Join with Health.com.kh on Telegram

ទោះបីជាស្គាល់និងឧស្សាហ៍ញ៊ាំតែលឿងប៉ុណ្ណាក៏ដោយ ក៏ភាគច្រើននៃពួកយើងប្រហែលជាមិនធ្លាប់ដឹងពីអត្ថប្រយោជន៍ដ៏អស្ចារ្យនៃភេសជ្ជៈនេះចំពោះសុខភាពឡើយ។ កុំបារម្ភ! ខាងក្រោមវេបសាយសុខភាព Health.com.kh នឹងបង្ហាញឱ្យដឹងពីមូលហេតុដែលអ្នកគួរចាប់ផ្ដើមទទួលទានតែលឿង ៖

១. ពង្រឹងសុខភាពបេះដូង

សារធាតុ Polyphenols ក្នុងតែលឿងក៏មានលក្ខណៈសម្បត្តិប្រឆាំងការរលាកដែលជួយរក្សាសុខភាពបេះដូងល្អប្រសើរ និងទប់ស្កាត់ជំងឺបេះដូងផ្សេងៗដែលទាក់ទងនឹងការរលាកដូចជាជំងឺសសៃឈាមបេះដូង។ តែលឿងក៏ជាប្រភពដ៏ប្រសើរនៃសារធាតុ flavanols ដែលជួយបន្ថយកម្រិតនៃកូឡេស្តេរ៉ូលមិនល្អផងដែរ។

២. ទប់ស្កាត់ហានិភ័យនៃជំងឺមហារីក

តែលឿងជាប្រភពនៃសមាសធាតុ bioactive ដែលមានលក្ខណៈសម្បត្តិប្រឆាំងជំងឺមហារីក។ សមាសធាតុ bioactive ជួយប្រឆាំងអុកស៊ីតកម្មនិងការរលាកដែលកាត់បន្ថយហានិភ័យនៃជំងឺមហារីកគួរឱ្យកត់សម្គាល់។ សារធាតុ polyphenols ក្នុងតែលឿងក៏ជួយការពារប្រឆាំងជំងឺមហារីកផងដែរ។

៣. ល្អសម្រាប់អ្នកជំងឺទឹកនោមផ្អែម

តែលឿងមានផ្ទុកសារធាតុ catechins ដែលមានឥទ្ធិពលលើកម្រិតនៃជាតិស្ករក្នុងឈាមនិងគ្រប់គ្រងរោគសញ្ញាស្មុគស្មាញផ្សេងៗនៃជំងឺទឹកនោមផ្អែម។

៤. ធ្វើឱ្យសុខភាពប្រព័ន្ធរំលាយអាហារកាន់តែមានលក្ខណៈប្រសើរឡើង

សារធាតុ polyphenols ក្នុងតែលឿងក៏ដើរតួនាទីសំខាន់មួយក្នុងការព្យាបាលបញ្ហាទាក់ទងនឹងប្រព័ន្ធរំលាយអាហារបានយ៉ាងប្រសើរផងដែរ។ សារធាតុប្រឆាំងអុកស៊ីតកម្មក្នុងតឺលឿងក៏ជួយព្យាបាលបញ្ហាក្រពះដែលបង្កឡើងដោយការរលាក។

៥. ល្អសម្រាប់សុខភាពថ្លើម

តែលឿងអាចទប់ស្កាត់បញ្ហាខ្លាញ់ក្នុងថ្លើម។ ការស្រាវជ្រាវបានឱ្យដឹងថារបបអាហារដែលមានផ្ទុកសម្បូរទៅដោយ polyphenol អាចជួយព្យាបាលជំងឺខ្លាញ់រុំថ្លើមដែលមិនបណ្ដាលមកពីគ្រឿងស្រវឹង។

៦. ពន្យឺតដំណើរការនៃភាពចាស់តាមវ័យ

សារធាតុ polyphenols ក្នុងតែលឿងអាចផ្ដល់នូវអត្ថប្រយោជន៍ពន្យឺតដំណើរការនៃភាពចាស់តាមវ័យគួរឱ្យកត់សម្គាល់។ វាជួយការពារស្បែកពីកាំរស្មីយូវីផងដែរ៕