អ្នកម្តាយប្រហែលជាមិនបានចាប់អារម្មណ៍នូវចំណុចទាំងនេះនោះទេ នៅពេលដែលទារកគួរឱ្យស្រឡាញ់ចាប់កំណើតមក។ ខាងក្រោម គឺជាសញ្ញាមួយចំនួនដែលបង្ហាញថាកូនរបស់អ្នកមានសុខភាពល្អ ៖
ទំងន់កំណើតរបស់ទារក គឺប្រហែល ៣គីឡូក្រាម
តើឪពុកម្តាយដឹងទេ ទំងន់ល្អបំផុតសម្រាប់ទារក គឺ ៣គីឡូក្រាម។ ទារកដែលមានទំងន់នេះមិនធំពេក និងមិនតូចពេកនោះទេ។ ក្នុងកម្រិតនេះ ស្ត្រីមានឱកាសសម្រាលកូនតាមបែបធម្មជាតិ ងាយស្រួលដោយមានហានិភ័យតិចក្នុងពេលសម្រាលកូន។ ទន្ទឹមនឹងនេះ សុខភាពរបស់ទារកក៏ល្អបំផុតដែរ។
ទារកមានទំងន់ប្រហែល ៣គីឡូក្រាម បង្ហាញថាម្តាយមានផ្ទៃពោះត្រូវបានបំពេញបន្ថែមជាមួយនឹងអាហារបំប៉ន ដែលមានតុល្យភាពអំឡុងពេលមានផ្ទៃពោះ។ ទារកក្នុងស្បូនមានការលូតលាស់ធម្មតា និងមានសុខភាពល្អ។ នៅពេលទារកធំឡើងទារកនឹងកាន់តែឆ្លាតវាងវៃ និងងាយនឹងមើលថែ។
ទារកកើតមកមានសក់ច្រើន និងសក់ខ្មៅ
ម្ដាយខ្លះតែងតែមានសំណួរដូចគ្នា ដោយមិនដឹងមូលហេតុដែលទារកខ្លះកើតមកមានសក់ច្រើន មានសក់ខ្មៅភ្លឺរលោង រីឯអ្នកខ្លះទៀតមានសក់តិចហើយមានសក់ពណ៌ទង់ដែង។ នេះ ភាគច្រើនបណ្តាលមកពីហ្ស៊ែន។ ប្រសិនបើឪពុកម្តាយមានសក់ក្រាស់ និងខ្មៅ ដូច្នេះទារកកើតមកក៏ដូច្នោះដែរ។
ចំណុចមួយទៀត គឺអាហារូបត្ថម្ភរបស់ម្តាយអំឡុងពេលមានផ្ទៃពោះបានផ្លាស់ប្តូរសក់ទារក។ ឧទាហរណ៍ ក្នុងអំឡុងពេលមានផ្ទៃពោះប្រសិនបើម្តាយផ្តល់អាហារបំប៉នគ្រប់គ្រាន់ កុមារស្រូបយកវាបានល្អ ហើយសក់របស់កុមារក៏មានពណ៌ខ្មៅ និងរលោងដោយធម្មជាតិផងដែរ។ ដូច្នេះ ដោយមិនរាប់បញ្ចូលកត្តាហ្សែន ប្រសិនបើទារកកើតមកមានសក់ខ្មៅរលោងក្រាស់ និងភ្លឺរលោង វាបង្ហាញថាទារកលូតលាស់ល្អនៅក្នុងស្បូន។
ទារកយំយ៉ាងខ្លាំងនៅពេលគាត់កើត
នៅពេលទារកចាប់កំណើត ទារកចាប់ផ្តើមរៀនដកដង្ហើមតាមសួតរបស់គាត់ ជាលើកដំបូងដែលគាត់យំ។ ប្រសិនបើការយំរបស់ទារកខ្លាំង វាមានន័យថាសួត និងផ្លូវដង្ហើមរបស់ទារកត្រូវបានលូតលាស់យ៉ាងល្អ។
ផ្ទុយទៅវិញប្រសិនបើទារកយំតិចតួច ឬមិនយំនៅពេលចាប់កំណើតគ្រូពេទ្យនឹងធ្វើអន្តរាគមន៍យ៉ាងសកម្ម ដើម្បីធ្វើឱ្យទារកយំ។ ទារកត្រូវតែយំប្រសិនបើពួកគេចង់ដកដង្ហើម។ ក្នុងករណីនេះ ទារកនឹងត្រូវបានត្រួតពិនិត្យដោយយកចិត្តទុកដាក់ជាងមុន។
ទារកមានប្រតិកម្មយ៉ាងរហ័សទៅនឹងសម្លេង
ឆ្លើយតបទៅនឹងសម្លេងបង្ហាញថា ការស្តាប់របស់កូនអ្នកកំពុងតែលូតលាស់ហើយគាត់កំពុងប្រើខួរក្បាលរបស់គាត់ ដើម្បីបែងចែកសម្លេង។
ទារកមានសមត្ថភាពស្តាប់ពេញលេញតាំងពីកំណើត ប៉ុន្តែវាត្រូវការពេលពីរបីសប្តាហ៍ដើម្បីឱ្យពួកគេអាចច្រោះសំលេងពណ៌ស (សម្លេងជួយមនុស្សផ្តោតអារម្មណ៍ បន្ធូរអារម្មណ៍ខួរក្បាល ក៏ដូចជាជួយមនុស្សឱ្យដេកលក់ស្រួល) គេងលក់ស្រួល និងមានអារម្មណ៍ល្អ ល្អប្រសើរជាងមុន) ពីជីវិតប្រចាំថ្ងៃនៅខាងក្រៅស្បូន។ នៅពេលដែលអ្នកឃើញកូនរបស់អ្នកមានប្រតិកម្មទៅនឹងសំឡេង ដោយក្រឡុកភ្នែករបស់ពួកគេក្នុងការស្វែងរកប្រភពសំឡេង អ្នកនឹងដឹងថាត្រចៀករបស់ទារកមានសុខភាពល្អ ហើយកូនរបស់អ្នកកំពុងតែចង់ដឹងចង់ចង់ឃើញនូវអ្វីដែលគាត់បានលឺ។
អាយុពី ២ ទៅ ៣ ខែ សរីរាង្គត្រចៀករបស់កូនអ្នកកំពុងលូតលាស់ហើយ ដូច្នេះពួកគេអាចស្តាប់លឺសំឡេងដែលនៅជិត។ ទារកអាចបង្វែរក្បាលរបស់គាត់ បែរមុខទៅមនុស្សដែលនិយយាយទៅកាន់ទារក។ ជាពិសេសទារកចូលចិត្តស្តាប់សំលេងម្តាយរបស់ពួកគេ ឬអ្នកដែលនៅជុំវិញពួកគេ។ នៅពេលនេះ ទារកដឹងពីរបៀបឆ្លើយតបនឹងសំលេង។ កូនរបស់អ្នកនឹងស្តាប់ដោយយកចិត្តទុកដាក់ហើយអាចឆ្លើយតប។
ដើម្បីជម្រុញ និងអភិវឌ្ឍការស្តាប់របស់កុមារ ម្តាយអាចទិញប្រដាប់ប្រដាក្មេងលេងដែលបង្កើតតន្ត្រីដូចជាប្រអប់ភ្លេង ដែលអាចហាត់ស្តាប់ និងធ្វើឱ្យពួកគេរីករាយ។ ប្រសិនបើកូនរបស់អ្នកមានអាយុ ២ ខែហើយនៅតែមិនអាចញញឹម ភ្នែករបស់គាត់មិនរេតាមសម្លេង ឬគាត់មិនឆ្លើយតបនឹងសំលេង ដែលគាត់លឺ អ្នកគួរតែនាំគាត់ទៅមន្ទីរពេទ្យ ដើម្បីពិនិត្យសមត្ថភាពបញ្ញា និងសមត្ថភាពស្តាប់របស់គាត់។
ផ្តោតក្រសែភ្នែកលើវត្ថុ និងពណ៌
ការក្រឡេកមើលវត្ថុបង្ហាញថា ភ្នែក និងខួរក្បាលទារកកំពុងវិវឌ្ឍន៍។ នេះក៏ត្រូវបានគេចាត់ទុកថាជាសញ្ញាមួយនៃទារកទើបនឹងកើតដែលមានសុខភាពល្អផងដែរ។ ចាប់ពីវិនាទីដំបូងនៃការចាប់កំណើត ភ្នែកទារកត្រូវបានធ្វើឱ្យសកម្ម ហើយចាប់ផ្តើមលូតលាស់។ នៅពេលចាប់កំណើត ទារកអាចមើលឃើញ ១/២០ ប៉ុន្តែនឹងវិវឌ្ឍន៍យ៉ាងឆាប់រហ័សឈានដល់ ២០/២០ នៅពេលគាត់មានអាយុប្រហែល ៣-៥ ឆ្នាំ។ ការរីកចម្រើនយ៉ាងឆាប់រហ័ស គឺជាមូលហេតុដែលខែដំបូងនៃជីវិតមានសារៈសំខាន់ខ្លាំងណាស់ក្នុងការលូតលាស់ភ្នែករបស់ទារក។
អាយុ ១ខែ៖ ទារកចាប់ផ្តើមធ្វើចលនាភ្នែក និងក្បាលក្នុងទិសដៅនៃប្រភពពន្លឺ កត់សំគាល់វត្ថុដែលដេកនៅលើអ័ក្សផ្តេកនៅពីមុខគាត់ ផ្តោត និងសម្លឹងមើលដោយយកចិត្តទុកដាក់ចំពោះអ្នកមើលថែ។
អាយុ ២-៣ ខែ៖ កត់ត្រាវត្ថុទាំងអ័ក្សបណ្តោយ និងវិល (ជុំវិញទារក); ចាប់ផ្តើមដើម្បីអាចផ្លាស់ទីភ្នែកជុំវិញនៃក្បាល; បង្កើនភាពប្រែប្រួលទៅនឹងពន្លឺ; ចាប់ផ្តើមសម្លឹងមើលដៃជើង, សម្លឹងមើលរូបភាពគួរឱ្យចាប់អារម្មណ៍ផ្សេងទៀត; សម្លឹងមើលអ្វីមួយមិនដាក់ភ្នែកក្នុងរយៈពេលយូរ។
នៅក្នុងពេលនេះ ប្រសិនបើម្តាយកត់សម្គាល់ថាភ្នែករបស់ទារកមិនមានការលូតលាស់ធម្មតា ហើយមិនអាចផ្តោតលើវត្ថុជាក់លាក់បានទេពួកគេគួរតែយកទារកទៅជួបគ្រូពេទ្យ ដើម្បីដឹងពីស្ថានភាពភ្នែករបស់ទារក៕