ភាគច្រើនដំបៅក្រពះតែងបង្កឡើងដោយបាក់តេរី Helicobacter Pylori ឬ H. pylori។ ក្រៅពីនេះវាក៏អាចកើតឡើងដោយសារការប្រើថ្នាំបំពាត់ការឈឺចាប់ប្រភេទ អាស្ពីរីន និងថ្នាំពពួក Non-steroidal Anti-inflammatories ច្រើនជ្រុល នៅពេលដំបៅក្រពះកើតមាន វានឹងធ្វើឲ្យមានការឈឺចាប់ខ្លាំងដោយសារតែចំនួនអាស៊ីតក្នុងក្រពះ។ ជំងឺដំបៅក្រពះច្រើនតែត្រូវបានព្យាបាលដោយថ្នាំផ្សះ ឬថ្នាំបន្ថយ ទប់អាស៊ីត ឬបន្សាប់អាស៊ីតក្រពះ។ យ៉ាងណាមិញ ខ្ញុំមានការព្យាបាលបែបធម្មជាតិជាច្រើនដែលអ្នកអាចប្រើដើម្បីបំបាត់រោគសញ្ញាដំបៅក្រពះ និងជួយឲ្យដំបៅនោះឆាប់ជាផង។
វីតាមីន E
ការញ៉ាំវីតាមីន E ប្រមាណ ៣០០មីលីក្រាមរាល់ថ្ងៃអាចព្យាបាលអ្នកជំងឺដំបៅក្រពះបានយ៉ាងមានប្រសិទ្ធភាព។ អ្នកជំងឺដែលប្រើថ្នាំវីតាមីននេះក៏អាចជួយបង្កើនចំនួនប្រូតេអ៊ីនក្នុងភ្នាស់ក្រពះពោះវៀន និងឡើងទម្ងន់ផងដែរ។
ចេក
ចេកខ្ចីផ្តល់ជាការការពារដ៏រឹងមាំមួយដើម្បីជួយបង្ការ និងផ្សះដំបៅ។ ចេកក៏ជំរុញដល់ការលូតលាស់កោសិកាក្នុងពោះវៀនផងដែរ។ វាផ្ទុកទៅដោយសារធាតុ Polysaccharides ដែលរលាយក្នុងទឹក និងមានលក្ខណៈស្រដៀងគ្នានឹងសារធាតុមានក្នុងថ្នាំប្រឆាំងការកើតដំបៅ Carafate ដែរ។ អ្វីដែលអ្នកត្រូវការគឺ បកសម្បកចេកចេញឲ្យអស់ ហើយកាត់វាជាចំណិតស្តើងៗ។ ដាក់ក្នុងម៉ៃក្រូវ៉េវដើម្បីសម្បួតវា។ បន្ទាប់មកចូរកិនវាទៅជាម្សៅ។ លាយម្សៅចេកនេះពីរស្លាបពញរាបាយជាមួយនឹងទឹកឃ្មុំមួយស្លាបព្រាបាយ ហើយញ៉ាំវា។ អ្នកគួរតែធ្វើបែបនេះ ៣ដងក្នុងមួយថ្ងៃ។
ទឹកឃ្មុំ
ទឹកឃ្មុំជារបស់ផ្អែមមួយប្រភេទដែលមានសារធាតុផ្សេងៗរបស់វារហូតដល់ ២០០ប្រភេទឯណោះ ដែលក្នុងនោះក៏មាន Polyphenols និងអង់ទីអុកស៊ីដង់ផ្សេងៗទៀតដែរ។ ទឹកឃ្មុំគឺជាអាហារសម្លាប់បាក់តេរីដ៏ខ្លាំងមួយ ហើយក៏អាចសម្លាប់បាក់តេរី H. pylori បានដែរ។ កាលណាអ្នកមានកម្រិតជាតិស្ករធម្មតា អ្នកនៅតែអាចញ៉ាំទឹកឃ្មុំបានដែរ។ គន្លឹះសំខាន់ដើម្បីព្យាបាលដំបៅក្រពះបានជោគជ័យនោះគឺជ្រើសរើសទឹកឃ្មុំធម្មជាតិ។ ចូរញ៉ាំទឹកឃ្មុំពីរស្លាបព្រាបាយក្នុងមួយថ្ងៃ។ នៅពេលជាហើយ អ្នកគ្រាន់តែញ៉ាំមួយស្លាបព្រាបាយជារៀងរាល់ថ្ងៃគឺគ្រប់គ្រាន់ហើយ។