ជំងឺផ្តាសាយគឺជាជំងឺដែលគួរឲ្យស្អប់បំផុត ដូចនេះតើក្រៅពីប្រើថ្នាំដើម្បីព្យាបាលជំងឺនេះ មានវិធីអ្វីទៀតសម្រាប់ព្យាបាលនោះ? ខាងក្រោមនេះយើងខ្ញុំនឹងណែនាំអ្នកពីវិធី៥យ៉ាងក្នុងការធ្វើឲ្យអ្នកមានអាការៈធូរស្បើយជាងមុន។
ត្រាំទឹកក្តៅ
នៅពេលដែលអ្នកទើបតែចាប់ផ្តើមមានជំងឺផ្តាសាយ អ្នកអាចត្រាំទឹកក្តៅដើម្បីឲ្យបែកញើសបាន នោះជំងឺផ្តាសាយអ្នកនឹងមិនធ្ងន់ធ្ងរឡើយ ប៉ុន្តែនៅពេលដែលអ្នកត្រាំទឹកក្តៅរួច អ្នកមិនត្រូវឲ្យរាងកាយអ្នកត្រូវខ្យល់នោះទេ ព្រោះពេលនោះរន្ធញើសអ្នកកំពុងតែបើក ប្រសិនជាអ្នកមិនប្រយ័ត្ន ហើយត្រូវខ្យល់ នោះជំងឺផ្តាសាយអ្នកនឹងកាន់តែធ្ងន់ធ្ងរឡើង។
បរិភោគបបរស្លឹកខ្ទឹម
នៅពេលដែលផ្តាសាយគឺត្រូវតែបញ្ចេញញើសច្រើនចេញមកក្រៅ ទើបវាអាចបញ្ចេញជាតិពុលចេញមកក្រៅបាន នោះទើបជំងឺផ្តាសាយអ្នកអាចធូរស្រាលជាងមុន ដូចនេះអ្នកអាចបរិភោគបបរស្លឹកខ្ទឹមបាន វានឹងជួយអ្នកបញ្ចេញជាតិពុលចេញមកក្រៅ នោះជំងឺផ្តាសាយអ្នកនឹងជាសះស្បើយ។
បន្លែ និងផ្លែឈើ
អ្នកត្រូវតែពិសារបន្លែ និងផ្លែឈើ ទើបជំងឺផ្តាសាយអ្នកមិនធ្ងន់ធ្ងរ ប៉ុន្តែបន្លែ អ្នកត្រូវតែចម្អិនឲ្យឆ្អិនជាមុនសិន ទើបបរិភោគ មិនត្រូវញ៉ាំឆៅនោះទេ រីឯក្រូចឃ្វិច ផ្លែស្រការនាគ និងឳឡឹក អ្នកមិនត្រូវពិសារច្រើនឡើយពេលដែលអ្នកផ្តាសាយ។
មិនត្រូវប៉ូវ
នៅពេលដែលអ្នកផ្តាសាយ អ្នកមិនត្រូវបរិភោគអាហារដែលប៉ូវនោះទេ ព្រោះវាអាចធ្វើឲ្យជំងឺអ្នកកាន់តែធ្ងន់ធ្ងរបាន ប្រសិនជាអ្នកចង់ប៉ូវ អ្នកអាចប៉ូវក្រោយពេលជាសះស្បើយពីជំងឺផ្តាសាយ។
គេងឲ្យគ្រប់
ការគេងឲ្យគ្រប់គឺជាថ្នាំដែលល្អបំផុតចំពោះជំងឺផ្តាសាយ ដូចនេះអ្នកត្រូវតែចូលគេងពីព្រលប់ មិនត្រូវគេងយប់ជ្រៅនោះទេ ម្យ៉ាងទៀត អ្នកមិនត្រូវធ្វើការហត់ឡើយ ព្រោះវាអាចធ្វើឲ្យជំងឺអ្នកកាន់តែធ្ងន់បាន៕