ការញ៉ាំទឹកបន្លែ និងផ្លែឈើជាច្រើនអាចជួយរំលាយគ្រួសក្នុងតម្រងនោមបាន។ ប៉ុន្តែតើទឹកផ្លែឈើ ឬបន្លែណាទៅដែលមានប្រសិទ្ធភាពបែបនេះនោះ? ខាងក្រោមនេះគឺជាទឹកផ្លែឈើមួយចំនួនដែលអ្នកអាចសាកល្បងដើម្បីជួយរំលាយគ្រួសក្នុងតម្រងនោមបាន។
ទឹកឪឡឹក
ផ្លែឪឡឹកត្រូវបានគេចាត់ទុកថាជាឱសថបញ្ចុះទឹកនោម ហើយក៏អាចប្រើជាការព្យាបាលលើគ្រួសក្នុងតម្រងនោមបានដែរ។ ជាតិប៉ូតាស្យូម និងទឹករបស់ផ្លែឪឡឹកគឺជាសមាសធាតុដ៏សំខាន់មួយសម្រាប់តម្រងនោមមានសុខភាពល្អ។ វាជួយថែរក្សា និងសម្រួលដល់កម្រិតជាតិអាស៊ីតដែលមានក្នុងទឹកនោម។ ការញ៉ាំផ្លែឪឡឹក ឬញ៉ាំទឹករបស់វារាល់ថ្ងៃនឹងជួយរំលាយគ្រួសចេញពីតម្រងនោមបាន។
ទឹកផ្លែទទឹម
ទឹកផ្លែទទឹម និងគ្រាប់ផ្លែទទឹមអាចប្រើជាថ្នាំធម្មជាតិសម្រាប់ព្យាបាលគ្រួសក្នុងតម្រងនោមបាន។ ដើម្បីទទួលបានលទ្ធផលល្អបំផុត យកល្អអ្នកគួរតែញ៉ាំផ្លែទទឹមអរកានិច ឬជ្រើសរើសញ៉ាំទឹកផ្លែទទឹមស្រស់ៗ។
ទឹកក្រូចឆ្មា
ទឹកក្រូចឆ្មាត្រូវបានគេអះអាងថាមានប្រសិទ្ធភាពក្នុងការព្យាបាលគ្រួសក្នុងតម្រងនោម។
គ្រឿងផ្សំ៖
- ទឹកក្រូចឆ្មា ១១៨,២៩មីលីលីត្រ
- ទឹក ២លីត្រ
- ស្ករ (តាមចំនួនដែលចូលចិត្ត)
របៀបធ្វើ៖
- ចូរលាយទឹកក្រូចឆ្មាស្រស់ៗជាមួយនឹងទឹក ២លីត្រនោះចូលគ្នា
- ចាក់បន្ថែមស្ករចូល
- ចូរញ៉ាំពីរដងក្នុងមួយថ្ងៃ ដោយនៅពេលព្រឹក និងល្ងាចដើម្បីរំលាយគ្រួសក្នុងតម្រងនោម៕
