Join with Health.com.kh on Telegram

ទោះបីជាធ្លាប់ទទួលទានក៏ដោយ ក៏ភាគច្រើននៃពួកយើងប្រហែលជាមិនធ្លាប់ដឹងពីអត្ថប្រយោជន៍នៃស្លឹកបន្លែនេះចំពោះសុខភាពឡើយ។ ថាតើស្លឹកឆៃថាវក្រហមអាចផ្ដល់ផលល្អៗអ្វីខ្លះ? ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីផលល្អៗទាំងនោះ ៖

១. សម្បូរវីតាមីននិងជាតិរ៉ែចាំបាច់

ស្លឹកនៃមើមឆៃថាវក្រហមមានផ្ទុកសម្បូរទៅដោយសារធាតុចិញ្ចឹមកាន់តែច្រើនរួមមានជាតិដែក, កាល់ស្យូម, អាស៊ីតហ្វូលិក, វីតាមីន C និងផូស្វ័រជាងមើមវាទៅទៀត។ វាជួយផ្ដល់នូវសារធាតុចិញ្ចឹមបន្ថែមក្នុងរបបអាហារប្រចាំថ្ងៃ។ សារធាតុទាំងនេះចាំបាច់ណាស់សម្រាប់រក្សាមុខងាររាងកាយល្អប្រសើរ។

២. សម្បូរទៅដោយជាតិសសៃ

ជាតិសសៃក្នុងស្លឹកឆៃថាវក្រហមល្អណាស់សម្រាប់ជួយសម្រួលប្រព័ន្ធរំលាយអាហារទប់ស្កាត់អាការៈទល់លាមកនិងហើមពោះ។

៣. ពង្រឹងប្រព័ន្ធភាពស៊ាំរាងកាយនិងកាត់បន្ថយអាការៈអស់កម្លាំង

ជាតិដែកនិងផូស្វ័រខ្ពស់ក្នុងស្លឹកឆៃថាវក្រហមអាចជួយពង្រឹងប្រព័ន្ធភាពស៊ាំរាងកាយ។ បន្ថែមពីនេះវាមានផ្ទុកសម្បូរទៅដោយវីតាមីន C, វីតាមីន A និងសារធាតុ thiamine ដែលជួយទប់ទល់អាការៈអស់កម្លាំង។

៤. កាត់បន្ថយអាការៈនៃជំងឺរលាកសន្លាក់ឆ្អឹង

អ្នកអាចលាយស្លឹកឆៃថាវក្រហមដែលចិញ្ច្រាំម៉ដ្ឋជាមួយស្ករសក្នុងបិរមាណស្មើគ្នា រួចថែមទឹកបន្តិច។ កូរលាយឱ្យសព្វ សឹមប្រើប្រាស់ល្បាយខាប់ៗនេះលាបលើជង្គង់ដែលឈឺហើមដើម្បីបំបាត់អាការៈឈឺចាប់ និងកាត់បន្ថយការហើម។

៥. ល្អសម្រាប់អ្នកជំងឺទឹកនោមផ្អែម

នេះក៏ព្រោះតែស្លឹកឆៃថាវក្រហមមានលក្ខណៈសម្បត្តិដែលជួយបន្ថយកម្រិតនៃជាតិស្ករក្នុងឈាម។

៦. លក្ខណៈសម្បត្តិបន្សាបជាតិពុលក្នុងរាងកាយ

ស្លឹកឆៃថាវក្រហមមានផ្ទុកសារធាតុចិញ្ចឹមចាំបាច់ដែលមានលក្ខណៈសម្បត្តិអាចជួយបន្សាប និងកម្ចាត់ជាតិពុលពីក្នុងរាងកាយ៕