យើងធ្លាប់តែគិតថាផោមមិនល្អទេ វាធ្វើឱ្យសាម៉ីខ្លួនខ្មាស់គេ ហើយនរណាៗក៏បិទច្រមុះមិនព្រមហិត ដែរ។ ក៏ប៉ុន្តែឥឡូវនេះ អ្នកហិតផោមត្រូវអរគុណដល់អ្នកដែលផោមហើយ!
ខ្យល់ដែលចេញពីក្នុងខ្លួនមនុស្សមកក្រៅជាផោមនេះគឺជាស៊ុលហ្វ៊ួអ៊ីដ្រូហ្សែន(sulfure d’hydrogène)ដែលអាចជួយការពារកោសិកា ហើយប្រយុទ្ធប្រឆាំងនឹងជំងឺ ថែរក្សាពពួក mitochondries បាន។ ពពួក mitochondries នេះគឺជាប្រភពថាមពលសំខាន់សម្រាប់កោសិកានៃសរសៃឈាម។
ស៊ុលហ្វ៊ួអ៊ីដ្រូហ្សែនធ្វើឱ្យ mitochondries សកម្មឡើង។
នៅក្នុងការព្យាបាលជំងឺផ្សេងៗ ដូចជាបេះដូងខ្សោយ ទឹកនោមផ្អែម រលាកសន្លាក់ ជំងឺអាល់ហ្សេមែរ ឬគ្រោះថ្នាក់សរសៃឈាមខួរក្បាលជាដើម គេធ្វើការជួសជុល mitochondries ដែលខូចខាតឡើងវិញ។ តាមធម្មតា កាលណាកោសិការងអំពើនៃជំងឺ កោសិកាខិតខំប្រឹងភ្ញោចអង់ហ្ស៊ីមឱ្យបញ្ចេញស៊ុលហ្វ៊ួអ៊ីដ្រូហ្សែនមក ក៏ប៉ុន្តែបានតែបន្តិចបន្តួចទេ។ ពួកអ្នកស្រាវជ្រាវគេបានបន្ថែមសមាសធាតុមួយទៀត ហៅថាAP39 ឱ្យជួយបញ្ចេញស៊ុលហ្វ៊ួអ៊ីដ្រូហ្សែន។ ឧស្ម័នមួយនេះជួយឱ្យកោសិកានៅរស់រាន ហើយក៏ត្រួតពិនិត្យការរលាកផងដែរ។
ដូច្នេះ ពេលក្រោយបើមាននរណាផោម តើយើងត្រូវបើកច្រមុះឱ្យធំៗហិតយកស៊ុលហ្វ៊ួអ៊ីដ្រូហ្សែនឱ្យបានច្រើន រួចអរគុណគេផង ឬអ្វី?