ជឿថាមនុស្សជាច្រើនដែលកំពុងគេងលក់នៅពេលយប់នឹងមានអារម្មណ៍មិនល្អ បើសុខៗស្រាប់តែភ្ញាក់នៅពាក់កណ្តាលយប់ដែលមិនទាន់ព្រឹកនៅឡើយ។ ជាងនេះទៅទៀតអ្នកដែលពិបាកគេងហើយត្រូវភ្ញាក់នៅពាក់កណ្តាលយប់បែបនេះត្រូវព្យាយាមគេងម្តងទៀត ឬអ្នកខ្លះភ្ញាក់ហើយត្រូវភ្ញាក់តែម្តង ព្រោះឲ្យគេងទៀតគេងមិនលក់រហូតដល់ព្រឹក ឬពិបាកគេងបន្តទៀត។
តើអ្នកដឹងទេថាការគេងមិនលក់នឹងនាំឱ្យយើងគេងមិនបានគ្រប់គ្រាន់ រួមទាំងមានផលប៉ះពាល់ដល់សុខភាពផងដែរ។ ខាងក្រោមនេះជាហេតុផល ៤ យ៉ាងដែលអាចបណ្តាលឱ្យអ្នក“ គេងកល់ហើយភ្ញាក់” នៅពេលយប់៖
១. ភាពតានតឹង
ជាការពិតភាពតានតឹងគឺជាមូលហេតុមួយដែលធ្វើឱ្យអ្នកគេងលក់ហើយភ្ញាក់ព្រោះអ្នកអាចមានកង្វល់ផ្សេងៗ បណ្តាលឲ្យស្ត្រេសកើនឡើងបន្តិចម្តងៗរហូតធ្វើឱ្យរាងកាយមានអារម្មណ៍អស់កម្លាំងដោយមិនដឹងខ្លួន។ ក្រៅពីភាពតានតឹងវាក៏រួមបញ្ចូលការព្រួយបារម្ភក្នុងបញ្ហាផ្សេងៗ មិនថាជារឿងផ្ទាល់ខ្លួនឬការងារ។ ដូច្នេះត្រូវកាត់បន្ថយការកង្វល់នៅក្នុងចិត្ត នៅពេលដែលកង្វល់និងស្ត្រេសរសាត់បាត់ទៅបន្តិចម្តង ៗ នឹងធ្វើឲ្យអ្នកគេងលក់ស្រួល។
២. ជំងឺ
នៅពេលអ្នកមិនស្រួលខ្លួន ឈឺពោះ ឈឺចុកចាប់រាងកាយ ជាជំងឺទាក់ទងនឹងការគេងលក់ មានបញ្ហាផ្លូវដង្ហើម ក្អកឬមានអាការឈឺចាប់ផ្សេងៗ ប្រាកដណាស់អាការទាំងនេះអាចរំខានអ្នកនៅពេលអ្នកកំពុងគេងលក់ដោយអ្នកមិនបានដឹងខ្លួន។ ដូច្នេះអ្នកគួរតែស្វែងរកដំណោះស្រាយឬទៅជួបគ្រូពេទ្យដើម្បីព្យាបាល បើមិនដូច្នោះទេអ្នកនឹងត្រូវគេងលក់ហើយភ្ញាក់នៅកណ្តលយប់បែបនេះ វាពិតជាមិនល្អសម្រាប់រាងកាយរបស់អ្នកឡើយ។
៣. បរិស្ថាន
សូមក្រឡេកមើលបរិស្ថានជុំវិញកន្លែងស្នាក់នៅរបស់អ្នក មិនថាជាផ្ទះ ខុនដូឬអន្តេវាសិកដ្ឋានថាមានហាង ឬក្លិបដែលមានសំលេងខ្លាំងគ្រប់ពេលដែរទេ? តើកន្លែងស្នាក់នៅរបស់អ្នកនៅជាប់នឹងផ្លូវធំដែលមានរថយន្តរត់ពេញមួយថ្ងៃទេ? តើមានសំលេងការធ្វើចរាចរណ៍ទាំងយប់ទេ? រួមទាំងមានពន្លឺភ្លឺពេកនៃបន្ទប់គេងផ្ទាល់ខ្លួនរបស់អ្នក វត្ថុទាំងនេះដែលជាស្ថានភាពដែលអាចជាមូលហេតុមួយដែលធ្វើឲ្យរាងកាយរបស់អ្នកគេងមិនបានស្កប់។ ហើយធ្វើឱ្យអ្នកគេងលក់ហើយភ្ញាក់នោះឯង។
៤. ការញ៉ាំ
មិនជឿក៏ត្រូវតែជឿថាការញ៉ាំអាហារគឺជាមូលហេតុមួយដែលអាចបណ្តាលឲ្យអ្នកគេងហើយភ្ញាក់នៅពាក់កណ្តាលយប់បានពិសេសសម្រាប់អ្នកដែលចូលចិត្តញ៉ាំអាហារពេលយប់ជ្រៅ ហើយទម្រេតខ្លួនគេងតែម្តង។ ជាការពិតណាស់តែងមានអាការណែនពោះ មានអារម្មណ៍តឹងណែន អាហារមិនរំលាយ និងអ្នកខ្លះមានអាការៈចុកសៀតរហូតត្រូវក្រោកពីដំណេកទាំងកណ្តាលយប់។ ការមានអាកប្បកិរិយាប្រភេទនេះអាចធ្វើឲ្យអាការចាលអាស៊ីតខ្លាំងណាស់។ ដូច្នេះក្រោយញ៉ាំអាហាររួចភ្លាមៗកុំទាន់ទម្រេតខ្លួនគេងភ្លាម។