ចូរប្រឈមមុខនឹងវា យើងកំពុងរស់នៅក្នុងសង្គមមួយដែលមិនឈប់ឈរ។ នៅក្នុងការប្រញាប់របស់យើង យើងច្រើនតែដាក់ “ការគេង” នៅពីក្រោយរឿងផ្សេងៗទៀតជាច្រើន។ ក្នុងនាមជាមនុស្សរវល់ម្នាក់ ខ្ញុំអាចយល់ពីមូលហេតុដែលមនុស្សយើងបោះបង់ចោលការគេង ដើម្បីសម្រេចកិច្ចការរបស់ខ្លួន។
ប៉ុន្តែ វាគឺជាវិធីសាស្រ្តមួយខុសឆ្គង។ ការគេងមានឥទ្ធិពលយ៉ាងខ្លាំងទៅលើអារម្មណ៍របស់អ្នកពេញមួយថ្ងៃ ហើយអាហារូបត្ថម្ភក៏ដើរតួនាទីយ៉ាងសំខាន់ក្នុងការគេងលក់ស្រួលផងដែរ។
អាហារទាក់ទងដោយផ្ទាល់ទៅនឹងសេរ៉ូតូនីន ដែលជាអ័រម៉ូនដ៏សំខាន់ ដែលរួមជាមួយវីតាមីន B6, B12 និងអាស៊ីតហ្វូលិក ដែលសុទ្ធតែជួយជំរុញការគេងឱ្យមានសុខភាពល្អ។
សូមព្យាយាមញ៉ាំអាហារដែលធ្វើឱ្យរាងកាយស្ងប់ បង្កើនកម្រិតសេរ៉ូតូនីន និងធ្វើឱ្យអ្នកត្រៀមខ្លួនសម្រាប់ការគេងលក់ស្កប់ស្កល់។
ខាងក្រោមនេះ គឺជាអាហារមួយចំនួនដែលអាចជួយអ្នកឱ្យចាប់ផ្តើមដើរនៅលើផ្លូវឆ្ពោះទៅរកភាពងងុយគេង។
- កាបូអ៊ីដ្រាតស្មុគស្មាញ ដូចជានំបុ័ងគ្រាប់ធញ្ញជាតិ នំប៉ាស្តា នំស្រូវសាឡី និងអង្ករសម្រូប។ ជៀសវាងការញ៉ាំអាហារផ្អែមៗ ដែលវាអាចកាត់បន្ថយកម្រិតអ័រម៉ូន serotonin និងមិនលើកកម្ពស់ការគេង។
- ប្រូតេអ៊ីនគ្មានខ្លាញ់រួមមានឈីស ប័រមានជាតិខ្លាញ់ទាប សាច់មាន់ និងត្រី។
- ខ្លាញ់ល្អចំពោះបេះដូង រួមមានប័រសណ្តែកដី គ្រាប់វ៉ាល់ណាត់ គ្រាប់អាល់ម៉ុង និងគ្រាប់ស្វាយចន្ទី ហើយសូមចៀសវាងអាហារដែលមានខ្លាញ់ច្រើនដូចជាដំឡូងបារាំងបំពង ឬអាហារសម្រន់ដែលមានជាតិខ្លាញ់ខ្ពស់ដទៃទៀត។
- ភេសជ្ជៈខ្លះអាចជម្រុញការគេង ភេសជ្ជៈខ្លះអាចធ្វើឱ្យអ្នកគេងមិនលក់។ ភេសជ្ជៈល្អដែលអាចជួយដល់អ្នកមុនពេលចូលគេង គឺទឹកដោះគោក្តៅ។ ចំពោះភេសជ្ជៈដែលមានជាតិកាហ្វេអ៊ីន សូមកុំញ៉ាំឱ្យសោះ។
សូមសាកល្បងអាហារទាំងអស់នេះដើម្បីកាត់បន្ថយរោគគេងមិនសូវលក់។ សូមសុបិន្តល្អ!
