ខាងក្រោមនេះ health.com.khនឹងបង្ហាញអ្នកពីវិធីក្នុងការធ្វើឲ្យកូនមានខួរក្បាលដែលខ្លាំង។ តើមានអ្វីខ្លះទៅ?

  1. អ្នកអាចនាំកូនទៅសួនច្បារដើម្បីរត់ប្រណាំងជាមួយកូន ឬលេងទាត់បាល់ជាមួយកូនបាន ព្រោះសកម្មភាពទាំងនេះ អាចធ្វើឲ្យកូនឆ្លាតបាន ថែមទាំងអាចធ្វើឲ្យគេមិនងាយឈឺផងដែរ។
  2. ការលោតអន្ទាក់ រាំ និងល្បែងជាច្រើនទៀត ក៏អាចជួយបណ្តុះខួរក្បាលកូនផងដែរ ដោយធ្វើឲ្យកូនមានគំនិតដែលអស្ចារ្យគ្មាននរណាដូចឡើយ។
  3. ការឡើងភ្នំ ក៏អាចជួយធ្វើឲ្យកូនមានសុខភាពល្អ និងមានខួរក្បាលខ្លាំងផងដែរ។ ដូចនេះ បើអ្នកទំនេរ អ្នកអាចនាំកូនទៅឡើងភ្នំបាន។
  4. អ្នកអាចបង្កើតសួនច្បារតូចមួយនៅមុខផ្ទះ ដោយនាំកូនដាំផ្កា ឬរុក្ខជាតិផ្សេងៗ ដើម្បីអប់រំកូនឲ្យស្រឡាញ់ធម្មជាតិ ព្រមទាំងជួយគេឲ្យឧស្សាហ៍ទៀតផង។ ជាពិសេស កូននឹងមានគំនិតច្នៃប្រឌិតខ្ពស់ផងដែរ។
  5. បើអ្នកទំនេរ អ្នកអាចនាំកូនជិះកង់លេងបាន ដោយជិះម្នាក់មួយ ដើម្បីជាការហាត់ប្រាណ និងជាការជួយបង្កើនប្រាជ្ញាកូនឲ្យខ្លាំងពូកែ។ ដូចនេះ អ្នកអាចប្រើវិធីទាំងនេះ ដើម្បីជួយកូនដែលមានអាយុចាប់ពី៦ឆ្នាំឡើង មានខួរក្បាលដែលខ្លាំងលើសគេមួយ៕