Join with Health.com.kh on Telegram

អ្នកណាក៏ចង់មានស្បែកភ្លឺរលោង ដែលមិនមានតែស្បែកមុខតែប៉ុណ្ណោះដែលគួរឲ្យចង់មើល ការដែលមានជើងស្រលូនសរលោងមិនមានស្នាមអុជខ្មៅក៏បញ្ជាក់ពីសុខភាពដ៏ល្អផងដែរ។ ប៉ុន្តែប្រសិនបើអ្នកបណ្តោយឲ្យមូសខាំ ហើយភ្លេចខ្លួនអេះរហូតដល់ក្លាយជារបួសនិងស្នាមអុជខ្មៅពេញជើង តើមានវិធីអ្វីធ្វើឲ្យស្នាមអុជខ្មៅនៅលើស្បែកដែលបណ្តាលមកពីមូសខាំត្រឡប់មកភ្លឺរលោងវិញ ពេលនេះយើងមានចម្លើយប្រសិនបើអ្នកចង់ដឹងតាមមកមើលវិធីធ្វើទាំងអស់គ្នា៖

 ១. ខាត់ស្បែកដើម្បីកាត់បន្ថយស្នាម

            ការខាត់ស្បែកនឹងពន្លឿនការជម្រុះកោសិកាស្បែកដែលងាប់ឲ្យជ្រុះ ព្រមទាំងពន្លឿនការផលិតកោសិកាស្បែកថ្មីដើម្បីជំនួសស្នាមអុជខ្មៅនោះរលប់បាត់បន្តិចម្តង ៗ។ ចំពោះការខាត់ស្បែកគួរតែជ្រើសរើសផលិតផលខាត់ស្បែកដែលមានធាតុផ្សំដែលមានសារធាតុបំប៉នដើម្បីការពារស្បែកថ្មីឲ្យមានសុខភាពប្រសើរឡើង ហើយគួរខាត់ស្បែកឱ្យបានទៀងទាត់ដើម្បីទទួលបានលទ្ធផលល្អ។

២. ជ្រើសរើសcreamសម្រាប់ស្បែកស

            ដូចដែលអ្នកបានដឹងហើយថាពន្លឺព្រះអាទិត្យគឺអាចធ្វើឲ្យស្បែករបស់ខូចហើយខ្មៅទៀតផង។ បន្ថែមលើនេះនៅពេលដែលស្បែកដែលមានអុជខ្មៅត្រូវបានប៉ះពាល់នឹងពន្លឺព្រះអាទិត្យវានឹងធ្វើអោយស្នាមអុជនោះកាន់តេមានពណ៌ខ្មៅស្រអាប់ ធ្វើឲ្យពិបាកដល់ការរក្សាព្យាបាលឲ្យភ្លឺរលោងវិញណាស់ ដូច្នេះមុននឹងចេញទៅក្រៅប៉ះនឹងពន្លឺព្រះអាទិត្យ គួរលាបឡេការពារកម្តៅថ្ងៃដើម្បីការពារស្បែកនៅលើជើងជាមុនសិន។

៣. ការប្រើរូបមន្តឡាស៊ែរបំបាត់

            ការបំបាត់ស្លាកស្នាមដោយវិធីឡាស៊ែរ វានឹងជួយពន្លឿនការផលិតកូឡាជែននៅស្រទាប់ស្បែកខាងក្រោម។ ពន្លឿនការបង្កើតកោសិកាស្បែកថ្មី ទើបនេះជាវិធីមួយផ្សេងទៀតដែលអាចជួយឱ្យស្បែកនៅលើជើងវិលមករកភាពរលូននិងឆាប់រហ័ស។