អ្នកបានភ្ញាក់ឡើង នៅពេលព្រឹក ជាមួយនឹងអាការៈតឹងណែន នៅក្នុងបំពង់ក របស់អ្នក និង ក្អកមក ជាមួយនឹង ស្លេស្មជាច្រើន ហើយនាពេលភ្លាមៗនោះ អ្នកមានអារម្មណ៍ថាឈឺចាប់ នៅក្នុងបំពង់ក ផងដែរ។ អ្វីដែលអាក្រក់ជាងនេះ នោះគឺអ្នកមិនចង់ចេញទៅក្រៅ ដើម្បីរកទិញថ្នាំនោះទេ។ ដូចនេះ អត្ថបទមួយនេះ នឹងធ្វើការបង្ហាញអ្នកនូវវិធី ដែលអ្នកអាចសំអាត នូវបំពង់ក របស់អ្នកបាន ដោយការប្រើ ជាមួយនឹងវត្ថុដែលអ្នកមានជាស្រេច នៅក្នុងផ្ទះរបស់អ្នក ។
•ការក្អក អោយមានប្រសិទ្ធភាព។ យើងអាចធ្វើវាបាន ដោយការងូតទឹកក្តៅឧណ្ណៗ នោះកំដៅ ទាំងនេះ នឹងធ្វើអោយស្លេស្មរបស់អ្នក នឹងមានភាពងាយស្រួលនឹង ក្អកចេញមក។ ធ្វើការខ្ពុរមាត់ ជាមួយនឹងទឹកក្តៅល្មម អោយបាន ៣០វិនាទី និង លេបវាខ្លះ។ ការផឹកភេសជ្ជះក្តៅឧណ្ណៗ គឺហាក់នឹងមានលក្ខណៈដូចគ្នា តែទោះជាយ៉ាងណាក៏ដោយ ការងូតទឹកក្តៅឧណ្ណៗ គឺអាចនឹងមាន ប្រសិទ្ធភាពយូរជាង ការផឹកទឹកក្តៅ ដែលវានឹងអាចជួយបង្កើនកំដៅ ទៅលើរាងកាយទាំងមូល របស់អ្នកបាន ។
•ពាក់អ្វី ដែលអាចការពារដើមទ្រូងរបស់អ្នក ពីខ្យល់។ អ្នកអាចពាក់នូវកន្សែងរុំក ដើម្បីជួយអោយ រាងកាយអ្នកមាន ភាពកក់ក្តៅ ដោយមិនចាំបាច់ធ្វើការកំដៅខ្លួនប្រាណទាំងមូល របស់អ្នក។
•ធ្វើការក្រហ៊ឹម នៅពេលដែលអ្នកអាចធ្វើបាន វិធីនេះ គឺអាចជួយបំផ្លាញស្លេស្ម ដែលមានជាប់ នៅក្នុងបំពង់កអ្នក។
•អ្នកត្រូវធ្វើការខាកស្តោះ ហើយមិនត្រូវលេបវានោះទេ។ ធ្វើការខាកស្លេស្ម អោយមានអនាម័យល្អ ដល់អ្នកជុំវិញខ្លួន ដោយអ្នកត្រូវប្រាកដថា អ្នកមិនបានធ្វើការលេបស្លេស្មនេះទេ តាមដែលវានឹង អាចធ្វើអោយវានៅស្ទះជាប់នឹង បំពង់កអ្នកទៀតបាន ។
•បង្កើតភេសជ្ជះ ដែលអាចជួយកាត់ ឬ យកស្លេស្មចេញពីក្នុងបំពង់កអ្នក។ ការផឹកភេសជ្ជះក្តៅ (ទឺកដោះគោ គឺហាក់នឹងមិនអាចជួយអ្នកបានច្រើននោះទេ) ទឹកក្តៅដែលប្រើអំបិល (គឺល្អបំផុត) , ទឹកក្តៅឧណ្ណៗដោយដាក់ទឹកឃ្មុំ និង ក្រូចឆ្មារ ឬ ប្រើទឹកឃ្មុំមួយស្លាបព្រា។
•ទទួលទាន នំបុ័ងអាំង។ នំបុ័ងអាំង គឺជាអាហារដ៏ល្អ ក្នុងការបំបែកស្លេស្ម និង ជួយបញ្ជូនវាទៅ កាន់អាស៊ីត នៅក្នុងក្រពះ តាមដែលវាអាចសំអាតបំពង់កបានថ្នមៗ និង ជួយយកស្លេស្មចេញពី ក្នុងបំពង់ក បានយ៉ាងមានប្រសិទ្ធភាព ។
គន្លឹះបន្ថែម
•អ្នកមិនត្រូវខំប្រឹងក្អកខ្លាំងពេកនោះទេ តាមដែលវានឹងអាចបំផ្លាញបំពង់ករបស់អ្នក ឬអាច ធ្វើអោយ វាកាន់តែមានសភាពអាក្រក់ជាងមុន។ អ្នកក៏ អាចនឹងធ្វើអោយឆ្អឹងជំនី បាក់ ឬបំផ្លាញដល់ សាច់ដុំដែលមាននៅក្រោមឆ្អឹងជំនីរបស់អ្នកបានផងដែរ ។
•ដាក់តំបន់ត្រង់ក អោយមានភាពកក់ក្តៅ តាមដែលអ្នកអាចធ្វើបាន។
•ការគេង ប្រហែលជាអាចជួយអ្នកបាន ប៉ុន្តែពេលខ្លះ ការគេងយូរពេកគឺអាច ធ្វើអោយស្លេស្ម កើនឡើងច្រើនជាងមុន ៕
វិធីធម្មជាតិក្នុងការកំចាត់ស្លេស្មនៅក្នុងបំពង់ក
