នៅពេលដែលអ្នកឈឺក្បាលប្រកាំង នោះអ្នកនឹងមានអារម្មណ៍ថាឈឺខ្ទោកៗ ដែលជារឿយៗអាការៈតែងកើតមានតែមួយចំហៀងក្បាល។ វាមិនត្រឹមតែធ្វើឲ្យអ្នកឈឺចាប់នោះទេ វាថែមទាំងអាចប៉ះពាល់ទៅដល់គុណភាពនៃកិច្ចការងារទៀតផង ប្រសិនបើអ្នកឈឺ ពេលកំពុងតែធ្វើការនោះ។
ជាញឹកញាប់ គេសង្កេតឃើញថាអ្នកដែលមានអាការៈបែបនេះ គឺពិបាកនឹងធ្វើការផ្តោតអារម្មណ៍ ទៅលើអ្វីមួយ,មានអារម្មណ៍ចង់ក្អួតចង្អោរ ហើយក៏មានការកំណត់ទៅលើការធ្វើសកម្មភាពរាងកាយផ្សេងៗទៀតដែរ។ មនុស្សស្រីតែងមានអាការៈឈឺក្បាលប្រកាំងនេះ ច្រើនជាងមនុស្សប្រុស។ ជាការពិតតាមការស្រាវជ្រាវបានរកឃើញថា មនុស្សស្រីគឺមានឱកាសកើតវា ដល់ទៅ៣ដងច្រើនជាងមនុស្សប្រុស ។
មនុស្សភាគច្រើនតែងសម្រេចចិត្តទៅទិញថ្នាំបំបាត់ការឈឺចាប់ នៅតាមឱសថស្ថាននានាដើម្បី បំបាត់អាការៈនេះ។ ទោះជាថ្នាំនេះអាចមានប្រសិទ្ធភាព តែវាអាចនឹងត្រូវការចំណាយពេលយូរបន្តិច ឬអ្នកអាចប្រឈមនឹងផលរំខានផ្សេងៗ។ ប៉ុន្តែពេលនេះ សូមកុំបារម្ភយើងមាននូវវិធីធម្មជាតិដ៏ងាយស្រួលបំផុត ក្នុងការបំបាត់វាដោយអ្នកមិនចាំបាច់ចំណាយអ្វីច្រើនឡើយ។
អ្នកអាចបញ្ឈប់អាការៈឈឺក្បាលប្រកាំងបានដោយការប្រើអំបិល
ចូរទៅកាន់ចង្ក្រានបាយ ហើយរកមើលនូវវត្ថុទាំង៣នេះ គឺអំបិល ទឹក និង ក្រូចឆ្មារ។
អ្នកគ្រាន់តែចាក់ទឹកដាក់ចូលក្នុងកែវហើយដាក់អំបិល និងក្រូចឆ្មារបន្តិចកូរវាអោយសព្វ រួចផឹកវា នោះអាការៈឈឺក្បាលប្រកាំងរបស់អ្នកនឹងជាសះជាមិនខាន។ មិនត្រឹមតែប៉ុណ្ណោះ អ្នកក៏អាចយកសំបកក្រូចឆ្មារដែលច្របាច់យកទឹករួច មកឈ្លីម៉ាស្សានៅលើថ្ងាសថ្នមៗ ក៏វាអាចជួយសម្រាលអាការៈនេះបន្ថែមទៀតបានផងដែរ ៕
