ការឈឺបំពង់ក ច្រើនតែបណ្តាលមកពី ការរលាកដោយសារជំងឺផ្តាសាយ ឬវីរុស។ ខណៈដែលវាអាចមានការឈឺចាប់ និងរំខានច្រើននោះ វាក៏អាចនឹងបាត់ទៅវិញ ដោយខ្លួនឯងដែរ។ យោងទៅតាម Web MD បានឲ្យដឹងថា ការឈឺបំពង់ក អាចជារឿងធម្មតារបស់វីរុស។ វាអាចបណ្តាលមកពី ជំងឺផ្តាសាយ និងការបង្ករោគដោយវីរុសជាដើម។
មានរបៀបព្យាបាលដោយខ្លួនឯងមួយចំនួន ដែលយើងអាចធ្វើបានដោយខ្លួនឯងដែរ ដូចជា ៖
ទឹកឃ្មុំ
ទឹកឃ្មុំ អាចជួយដោះស្រាយបញ្ហាឈឺបំពង់បានយ៉ាងល្អ។ អ្នកអាចលាយវាជាមួយតែ ឬញ៉ាំធម្មតាៗក៏បានដែរ។ តាមការសិក្សាបានឲ្យដឹងថា ក្មេងចំនួន ១៣៩ នាក់ ដែលរកឃើញថា មានការបង្ករោគនៅផ្លូវដង្ហើមខាងលើ គឺមានការធូរស្រាល ចំពោះអាការៈក្អកពេលយប់ នៅពេលញ៉ាំទឹកឃ្មុំ។
ទឹកអំបិល
ទឹកអំបិល គឺជាវិធីសាស្ត្រដោះស្រាយ បញ្ហាឈឺបំពង់កដ៏ញឹកញាប់បំផុត។ ការសិក្សារកឃើញថា ការខ្ពុរទឹកអំបិលក្តៅឧណ្ឌៗរាល់ថ្ងៃ អាចកាត់បន្ថយការហើមបំពង់ក និងជួយរំលាយស្លេស ព្រមទាំងបំបាត់ការរលាក និងបាក់តេរីទៀតផង។ យ៉ាងណាមិញ គ្រូពេទ្យនិយាយថា យកល្អ គួរតែលាយទឹកឃ្មុំបន្តិច ជាមួយនឹងទឹកអំបិលទៅ បើសិនជាពិបាកញ៉ាំទឹកអំបិល៕