ការញ៉ាំអាហារហឹរ ឬខ្លាញ់ច្រើនសុទ្ធតែជាហេតុនាំឱ្យកើតបញ្ហាហើមពោះហើយ។ បញ្ហានេះច្រើនតែមានអាការៈ មិនស្រួលក្នុងពោះ ដែលជាប់ទាក់ទងគ្នានឹងសញ្ញាផ្សេងៗទៀតដូចជា ការចង្អោរ វិលមុខ និងឈឺក្បាល។ គ្រប់ពេលដែលបញ្ហាទាំងអស់នេះកើតឡើងមែននោះ មិនបាច់បារម្ភទៀតទេ ដោយគ្រាន់តែព្យាយាមសាកល្បងប្រើវិធីព្យាបាលដោយខ្លួនឯងដូចខាងក្រោមនេះទៅ។
ញ៉ាំទឹកដំឡូងបារាំងច្របាច់កន្លះពែង
ដើម្បីដោះស្រាយបញ្ហាហើមពោះគឺ ការញ៉ាំទឹកដំឡូងបារាំងច្របាច់កន្លះពែងចំនួនពីរទៅបីដងក្នុងមួយថ្ងៃ។ សារធាតុដ៏ល្អរបស់ដំឡូងបារាំងនឹងទៅរុំព័ទ្ធជញ្ជាំងក្រពះផ្នែកខាងក្នុងដើម្បីបង្ការកុំឱ្យមានអាការៈរលាកបន្ថែមទៀតបាន។
ញ៉ាំអាហារពេលព្រឹកដែលសម្បូរជាតិសរសៃ
ដើម្បីដោះស្រាយបញ្ហានៅផ្លូវរំលាយអាហារកាន់តែស្រួលបួលមកវិញ ចូរចាប់ផ្តើមថ្ងៃថ្មីរបស់អ្នកជាមួយនឹងអាហារសម្បូរជាតិសរសៃទៅ ព្រោះវានឹងផ្តល់ជាថាមពលដល់រាងកាយកាន់តែល្អ។
ញ៉ាំខ្ញី ឬទឹកខ្ញី
វិធីសាស្ត្រដ៏លឿនក្នុងការបញ្ឈប់បញ្ហាហើមពោះគឺការជញ្ជក់មើមខ្ញីមួយដុំតូច។ អ្នកក៏ប្រហែលជាអាចញ៉ាំទឹកខ្ញីក្តៅមួយពែងផងដែរ៕
