រាងកាយរបស់យើងគ្រប់គ្នាសុទ្ធតែមានវិធីសាស្ត្របែបធម្មជាតិជាច្រើនដែលអាចបញ្ចេញមេរោគ មូលហេតុបង្កអាឡែហ្ស៊ី និងសារធាតុបង្ករលាកចេញទៅក្រៅវិញដោយខ្លួនឯង។ ការហៀរសម្បោរច្រើនតែបណ្តាលមកពីការកើនឡើងនូវចំនួនទឹករំអិលចេញពីក្នុងប្រហោងឆ្អឹងនៅមុខ ព្រមទាំងផ្លូវដង្ហើមដើម្បីជម្នះមូលហេតុនាំឱ្យកើតជំងឺផ្តាសាយ និងអាឡែហ្ស៊ី។ ការឈឺក្បាល ឈឺត្រចៀក និងក្អកប្រហែលជាបណ្តាលមកពីបញ្ហាទាំងអស់នេះដែរ។
មានថ្នាំព្យាបាលជាច្រើនដែលអាចប្រើចំពោះអាការៈហៀរសម្បោរនេះ។ យ៉ាងណាមិញ វាអាចនឹងមានផលរំខានរបស់វាដែរដូចជា ងងុយគេង ចង្អោរ និងវិលមុខ។ ការប្រើថ្នាំជាប្រភេទសូលុយស្យុងវិញ អាចនាំឱ្យស្ងួតដល់ច្រមុះ មាត់ និងបំពង់កដែរ។ អ្នកដែលប្រើថ្នាំនេះក៏អាចនឹងជួបបញ្ហាគេងមិនលក់ទៀតផង។
ជំនួសឱ្យការប្រើថ្នាំលេប មានវិធីសាស្ត្រមួយដែលអ្នកអាចលុបបំបាត់ការហៀរសម្បោរបានយ៉ាងស្រួល នោះគឺការប្រើទឹកអំបិល។
មានអត្ថប្រយោជន៍ពីរយ៉ាងនៃការប្រើប្រាស់ទឹកអំបិលចូលទៅក្នុងផ្លូវដង្ហើម។ ទី១ វានឹងជួយពង្រាវ សម្បោរ ដែលជាហេតុនាំឱ្យងាយស្រួលក្នុងការបញ្ចេញចោល និងស្រួលដកដង្ហើមជាងមុន។ ទី២ ចូលរួមបញ្ចេញចោលរាល់សារធាតុបង្កការរលាក។
ចូរលាយអំបិលកន្លះស្លាបព្រាបាយចូលទៅក្នុងទឹកក្តៅឧណ្ហៗពីរពែង។ ចូរអង្គុយចុះ ហើយប្រើសូលុយស្យុងខាងលើនេះបន្តក់ចូលទៅក្នុងផ្លូវដង្ហើម។ បន្ទាប់មក ចូរព្យាយាមញើសសម្បោរចេញ និងធ្វើម្តងហើយម្តងទៀតរហូតដល់បាត់ការហៀរសម្បោរ៕