអាចធ្វើទៅបានជាពិសេសនៅពេលទទួលការថើបពីអ្នកដែលកំពុង ឬឆ្លងមេរោគ RSV ។
យោងតាមវេជ្ជបណ្ឌិតវីរុស RSV គឺជាបុព្វហេតុចម្បងនៃជំងឺរលាកទងសួត និងជំងឺរលាកសួតចំពោះទារក៕