ការមានផ្ទៃពោះ គឺជាសេចក្តីរីករាយ ហើយក៏ជាដំណើរដ៏លំបាករយៈពេល ៩ ខែ ១០ ថ្ងៃរបស់ស្ត្រី។ មិនចាំបាច់ទៅពិនិត្យអេកូទេ ដោយគ្រាន់តែមើលសញ្ញាទាំងនេះ អ្នកអាចទាយបានទាំងស្រុងថា តើអ្នកមានផ្ទៃពោះកូនប្រុស ឬស្រី។ សូមព្យាយាមសង្កេតមើលថា តើវាត្រឹមត្រូវដែរឬទេ។
១.មើលទ្រង់ទ្រាយពោះរបស់អ្នក
ប្រសិនបើទ្រង់ទ្រាយពោះស្តួចទៅខាងលើ វាទំនងជាម្តាយមានផ្ទៃពោះកូនប្រុស។ ខណៈពេលដែលម្តាយមានផ្ទៃពោះកូនស្រីនឹងមានក្បាលពោះមូល។
២.ទឹកនោមមានពណ៌លឿងស្រាល
សញ្ញានេះ ងាយស្រួលសម្គាល់នៅពេលម្តាយបត់ជើងតូច ហើយកត់សម្គាល់ឃើញពណ៌ទឹកនោមខុសពីធម្មតាបន្តិច ដែលមានពណ៌លឿងស្រាល វាអាចជាក្មេងប្រុស។
ប្រសិនបើអ្នកសង្កេតទឹកនោមរបស់អ្នកបន្តិច អ្នកនឹងសម្គាល់ឃើញភាពខុសគ្នា។ ប្រសិនបើទឹកនោមរបស់អ្នកមានពណ៌លឿងស្រាលនោះ អ្នកទំនងជាមានផ្ទៃពោះហើយ។ ផ្ទុយទៅវិញប្រសិនបើទឹកនោមរបស់អ្នកល្អក់កករមានន័យថាទារកក្នុងផ្ទៃរបស់អ្នកគឺជាព្រះនាងដ៏ស្រស់ស្អាត។ ទោះយ៉ាងណាក៏ដោយ សូមកត់សម្គាល់ថា ប្រសិនបើទឹកនោមរបស់អ្នកមានពណ៌រាងងងឹត នោះមានន័យថា អ្នកខ្សោះជាតិទឹក ហើយត្រូវការបំពេញបន្ថែមទឹកភ្លាមៗ មិនមែនជាសញ្ញាថាអ្នកមានផ្ទៃពោះជាមួយក្មេងប្រុស ឬក្មេងស្រីឡើយ។
៣.ស្បែករបស់ម្តាយ
ម្តាយដែលមានផ្ទៃពោះកូនប្រុសតែងតែមានពណ៌ស្បែកខ្មៅស្រអាប់។ ប្រសិនបើស្បែកមិនផ្លាស់ប្តូរ ជាធម្មតាវាជាទារកស្រី។
៤.ចាញ់កូនពេលព្រឹកខ្លាំង ទំនងជាពរពោះកូនប្រុស
សញ្ញានេះ ត្រូវបានគេដឹងថា លេចឡើងក្នុងរយៈពេលខ្លី ហើយការចាញ់កូននៅពេលព្រឹកមិនធ្ងន់ធ្ងរទេ។ ការចាញ់កូន គឺជារោគសញ្ញាធម្មតា នៃការមានផ្ទៃពោះ ប៉ុន្តែប្រសិនបើអ្នកមានអាការៈចាញ់កូនធ្ងន់ធ្ងរ ហើយរោគសញ្ញាទាំងនេះនៅតែបន្តកើតមានចំពោះការមានផ្ទៃពោះទាំងមូលរបស់អ្នក ដែលធ្វើឱ្យអ្នកប្រឈមមុខនឹងការខ្វះជីវជាតិប្រចាំថ្ងៃរបស់អ្នក អ្នកអាចមានផ្ទៃពោះកូនស្រី។
ផ្ទុយទៅវិញ ប្រសិនបើរោគសញ្ញានៃការចាញ់កូនខ្លីជាង ហើយអ្នកមិនមានអាការចាញ់កូនធ្ងន់ធ្ងរជារៀងរាល់ព្រឹក អ្នកអាចនឹងកំពុងពរពោះកូនប្រុសម្នាក់។
៥.ចង្វាក់បេះដូងទារក
ចង្វាក់បេះដូងគភ៌ ក្មេងប្រុសជាធម្មតាយឺតជាងក្មេងស្រី ដែលជាធម្មតាក្មេងប្រុស ១៤០ ខណៈក្មេងស្រីមាន ១៥០ ។
៦.ទីតាំងផ្ទៃពោះ
សង្កេតមើលពោះរបស់ម្តាយ ប្រសិនបើក្បាលពោះខ្ពស់ គឺជាក្មេងស្រីនោះ ហើយពោះទាបគឺជាក្មេងប្រុស។ ជាធម្មតាក្មេងស្រីចូលចិត្តគេងផ្អៀងទៅខាងឆ្វេង ចំណែកក្មេងប្រុសចូលចិត្តផ្អៀងទៅខាងស្តាំ។
៧.ចលនាគភ៌
ក្មេងប្រុសទំនងជាចង់ ដាល់ និងទាត់នៅក្នុងពោះរបស់ពួកគេ ខណៈដែលក្មេងស្រីចូលចិត្តរមៀល។
៨.រាងផ្ចិត
ផ្ចិតរបស់ម្តាយលៀនមកក្រៅ គឺជាក្មេងប្រុស ហើយប្រសិនបើផ្ចិតពោះមិនលៀនចេញទេនោះ គឺជាកូនស្រី។
ព័ត៌មាននៅក្នុងអត្ថបទ គឺសម្រាប់ជាឯកសារយោងតែប៉ុណ្ណោះ!