ស្លឹកខ្ទឹម ខ្ញី ខ្ទឹមស និងម្រេសសុទ្ធតែជារបស់ដែលដាក់ក្នុងមុខម្ហូបអាចធ្វើឱ្យមុខម្ហូបឈ្ងុយ និងអាចសម្លាប់មេរោគបានទៀតផង មិនត្រឹមតែប៉ុណ្ណោះ វាថែមទាំងអាចកាត់ក្លិនមិនល្អទៀត ប៉ុន្តែតើគួរតែដាក់ក្នុងមុខម្ហូបណាទើបអាចធ្វើឱ្យកាន់តែឈ្ងុយ ហើយមានប្រសិទ្ធភាពកាន់តែខ្លាំងនោះ?
ម្រេសក្រហម
នៅពេលដែលអ្នកចម្អិនសាច់ម្តងៗ អ្នកគួរតែដាក់ម្រេសក្រហមឱ្យបានច្រើន ជាពិសេសសាច់គោ សាច់ពពែ និងសាច់ឆ្កែគួរតែដាក់ឱ្យបានច្រើន ព្រោះវាអាចជួយកំចាត់ជាតិពុលពីក្នុងសាច់ទាំងនោះបាន ដូចនេះនៅពេលដែលអ្នកបរិភោគ វានឹងមិនអាចប៉ះពាល់ដល់សុខភាពអ្នកឡើយ។
ខ្ញី
នៅពេលដែលអ្នកចម្អិនត្រីផ្សេងៗ មិនថាត្រីប្រភេទណាទេ អ្នកត្រូវតែដាក់ខ្ញីឱ្យបានច្រើនដើម្បីបំបាត់ក្លិនឆ្អាបទាំងនោះ ក្រោយពេលដែលអ្នកពិសារវារួច វានឹងជួយអ្នករំលាយអាហារបានលឿន។
ស្លឹកខ្ទឹម
ស្លឹកខ្ទឹមអាចជួយអ្នកឱ្យចៀសផុតពីជំងឺប្រតិកម្មក្រោយពេលបរិភោគពពួកសត្វដែលមានសំបកដូចជា ក្តាម ខ្យងខ្ចៅ ដោយធ្វើឱ្យអ្នកក្អក ឬឈឺពោះ អ្នកអាចដាក់ស្លឹកខ្ទឹមឱ្យច្រើននៅពេលដែលចម្អិនវា នោះវានឹងអាចធ្វើឱ្យអ្នកបាត់នូវអាការៈទាំងនោះបាន។
ខ្ទឹមស
ពេលដែលអ្នកធ្វើម្ហូបដោយប្រើសាច់មាន់ សាច់ទា ក្ងាន អ្នកអាចដាក់ខ្ទឹមសឱ្យបានច្រើន ព្រោះវាអាចធ្វើឱ្យម្ហូបអ្នកកាន់តែឈ្ងុយ ហើយឆ្ងាញ់ ម្យ៉ាងទៀតវាអាចជួយអ្នករំលាយអាហារបានលឿន ជាហេតុដែលមិនធ្វើឱ្យអ្នកមានអាការៈរាករូសឡើយ៕