កោសិកា Melanocytes មាននាទីផលិតសារធាតុ Melanin សម្រាប់បំពាក់ពណ៌ដល់ស្បែក។ ករណីដែលកោសិកាទាំងនេះស្លាប់ ដូច្នេះវានឹងមិនអាចផលិតសារធាតុ Melanin បានឡើយ។ យោងទៅតាមមន្ត្រីវេជ្ជសាស្ត្របានឱ្យដឹងថា កោសិកា Melanocytes ប្រហែលជាឈប់ធ្វើការងាររបស់វាដោយសារតែការប៉ះពាល់នឹងពន្លឺព្រះអាទិត្យច្រើន មានប្រតិកម្មនឹងសារធាតុគីមី សម្ពាធអុកស៊ីតកម្ម និងការបង្ករោគដោយវីរុស។
ករណីដែលកោសិកាខាងលើមិនធ្វើការដោយយើងសម្គាល់ដឹងថាមានស្នាមពណ៌សៗលើស្បែកនោះគេហៅជំងឺនេះថា ភ្លឺ ឬ Vitiligo។ ជំងឺនេះអាចកើតលើមនុស្សគ្រប់វ័យ ហើយភាគច្រើនឃើញលើអ្នកអាយុចាប់ពី ២០ឆ្នាំឡើងទៅ។
ជំងឺភ្លឺដែលគេជួបប្រទះញឹកញាប់ជាងគេ នោះមានឈ្មោះថា Segmental Vitiligo ដែលវាកើតមានតែមួយចំហៀងខ្លួនមនុស្សប៉ុណ្ណោះ ប៉ុន្តែវានឹងបាត់ទៅវិញដោយខ្លួនឯងក្នុងរយៈពេលពីរឆ្នាំ។ ទោះបីជាយ៉ាងណាក៏ដោយ ជំងឺភ្លឺនេះក៏អាចកើតនៅម្តុំណាមួយនៃរាងកាយ ផងដែរ។ ខាងក្រោមនេះគឺជាជីវជាតិសំខាន់ៗដែលអាចទប់ស្កាត់កាតកើតមានជំងឺភ្លឺលើសស្បែកបាន។
ទង់ដែង
អ្នកជំនាញជាច្រើននិយាយថា ជាតិទង់ដែង គឺជាសារធាតុដ៏សំខាន់មួយសម្រាប់ការផលិតសារធាតុ Melanin។ ហេតុដូច្នេះហើយអ្នកគួរតេញ៉ាំអាហារណាដែលសម្បូរជាតិទង់ដែងឱ្យបានច្រើនដើម្បីលុបបំបាត់អាការៈភ្លឺលើស្បែក។ ប្រភពអាហារដ៏ល្អមួយចំនួនមានដូចជា គ្រាប់ផ្លែឈើ សូកូឡា អយស្ទើ បង្កង ថ្លើមសត្វ គ្រាប់ល្ពៅ និងសណ្តែកសៀង។
វីតាមីន B9 និង B12
ការកង្វះវីតាមីន B ច្រើនតែអាចបណ្តាលឱ្យកើតភ្លឺ។ ជំងឺស្បែកប្រហែលជាអាចឈប់កើត បានតាម រយៈការបញ្ចូលអាហារមានវីតាមីនខាងលើទៅក្នុងរបបអាហារប្រចាំថ្ងៃ។ ថ្លើមសត្វ និងគ្រាប់ផ្កាឈូក រ័ត្នសុទ្ធតែជាប្រភពដ៏ល្អនៃវីតាមីន B9។ អ្នកអាចទទួលបានវីតាមីន B12 ពីទឹកដោះគោ ហ្វ្រូមាត ស៊ុត យ៉ាអួ សាច់មាន់ សាច់ជ្រូក និងសាច់ចៀម៕