ជាក់ស្ដែង ផលិតផលធ្វើឲ្យធ្មេញសដែលមានដាក់លក់ពេញក្នុងទីផ្សារសព្វថ្ងៃភាគច្រើន គឺមានផ្ទុកនូវសារធាតុគីមីដែលអាចបង្កគ្រោះថ្នាក់គួរឲ្យព្រួយបារម្ភចំពោះសុខភាព។ (អាន ៖ ស្បែកកូនរបស់អ្នកនឹងស្អាតហើយមិនរមាស់បើធ្វើតាមវិធីនេះ តើកូនស្រីរបស់អ្នកចេះតែរមាស់ស្បែកមែនទេ?) ប៉ុន្តែកុំបារម្ភ! ប្រសិនបើអ្នកចង់បានធ្មេញសស្អាតគួរឲ្យទាក់ទាញដោយមិនចាប់បាច់ចំណាយប្រាក់អស់ច្រើន ហើយមិនប៉ះពាល់អ្វីចំពោះសុខភាពនោះ ចូរសាកល្បងរូបមន្តតាមបែបធម្មជាតិមួយសប្តាហ៍ម្ដងដែលវេបសាយសុខភាព Health.com.kh នឹងបង្ហាញឲ្យដឹងខាងក្រោមនេះ ៖
១. អ្វីដែលអ្នកត្រូវការ ៖
– ម្ស៉ៅ baking soda ចំនួន ១ ស្លាបព្រាបាយ
– ក្រូចឆ្មារពណ៌លឿង ឬក្រូចឆ្មារធម្មតា ចំនួន ម្ខាង ឬពាក់កណ្ដាល
– ច្រាសដុសធ្មេញថ្មី ចំនួន ១ ។
២. របៀបអនុវត្ត ៖ ជាដំបូងចាក់ម្ស៉ៅ baking soda ចូលក្នុងចានបន្ទាប់មកច្របាច់ទឹកក្រូចឆ្មារពីលើ។ នៅពេលឈប់ឡើងពពុះ ឬចេញពពុះ សឹមយកច្រាសដុសធ្មេញទៅកូរលាយល្បាយចូលគ្នាឲ្យសព្វប្រែជាខាប់ៗ។ អ្នកអាចបន្ថែមម្ស៉ៅ baking soda បន្តិចទៀត ប្រសិនបើល្បាយរាវពេក។ ជាបន្តអ្នកត្រូវដាក់ល្បាយនេះលើច្រាសដុសធ្មេញ និងចាប់ផ្ដើមដុសធ្មេញរបស់អ្នកដូចពេលធម្មតាសម្រាប់រយៈពេលពី ២ ទៅ ៣ នាទី សឹមលាងសម្អាតមាត់ចេញជាមួយទឹកធម្មតា។
៣. អ្វីដែលអ្នកគួរចាំ ៖
– ប្រសិនបើគ្មានក្រូចឆ្មារទេនោះ អ្នកអាចប្រើប្រាស់ទឹកធម្មតាចំនួនពី ១ ទៅ ២ ស្លាបព្រាបាយជំនួសក៏បាន។
– គួរអនុវត្តរូបមន្តនេះត្រឹមតែ ១ ដង ក្នុងមួយសប្តាហ៍បានហើយ ដើម្បីជៀសវាងផលប៉ះពាល់អវិជ្ជមានចំពោះកាចាធ្មេញ។
– ប្រើប្រាស់ច្រាសដុសធ្មេញថ្មី នៅពេលអនុវត្តរូបមន្តនេះ។
– រូបមន្តនេះមិនណែនាំសម្រាប់អ្នកដែលកំពុងពត់ធ្មេញឡើយ៕