យើងបានដឹងទាំងអស់គ្នាហើយថា ការជក់បារីបំផ្លាញសុភាព។ ក៏ប៉ុន្តែវានឹងរឹតតែមានគ្រោះថ្នាក់ដល់សុខភាពខ្លាំងណាស់ទៅទៀត បើសិនជាគេញ៉ាំកាហ្វេ ឬគ្រឿងស្រវឹងថែមទៀតនៅក្នុងពេលជក់បារី។
កាហ្វេ
ជាការពិតណាស់ ដែលថាពួកអ្នកជក់បារីតែងតែផឹកកាហ្វេផង នៅពេលដែលគេជក់បារីនៅពេលព្រឹក ពេលក្រោកពីដំណេកភ្លាម។ ការជក់បារីផងផឹកកាហ្វេផងបង្កលក្ខណៈធ្វើឱ្យជាតិពុលនិងបាក់តេរីប្រមូលផ្តុំគ្នាកាន់តែច្រើននៅក្នុងរាងកាយ។ ម្យ៉ាងទៀតវាធ្វើឱ្យគេមិនឃ្លាន ហើយអាចនឹងមិនបានញ៉ាំអាហារពេលព្រឹកទេ ដែលយើងបានដឹងហើយថាវាសំខាន់ខ្លាំងណាស់ចំពោះសុខភាព។ បើសិនជាមិនទាន់អាចបញ្ឈប់ការជក់បារីបាននៅឡើយទេ គេគួរតែផឹកទឹកដោះគោ ឬទឹកផ្លែឈើវិញ នៅពេលជក់បារី។
ម្យ៉ាងទៀត គេក៏គួរតែកុំជក់បារីដែរក្រោយពេលញ៉ាំអាហារ។ មនុស្សជាច្រើននាក់នាំគ្នាជក់បារី ក្រោយពីញ៉ាំអាហារក្នុងពិធីជប់លៀង។ គ្រូពេទ្យនិយាយថា ជក់បារីក្រោយអាហារសម្បូរបែបវាស្មើគ្នាទៅនឹងការជក់បារីអស់១កញ្ចប់។
សុរា
សុរានិងផ្សែងបារីសុទ្ធតែអាចធ្វើឱ្យកើតជំងឺមហារីកបានដូចគ្នា។ កាលណាគេជក់បារីផង ហើយញ៉ាំសុរាផង ហានិភ័យកើតជំងឺមហារីកត្រូវកើនឡើងទ្វេដង។ ការសិក្សានៅអាមេរិកមួយបង្ហាញឱ្យដឹងថា អ្នកដែលកើតមហារីកក្នុងមាត់និងបំពង់ក៧៥%ជាអ្នកដែលជក់បារីផងញ៉ាំស្រាផង។ ហើយអ្នកដែលជក់បារីផងញ៉ាំស្រាផងមានហានិភ័យកើតជំងឺមហារីក៣៨ដងខ្ពស់ជាងអ្នកដែលជក់តែបារី ឬញ៉ាំតែស្រា។
ដូច្នេះ សូមកុំញ៉ាំកាហ្វ ឬស្រា នៅក្នុងពេលជក់បារី។