តើប្រេងដូងអាចជួយដល់សុខភាពអ្នកដែរឬទេ? បើអាចតើវាអាចជួយអ្នកនៅពេលណាខ្លះ? ដូចនេះខាងក្រោមនេះយើងខ្ញុំនឹងប្រាប់អ្នកពីអត្ថប្រយោជន៍នៃប្រេងដូងដែលវាបានផ្តល់ឱ្យអ្នក។ តើមានអ្វីខ្លះទៅ?
ជំងឺទល់លាមក
នៅអាហារពេលព្រឹករបស់អ្នក អ្នកអាចបរិភោគល្ហុងជាច្រើនបាន បន្ទាប់មកក្រោយពេល២ម៉ោង អ្នកអាចពិសារប្រេងដូងមួយស្លាបព្រាបាន ប៉ុន្តែប្រសិនបើគ្មានប្រសិទ្ធភាព អ្នកអាចបរិភោគចាប់ពី៣ថ្ងៃឡើង។
ជំងឺឈឺចុកចាប់
ប្រសិនបើលើខ្លួនអ្នកមានកន្លែងដែលឈឺចុកចាប់ អ្នកអាចយកប្រេងដូងទៅកម្តៅដល់សីតុណ្ហភាព៦០អង្សាសេ បន្ទាប់មកយកមកលាបលើខ្លួនអ្នកត្រង់កន្លែងដែលឈឺ រួចធ្វើការម៉ាស្សា នោះអ្នកនឹងបានធូរខ្លះ ហើយអ្នកក៏អាចផឹកទឹកដូងមួយកែវ រួចផឹកប្រេងដូងចំនួន៣ស្លាបព្រា វាក៏អាចជួយអ្នកបានដែរ។
ស្នាមអ៊ុចខ្មៅរបស់មនុស្សចាស់
នៅពេលដែលអ្នកចាស់ទៅ អ្នកនឹងកើតមានស្នាមអ៊ុចខ្មៅលើដៃ និងមុខ ដូចនេះអ្នកអាចយកប្រេងដូងទៅលាបនៅកន្លែងដែលមានស្នាមអ៊ុចខ្មៅរាល់ថ្ងៃ បន្ទាប់មកផឹកប្រេងដូងចំនួន៣ស្លាបព្រាជារឿងរាល់ថ្ងៃដូចគ្នា។
ជំងឺស្បែក
បើអ្នកមានជំងឺស្បែក អ្នកអាចយកប្រេងដូងទៅកម្តៅនៅសីតុណ្ហភាព៥០អង្សាសេ បន្ទាប់មកយកមកលាបលើកន្លែងដែលមានបញ្ហា រួចធ្វើការម៉ាស្សារៀងរាល់២ម៉ោងម្តង។
ថែរក្សាសក់
អ្នកអាចយកប្រេងដូងចំនួន២ស្លាបព្រាទៅកម្តៅនៅសីតុណ្ហភាព៧០អង្សាសេ បន្ទាប់មកយកមកលាបលើសក់អ្នក ហើយធ្វើការម៉ាស្សា រួចយកកន្សែងក្តៅមករុំសក់អ្នកចំនួន៣០នាទី វានឹងធ្វើឱ្យសក់អ្នករលោង ភ្លឺ និងមានសុខភាពល្អ។
សាច់ល្អិតខាំ
នៅពេលដែលអ្នកត្រូវសាច់ល្អិតខាំ ហើយឈឺ អ្នកអាចលាបប្រេងដូងបាន នោះវានឹងធ្វើឱ្យអ្នកធូរស្រាល។
ជំងឺថ្លោះដៃ ថ្លោះជើង
នៅពេលដែលអ្នកថ្លោះដៃ ឬជើង ឬកន្លែងផ្សេងទៀត អ្នកអាចយកទឹកកកស្អំនៅកន្លែងដែលថ្លោះនោះចំនួន១៥នាទី ទើបយកប្រេងដូងទៅកម្តៅនៅសីតុណ្ហភាពពី៤០ទៅ៥០អង្សាសេ រួចយកមកលាបនៅកន្លែងនោះ ទើបធ្វើការម៉ាស្សា បើមានអាការៈធ្ងន់ធ្ងរ អ្នកអាចធ្វើពី៤ទៅ៨ដងក្នុងមួយថ្ងៃ៕
