ម្នាស់ ក្រៅពីមានរសជាតិឆ្ងាញ់ វាក៏ផ្តល់អត្ថប្រយោជន៍យ៉ាងច្រើន ចំពោះសុខភាព និងសម្រស់ផងដែរ។ ម្នាស់ អ្នកអាចទទួលទានទាំងស្រស់ កៀបយកទឹក ក្រឡុក ធ្វើជាបង្អែម ធ្វើជាម្ហូប និងប្រើជាគ្រឿងថែរក្សាសម្រស់បាន។
ជាតិវីតាមីន C ដែលមាននៅក្នុងផ្លែម្នាស់ ត្រូវបានគេយកមកព្យាបាលជំងឺមុន និងការរលាកស្បែកដទៃទៀត។ Bromelain ដែលជាអង់ទីអុកស៊ីដង់ នៅក្នុងផ្លែម្នាស់ រឹតតែជួយឲ្យវីតាមីន C មានសកម្មភាពប្រសើរឡើងទេ្វដង។ ម្នាស់ ក៏អាចសំយោគជាតិកូឡាជែន នៅក្នុងរាងកាយអ្នកផងដែរ។
ចូរយកទឹកម្នាស់ស្រស់ ទៅលាបនៅលើស្បែក រួចទុកក្នុងរយៈពេល ១០ នាទី បន្ទាប់មក លាងវាចេញដោយទឹកស្អាត។ អ្នកអាចមានអារម្មណ៍ថា តឹងៗមុខ ហើយនេះគឺដោយសារតែម្នាស់ បានទៅដុសខាត់ ស្បែកដែលងាប់ៗចេញ ហើយធ្វើឲ្យមុខអ្នក មានសុខភាពល្អ និងស្រស់ថ្លាជាងមុន។ ក្រៅពីនេះ វាក៏ជួយពង្រឹងដល់ប្រព័ន្ធឈាមរត់ នៅលើផ្ទៃមុខអ្នកផងដែរ។
ក្រៅពីនេះ អ្នកអាចយកទឹកម្នាស់ ទៅលាបលើស្បែកកែងជើងរបស់អ្នក (ចំពោះអ្នកមានបញ្ហាប្រេះកែងជើង)។ ម្នាស់ នឹងជួយកម្ចាត់កោសិកាដែលងាប់ និងធ្វើឲ្យកែងជើងរបស់អ្នក ត្រឡប់ទៅរកភាពទន់ និងស្រស់ស្អាតឡើងវិញ៕